Tuʻunga Fakalakalaka ʻo e Ngaahi Temipale Foʻoú

ʻI he fakaʻau ke lelei ange ʻa e ngaahi tūkunga fakalotofonua ʻo e mahaki fakaʻauhá, kuo kamata ke toe hoko atu ʻa e ʻoupeni hausí mo hono fakatapui ʻo e ngaahi temipalé. ʻOku kei hokohoko atu pē hono toe fakaava fakakongokonga ʻo e ngaahi temipalé, pea liliu ʻo fakatatau mo e ngaahi tūkunga fakalotofonuá.

ʻOku ʻamanaki ke fakahoko e ʻoupeni hausi ʻo e temipale ʻi Uinipeki, Manititopa, Kānatá, ʻa ia ʻe fakatapui ʻi he ʻaho 31 ʻo ʻOkatopa 2021, pea mo e temipale ʻi Pokatelo, ʻAitahō, USA, ʻa ia ʻe fakatapui ʻi he ʻaho 7 ʻo Nōvema 2021.

Naʻe fakatapui e Senitā Takimamata foʻou ʻa e Temipale Mesa ʻAlesoná ʻi ʻAokosi 2021, pea ʻe fakahoko ha ʻoupeni hausi maʻá e temipalé mei he ʻaho 16 ʻo ʻOkatopá ki he ʻaho 20 ʻo Nōvemá, pea ʻe toe fakatapui ʻi he ʻaho 12 ʻo Tīsemá.

Naʻe fakatapui ha vāhenga fakahisitōlia ʻo e Temipale Nāvū ne fakaleleiʻí ʻi ʻIlinoisi, USA, pea ʻe toki tānaki atu mo ha ngaahi tūkunga kehe ʻamui ange.

Kuo fakataimi-tēpileʻi ha ʻoupeni hausi maʻá e temipale ʻi Uāsingatoni, D.C., USA, kimuʻa pea toe fakatapui ʻi he ʻaho 19 ʻo Sune 2022.

ʻI Mē ʻo e taʻu ní, naʻe fanongonongo ai ha temipale ki ʻIfalemi, ʻIutā, USA, pea kuo tanupou e ngaahi temipale ʻi Salavatoa, Palāsilá; Nailopi, Keniā; Nomi Peni, Kemipoutia; Neiafu, Tonga; pea mo Talahasi, Folōlita; Tuele, ʻIutā; Sailakiusi, ʻIutā; Helena, Monitana; pea mo Pitisipeeki, Penisilivēnia, USA.

Hili e konifelenisi lahí, naʻe tanupou e temipale ʻi Kesipā, Uaiōmingi, USA, ʻi he ʻaho 9 ʻo ʻOkatopa 2021, pea mo e temipale ʻi Pango Pango, Haʻamoa ʻAmeliká ʻi he ʻaho 30 ʻo ʻOkatopa 2021.

ʻOku hokohoko atu hono fakaleleiʻi e ngaahi temipale ʻi Hemilitoni, Nuʻusilá; Hongo Kongo, Siaina; Tokiō, Siapani; Kolomupusi, ʻOhaiō, USA; mo Manitī, Sōleki Siti mo Seni Siaosi, ʻIutā, USA.

ʻOku hokohoko atu hono langa ʻo e ngaahi temipale lahi ange ʻe 40 ʻi he funga ʻo e māmaní.