Mai, pe’e mai

Esetera

5 ’ohipa i tupu i ni’a ia Esetera

Esetera e ha’afātata nei i te ari’i, nā Robert T. Barrett, ’eiaha e tāpiti te hōho’a

1. E tamari’i ’ōtare o Esetera.

E ’āti Iuda o Esetera, ’e i te pohera’a tōna nā metua, ’ua fa’a’amuhia ’oia e tōna taea’e fēti’i, ’o Moredekai, e ’āti Iuda ato’a ho’i ’oia (hi’o Esetera 2:7).

2. ’Ua ora Esetera i Perēsia.

’Ua ora o Esetera i Susana, Peresia (Irania nō teie tau), hau atu i te 100 matahiti i muri a’e i tō te mau ’āti Iuda arata’i-tītī-ra’a-hia i Babulonia.

3. E ti’a ia Esetera ’ia tāpe’a huna noa i tōna ihota’ata ’āti Iuda.

Nā roto i te anira’a a Moredekai, ’aita Esetera i fa’a’ite i tāna faufa’a ’āi’a ’āti Iuda i te hō’ē noa a’e ta’ata. ’Ua tāpe’a huna noa ’oia i tōna ihota’ata, i muri ato’a i tōna rirora’a ’ei ari’i vahine. (Hi’o Esetera 2:10, 20.)

4. ’Ua fa’aruru Esetera i te ’āti pohe nō te fa’aora i tōna nuna’a ta’ata.

I te ’anotau o Esetera, e mea pinepine te mau ari’i i te taparahi-pohe-hia. Nō reira, nō te pāruru i te ari’i, te peu i ravehia, ’eiaha te hō’ē ta’ata e ha’afātata atu i te ari’i ma te ’ore ’oia i ani-manihini-hia. Nō reira ’ua ha’afifi Esetera i tōna ora, ’a haere ai ’oia e ani manihini i te ari’i ’ia haere mai i te hō’ē tāmā’ara’a, i reira ’oia e nehenehe ai e heheu i te ’ohipa ’ino a Hamana e taparahi pohe i te mau ’āti Iuda (hi’o Esetera 5 ; 7).

5. E fa’aro’o tō Esetera i te Atua.

’Ua ani Esetera ’ia ha’apae te mau ’āti Iuda ato’a i Susana i te mā’a e toru mahana hou ’oia ’a ha’afātata atu ai i te ari’i (hi’o Esetera 4:16). Maoti te itoito o Esetera ’e te mau ha’amaita’ira’a a te Fatu, ’ua fa’ahereherehia te mau ’āti Iuda.