“Kijeek in Kōmerāikļo̧k Kaen̄tanaan Ko,” Liaona, M̧aaj./Eprōļ. 2022.
Kijeek in Kōmerāikļo̧k Kaen̄tanaan Ko
Ij jar bwe kōj kajjojo jenaaj epaake Jemedwōj Ilan̄ im Rilo̧mo̧o̧r ilo ad dibuki apan̄ ko ad make.
Pija ko jān Getty Images
Apan̄ ko ilo mour rejjab bwilōn̄ kaki. Men̄e ej jarjar jān jerawiwi ko ad make im bōd ak bar juon men, apan̄ ej juon m̧ool an mour in. Jet armej rej ļōmņak rej aikuj ettoļo̧k jān jabdewōt apan̄ eļan̄n̄e rej kōjparok kien ko an Anij, ak ej pād “ilo upaaj in jorrāān” (Aiseia 48:10; 1 Nipai 20:10) me kar kālet kōj. Men̄e Rilo̧mo̧o̧r ekar jab anemkwoj jān apan̄:
“Men̄e Nejin, Ear katak im pokake kōn men ko Ear en̄taan kaki;
“Im ke em̧ōj koweeppān E, Ej Ri Lo̧mo̧o̧r indeeo n̄an ro otemjej rej pokake E.”
N̄an ro me rej bōk eddo, men ko reppen ekkā an juon wāween eaorōk n̄an ad āliktata “kōm̧m̧an bwe jen wānōk.” Ej ta eo ej kōm̧m̧an bwe mour in en ļapļo̧k an aorōk jān juon idajon̄jon̄ in jokālet ko reļļōn̄. Anij ejja itok wōt limoin kōn ta eo jej kōm̧m̧ane ak ta ko jejjab ak wōn eo jej tin erom̧. 1 Eļan̄n̄e jej kōņaan, Enaaj katakin kōj n̄an kōm̧m̧an āinwōt An kōm̧m̧an ijjeļo̧k an bar jet kōm̧m̧ane n̄an e (lale 2 Nipai 2:14–16). Jej aikuj ekkatak n̄an mour jim̧we ilo aolep jekjek ok ak, āinwōt an kar Būreejtōn Brigham Young (1801–77) ba, men̄e “ilo marok.” 2
Ij tōmak bwe idajon̄jon̄ eo n̄an eļļā im eddōkļo̧k jān apan̄ ko me rej waļo̧k n̄an kōj n̄e Anij ekar kwaļo̧k An karōk in lo̧mo̧o̧r ilo mour eo m̧okta. Jej aikuj kwaļo̧k idajon̄jon̄ in kiiō bwe Jemedwōj Ilan̄ enaaj rejtake kōj. Irooj ej tūriam̧o kake aolep ro me rej oktakļo̧k n̄an E. N̄e ejako Anij, en̄jake kein rejino eddodo, ebbweer, im aaet būrom̧ōj.
Ippān Anij, aenōm̧m̧an ebōk jikin metak, aenōm̧m̧an ebōk jikin būrom̧ōj, im kōjatdikdik ebōk jikin inepata. Anij enaaj ukōt mellijon̄ eo n̄an kōjeraam̧m̧an im, ilo naan ko an Aisea, “leļo̧k … bwidej in upaaj” (Aisea 61:3). Kallim̧ur eo An ejjab n̄an letok n̄an kōj jum̧ae ak n̄an kōjparok im kaeņōm̧m̧an kōj ilo kaen̄taanan ko ad im n̄an kōjeņoļo̧ki n̄an em̧m̧an eo ad (lale 2 Nipai 2:2; 4:19–26; Jekab 3:1).
Ilo an Jemedwōj Ilan̄ jamin akweļap kōn jipan̄ eo An im kōjeram̧m̧an kōj, E enaaj kōm̧m̧an ekkar n̄an tūriamo̧ im jouj an Eo Nejin Ejitōnbōro im kajoor eo an Jetōb Kwojarjar n̄an rejttake er n̄e jej kappukot E. Jej lo elōn̄ waanjon̄ak ko kōn rie in ipeļaakd im ilo rekoot ko rekwojarjar.
