“Ukōt Akwāāl n̄an Iakwe,” Liaona, M̧aaj./Eprōļ. 2022.
Ruwainene n̄an Bok In
Ukot Akwāāl n̄an Iakwe
Josepjān Ijipt, jān Michael T. Malm
Jej jet iien en̄jake jum̧ae ilo jem̧jerā ko ad. Jeļā wāween ad ukōt jum̧ae ko me rej kakkure kōj im jum̧ae ko me rej kaļōk kōj ej men eo eaorōk n̄an mour ko ad. Em̧ool jej apan̄ wōt kaki.
Jum̧ae ko me rej kakkure kōj rej kobrak kōj kōn eddodo. Akwāāl em̧ōkaj an ļapļo̧k. Kālet ko ad jej en̄jake bwe elōn̄ jon̄aer. Jej en̄jake m̧ōjņo im ikūm̧kūm̧. Jem̧jerā ko rerub im jukjuk in pād ko rejepelļo̧k im rej pād ilo tulikin dōkā ko retipdikdik in juon em̧ kileplep.
Ak jemaron̄ bar bōk koņaad ilo jum̧ae ko rej kalōk kōj, ijo jemaron̄ lo anemkwoj jān nana ko an akwāāl. Jemaron̄ kōjerbal jim̧we im tūriam̧o, kōkajoorļo̧k jem̧jerā ko ad, im ņa mejļan būrabōļōm ko ad me rem̧wūlaļ. Aeņōm̧m̧an emaron̄ bōk jikin—ilo jem̧jerā ko ad im jukjuk in pād ko ad.
Āinwōt juon rijojomar jum̧ae, ļeo pālele, im baba, ikar lo bwe gospel eo an Jisōs Kraist remaron̄ bōktok n̄an kōj meram im kajoor ko remenin aikuj n̄an ukōt akwāāl n̄an iakwe.
Ilo bok in kwonaaj riiti kōn wāween an Jekob, Iso, im Josep kar maron̄ kōkm̧anm̧an ļo̧k jum̧ae ko ilo baam̧le ko aer im wāween ad maron̄ kōm̧m̧an ejja āindein ilo m̧ōko m̧ōd im jukjuk in pād ko peij 20). Kwonaaj barāinwōt riiti bwebwenato eo an Elder D. Todd Christofferson me ekaburom̧ōjm̧ōj kōn wāween an mellijon̄ ko maron̄ ļōme kōj eļan̄n̄e jej oktak n̄an Irooj kōn jipan̄ (lale peij 6).
Kōn menin elōn̄ iaad rej ineek elōn̄ metak ko kōn jem̧jerā ko rerub ilo m̧weo im ilo laļ in. Ij kōjatdikdik bwe bok in ej letok kōjatdikdik n̄an ro rej en̄jake ejjeļo̧k kōjatdikdik ilo kōkm̧anm̧an jem̧jerā ko, me ej im̧we tōmak ke jejjab make iaad, im eļaptata an aorōk, bwe jej en̄jake iakwe eo an Jisōs Kraist ilo juon wāween me ej ukōt ejjab buruōd wōt ak buruōn ro rej apan̄ ippāer barāinwōt.
Ilo iakwe,
Chad Ford
Professor in Intercultural Peacebuilding, Brigham Young University–Hawaii