“Ol Semmak Samting bitwin Josef blong Ijip mo Jisas Kraes,” Liahona, Maj/Epril 2022

Kam Folem Mi

Ol Semmak Samting bitwin Josef blong Ijip mo Jisas Kraes

Insaed long OlTesteman, i gat plante profesi, stori, mo simbol we oli stap olsem eksampol blong laef mo misin blong Sevya, Jisas Kraes. Wan long ol stori ia, i stori blong Josef blong Ijip.

Josef blong Ijip	Jisas Kraes
Josef i bin wan man blong lukaot long sipsip (luk long Jenesis 37:2).	Wan nem blong Kraes hem i “gudfala man blong lukaot long sipsip” (Jon 10:11).
Oli salem Josef olsem wan slef i go long Ijip (luk long Jenesis 37:26–28).	Jisas, Hem, oli bin salem hem from 30 koen blong silva—we i praes blong wan slef (luk long Eksodas 21:32; Matiu 26:15).
Ol brata blong Josef oli no bin luksave hem taem we oli go long Ijip blong pem kaekae (luk long Jenesis 42:7–8).	Ol pipol blong Kraes oli no luksave Hem olsem Sevya (luk long Luk 4:22, 28–29; Jon 1:10).
Josef i soemaot huia hem long ol brata blong hem taem we oli bin kam blong toktok wetem hem long nambatu taem (luk long Jenesis 45:1–5).	Kraes, bambae i soemaot Hem long Isrel long Seken Kaming blong Hem (luk long Matiu 24:30–31; Doktrin mo Ol Kavenan 88:104).
Taem hem i bin folem rod we God i bin soem long hem, Josef i bin gat inaf bred blong sevem Ijip long hadtaem blong kasem kaekae (luk long Jenesis 47:13–19).	Jisas Kraes i “kaekae we i save givim laef” (Jon 6:35; luk tu long ves 51).