Tukadu in Meļeļe an Kallim̧ur M̧okta
Ilo Kallim̧ur M̧okta jej lo pokake eo an Abraham ekar lukkuun kijenmej ium̧win iiō ko kōn kallim̧ur eo an Anij n̄an e—im n̄an jolet im jeram̧m̧an ko rejim̧we —l bwe en kūrm̧ool. Kōn n̄ūta eo, kakkōļ kōn mour eo an, im teej ko, Ebream kar wōnm̧anļo̧k im lōke Anij ilo im kar rejtak jān E. Jej kiiō kautiej Ebream āinwōt “jemān ro ritōmak.” 3
Ļaddik eo jibūn Ebream ekar ko jān m̧weo, make jejjo wōt an nuknuk, im ko jān kamijak ok an mej an ļaddik eo nejin, Iso. Ium̧win 20 iiō ko rej pedotok, Jekob ekar jipan̄ uncle eo an, Leban Men̄e Leban ekar leļo̧k Jekob jikin an kone im āliktata ruo iaan leddik ro nejin bwe ren m̧are, ekar m̧one Jekob, ukōt wōneen im koņ eo aer elōn̄ alen aolep iien n̄e Jekob ele m̧aan (lale Jenesis 31:41).
Ilo aer kar jino jepeļļo̧k āliktata, Jekob ekar ellotaan n̄an jemān, “Eļan̄n̄e Anij an jema … ear jab pād ippa, e m̧ool kwōnaaj kar jilkinļo̧k eō kiiō im ejjeļo̧k ippa” (Jenesis 31:42). Ijjeļo̧kin, Anij ej pād ippān, Jekob, ekar jepļaak n̄an m̧weo oktak jān juon armej eo ekar ejjeļo̧k an jeen n̄an ļeo im jemān ajri eo baam̧le kileplep eo. Ekar wōr tarrin in jon̄an kan rem̧m̧an an rikarejar ro im kar obrak kōn kōjeram̧m̧an eok kōn jeram̧m̧an ilo iien in—sip ko, doulul in menin mour, im kamel (lale Jenesis 32).
Josep ļaddik eo nejin Jekob ej waanjon̄ak ekabwilōn̄lōn̄ juon iaan anjo̧ rej kajjieon̄ bwe ren anjo̧ ilo apan̄ ko ilo ad lōke Anij n̄e ro jet me remaron̄ en̄jake ke kwoj inepata kōn E. Moktata, rekar wia kake bwe en pād ilo kamakoko jān ippān bratōr ro an. Innem, ke kar wōr an jerbal im kar aorōk ilo m̧weo im̧ōn m̧aajta in Ijipt eo, Potipar, Josep kar ņa ruōn jān kōrā eo pāleen Potipar im kar kalbuuji jekdo̧o̧n n̄e ekar lukkun ko jān jerawiwi. Mekarta, Josep ekar wōnm̧aanļo̧k wōt im lōke Anij. Men̄e ilo kalbuuj ekar jeram̧m̧an ak ekar jooļ jān ro me ekar jipan̄ er jekdo̧o̧n kallim̧ur ko aer. (Lale Jenesis 37; 39–41.) Ilo jem̧ļo̧kin, āinwōt ad jeļā, Josep ekar bōk nōbar kōn opij eo eutiej im kōn kōttōpar eo n̄an lo̧mo̧o̧ren baam̧le eo an jemān (im aolepen Ijipt) ilo juon iien n̄ūta.
Niknik ilo Kijenmej
Men kein im waanjon̄ak ok jet rej kwaļo̧k bwe apan̄ in ej make anjo̧ ilo jet tōre. Ejjeļo̧k juon aikuj in niknik im kijenmej. Aeet, Jemedwōj Ilan̄ ej lale kōj im jipan̄ kōj ilo iaļan niknik in—E ejjab kōttar n̄an jem̧ļo̧kin.
Elder Neal A. Maxwell (1926–2004) jān Doulul eo an Jon̄oulruo Rijilōk ro me ekar loe: “Kōn e make, em̧ool, m̧ootļo̧k in iien ko rejjab make eddōkļo̧k ak wōnm̧anļo̧k. Aet, āinwōt nejin eo ejerwaan, ekkā ad aikuji ‘iien eo jej jerbale’ bwe jen maron̄ jeļā kōn en̄jake ko an jetōb me jej en̄jaki. (Luk 15:17.) Ippān doon eo an Jekob im Iso ekar lukkuun kaburom̧ōjm̧ōj ilo āne jamden, elōn̄ iiō ko ālkin an kar jemjatin rej jum̧aeik roon, ej juon waanjon̄ak eo ekabwilōn̄lōn̄. Jouj emaron̄ bōk jikin jum̧ae. Kejokļo̧kjeņ emaron̄ kōm̧m̧an bwe jen jeļā kōn men ko ipeļaakid. Ak kejokļo̧kjeņ im etale bōkļo̧k ko ad ej aikuj iien. Kōn menin elōn̄ tōprak ko jān jetōb men remenin aikuj m̧ool ko an lo̧mo̧o̧r bwe ren koba ippān doon, ejaake jet en̄jake in kōmour ko, me uno ko relukkuun kajoor n̄an elōn̄ men ko.” 4
Būreejtōn M. Russell Ballard, Ripenej Jenkwan Būreejtōn eo an Doulul eo an Jon̄oulruo Rijilōk ro, ej errā.
