Fakalahi e Ngaahi Faingamālie Ngāue Fakafaifekau Tokoní

ʻOku ʻatā he taimí ni ʻa e ngaahi faingamālie ngāue fakafaifekau tokoní maʻá e kāingalotu matuʻotuʻa ʻo e Siasí ʻi ha feituʻu pē he māmaní. Ko e ngāue fakafaifekau tokoni ʻa e kau faifekau matuʻotuʻá naʻe fakahoko pē ia ʻi he ʻIunaiteti Siteití, Kānata mo ha ngaahi feituʻu pau ʻo ha ngaahi ʻēlia kehe. ʻOku nofo ʻa e kau faifekau ngāue tokoní ʻi ʻapi ʻo ngāue tokoni ʻi ha houa ʻe 8 ki he 40 he uike, ʻo ʻikai toe siʻi hifo he māhina ʻe onó. ʻOku hokohoko atu pē ʻa e hoko ʻenau palesiteni fakasiteiki fakalotofonuá ko honau taki faka-Siasí.

ʻOku kei poupouʻi pē ʻa e kakai matuʻotuʻá ke nau ngāue fakafaifekau taimi kakato mavahe mei ʻapi ʻo kapau ʻoku faingamālie honau tūkungá.

Ko kinautolu ʻoku loto ke ngāue ko ha faifekau matuʻotuʻá pe hoko ko ha faifekau matuʻotuʻa ngāue tokoní, te nau lava ʻo tohi kole ʻi he SeniorMissionary.ChurchofJesusChrist.org (ʻa ia ʻoku maʻu ʻi he lea faka-Pilitāniá, faka-Falaniseé, faka-Sipeiní mo faka-Potukalí).