Pedped ko Im̧aan Tata an Gospel eo

Jerbal ilo Kūr ko an Kabun̄ in

Ritōl ro an Kabun̄ in rej kajjitōk ippān membōr ro n̄an jebal ilo juon ijjitōn̄ ejeņoļo̧k im jejeļā kaki “kūr ko.” Kūr ko leļo̧k n̄an membōr ro rej iien ko rem̧m̧an n̄an jerbal n̄an ro jet im epaake ļo̧k Anij.

Pija jān David Bowen Newton

N̄e jej jerbal ilo kūr ko ad, jej jipan̄ kadedeikļo̧k jerbal eo an Anij. Jej katakin doon kōn Jemedwōj Ilan̄ im Jisōs Kraist im jipan̄ er itok epaaketok Er. Jej barāinwōt bōk kōjeram̧m̧an ko ilo ad jerbal ilo tiljek.

Kūr ko Jej Būki

Ro rej jerbal ilo Kabun̄ in kar kūr jān Anij. Ritōl ro an Kabun̄ in rej jar kōn im̧we n̄an jeļā wōn eo en kajjitōk ippān bwe en jerbal ilo juon kūr. Innem juon ritōl ej kajjitōk ippān membōr ro n̄an jerbal im kōmeļeļeiki eddo ko an ilo kūr eo. N̄an kūr ko reļļapļo̧k, membōr ro rej rejtake er ilo juon kweilo̧k an Kabun̄ in. Membōr ro ilo ward ak branch eo rej leļo̧k juon bout in rejtak. Meļeļein menin bwe rej m̧ōņōņō in rie armej eo ej kūr. Innem membōr eo enaaj leļo̧k juon kōjeraam̧m̧an jān juon priesthood ritōl. Menin rej ņa etan kōjeņoļo̧k. Membōr eo enaaj leļo̧k juon mālim n̄an jerbal ilo kūr eo im kōjeraam̧m̧an ko jet n̄an jipan̄ e im bwe en jerbal.

Bisop ro

Juon bisop ej ritōl eo an ward eo. (Ilo juon branch, juon branch būreejtōn ej āinwōt juon bisop.) Stake būreejtōn eo emaron̄ leļo̧k etan em̧m̧aan eo erreo me ej kabwijer priesthood eo bwe en kūr āinwōt juon bisop. Būreejtōnji eo Kein Kajuon ej kōmālim kūr eo. Innem bisop eo ej rejtake im kōjeņoļo̧k n̄an jerbal. Ej barāinwōt bōk kii ko an priesthood, eo me ej meļeļein ewōr an mālim n̄an tōl ward eo. Āinwōt juon bisop, ej jerbal im tōl aolep membōr ro ilo ward eo.

Būreejtōnji ro

Doulul ko an priesthood im Doulul eo an Kōrā ro, Doulul eo an Jiron̄ ro, Būraimere, im doulul ko an Jabōt Jikuuļ me tōl jān būreejtōnji ko, ekkā an būreejtōn eo im rikakpilōklōk ro. Būreejtōnji eo an Doulul eo an elder ro kar kūr er im kōjeņoļo̧k er jān stake būreejtōnji eo. Bisoprik eo ej kajjitōk ippān membōr ro n̄an jerbal ilo būreejtōnji ko jet ilo ward im kōjeņoļo̧k er. Aolep ritōl rej jipan̄ membōr ro ilo doulul ko aer. Rej karejar n̄an aikuj ko an membōr ro im jipan̄ er en̄jake iakwe eo an Anij.

Kūr ko Jet

Kūr ko jet ilo Kabun̄in ekoba katakin, jipan̄ kōn al, rekoot ko, karōk m̧akūtkūt ko n̄an jodikdik ro ak ajri ro, im jerbal ilo wāween ko jet. Kajjojo kūr ilo Kabun̄ eaorōk im leļo̧k an membōr ro iien em̧m̧an n̄an jipan̄ ro jet im n̄an jerbal n̄an Anij. Āinwōt ad aolep jerbal ippān doon n̄an kakūrm̧ool kūr ko ad, jej kōkajoorļo̧k ro jet im jipan̄ Kabun̄ in eddōkļo̧k.

Jān Jeje ko Rekwojarjar

Kūr ko n̄an jerbal ilo Kabun̄ in rej itok jān Anij (lale Laajrak in Tōmak 1:5).

Jej kūr im bōk kōjeņoļo̧k m̧okta jān ad jerbal ilo juon kūr (lale Katak im Bujen Ko 42:11).

Ilo ad jerbal ilo kūr ko ad, jej jipan̄ kalōk Kabun̄ in (lale Katak im Bujen Ko 84:109–10).

Ekkatak Wāween n̄an Kōm̧m̧ani Kūr Eo Am̧

An wōr ad juon kūr ej juon iien em̧m̧an n̄an jipan̄ ro jet. Kajjojo kūr ewōr an make set in eddo, kōn menin eaorōk n̄an ekkatak kaki ilo am̧ jino jerbal. En̄rein rej jet kein jipan̄ ko n̄an jipan̄ eok:

• Kōnono ippān ritōl eo me ekar leļo̧k kūr eo. Kajjitōk ta kaminene eo kwomaron̄ bōke.

• Lale kūr eo am̧ ilo Bok in Bōk Meļeļe Eļap , me epojak ilo ChurchofJesusChrist.org. Ewōr jebta ko kōn Doulul eo an Kōrā ro, doulul eo an elder ro, Būraimere, im ko jet.

• Bar ilo ChurchofJesusChrist.org, jiped “Callings” ium̧win Serve on the main menu. Enaaj leļo̧k meļeļe ko me rej iookļo̧k kūr eo am̧.

• Jar kōn im̧we im ekkatak jeje ko rekwojarjar im kōnono ko an kweilo̧k eo eļap ippān kūr eo am̧ ilo kōļmenļo̧kjeņ. Jemedwōj Ilan̄ enaaj kōjeraam̧m̧an eō n̄an jerbal ilo inem̧m̧an ippān ajri ro Nejin.