“Kōttar wōt Irooj ejjab baj kwaļo̧k an juon iien. Kwojjab aikuj en̄jake āinwōt kwoj pād ilo ruum in kōttar.
“Kōttar wōt Irooj ej tōlļo̧k n̄an jerbal. Iaar ekkatak ium̧win elōn̄ iiō ko bwe ad kōjatdikdik ilo Kraist ej ļapļo̧k ilo aer jerbal n̄an ro jet. …
“Eddōkļok eo am̧ make juon emaron̄ tōbare kiō ilo am̧ kōttar Irooj im kallim̧ur ko An ej juon men elukkuun aorōk, ittiņo m̧ōttan ļo̧k karōk eo An n̄an kōj kajojo.” 5
Kijenmej ej juon wāween n̄an oktak ļo̧k n̄an im lōke Anij. Ilo eoon ko rej kajju itok m̧okta jān kapilōk eo an n̄an kajjitōk ippān Anij eļan̄n̄e ejjeļo̧k mālōtlōt ippād, Jemes ej ba menin kōn kijenmej:
“Bwine aolep lan̄lōn̄ n̄e kom̧ ij wōtlo̧k ilo elōn̄ kaen̄tanaan ko;
“Jeļā menin, bwe kajjieon̄e tōmak eo am̧ ebōk kijenmej.
“Ak kijenmej en bōk jerbal ewāppen, bwe komaron̄ wāppen ilo aolepen, jab kōņaan [ejjeļo̧k] jabdewōt” (Ukook eo an Josep Smith 1:2 [in Jemes 1:2, footnote a]; Jemes 1:3–4).
Kōmeraikļo̧k Kaen̄tanaan ko
Pija jān Rachael Pancic
N̄e jej bōk jipan̄ jān Jemedwōj Ilaln̄, apan̄ ko ad im ad en̄taan renaaj karreoik kōj ijjeļo̧kin an kaanjo̧iki kōj (lale Katak im Bujen Ko 121:7–8). Enaaj ļapļo̧k ad em̧ōņōņō im ekwojarjar ļo̧k. Ilo juon revelesōn n̄an kar Būreejtōn eo an Doulul eo an Rijilōk ro Jon̄oulruo ro, Thomas B. Marsh, Irooj ekar menin kōn Rijilōk ro An: “Im ālikin kapo ko aer, im eļap kaen̄tanaan, lo, N̄a, Irooj, I naaj būrom̧ōjļo̧k ilo̧kaer, im eļan̄n̄e rej jab kapen burueer, im kakijn̄en̄e kōnwaer ņae Eō, renaaj oktaktok, im I naaj kōmour er” (Katak im Bujen Ko 112:13).
Jemaron̄ ba bwe ilo apan̄ jejeļā “uon wōt Anij e m̧ool, im Jisōs Kraist, eo Kwar [E eaar] jilkintok” (Jon 17:3). Ilo apan̄ ko, jenaaj etetal Ippāer raan n̄an raan. Ettā bōro, jej ekkatak bwe jen reilo̧k n̄an Er “ilo ļōmņak otemjeļo̧k” (Katak im Bujen Ko 6:36). Renaaj jerbal in karejar n̄an kōj ilo juon jerbal in bar ļotak ilo mour in jetōb. Ij tōmak ejjeļo̧k bar juon iaļ ijjeļo̧kin.
Ij jar bwe kajjojo iaad jenaaj epaake Jemedwōj Ilan̄ im Rilo̧mo̧o̧r kōn apan̄ ko ad make. Ilo ejja iien eo wōt, jemaron̄ ekkatak n̄an jerbal in karejar n̄an ro jet ilo apan̄ ko aer ekkar n̄an jon̄ak ko an Anij. Kōn “metak ko im kaen̄tanaan ko im kapo ko otemjeļo̧k” me Rilo̧mo̧o̧r debļo̧ki bwe en “jeļā ekkar n̄an kanniōk ekōjkan jipan̄ armej ro An ekkar n̄an m̧ōjņo̧ ko aer” (Alma 7:11–12). Āinwōt n̄an kōj, “n̄e, ilo iien eo, kōj make jejjab lukkuun dibuki juon mālijjon̄, jej aikuj Wilberjipan̄ juon armej ej jelm̧ae mālijjon̄—obrak kōn tūriamo im leļo̧k kōkajoor ilo jetōb.” 6