ENNAAN AN RITŌL AN ERIA
Etetal Ippān Anij Ilo Ialin Bujen
Jinoin ļo̧k iiō eo, ikar lukkuun bwilōn̄ kōn katak ko an Itok, Ļoor Eō eo ad ej pedped ioon naan eo ‘Etetal ippān Anij’.
Ilo mour in poub ko ad, jemaron̄ keidi elmen an Inōk en̄jake ke Irooj ekar kūri n̄an kwaļo̧k ukwelo̧k n̄an ajri ro Nejin1. Inōk ekar ba, “Etke iaar lo jouj ilo Mejam̧, im n̄aij juon ļaddik wōt, im aolep armej rej dike eō; bwe n̄aij rum̧wij ilo kōnono; ekōjkan n̄aij karejeram̧?”2
N̄e jaad en̄jake wāween in, jej pād ijo em̧m̧an. Jeraam̧m̧an, jejjab aikuj būrom̧ōj, bwe āindein an kar Irooj uwaake kajjitōk eo an Inōk:
“Yu go mo mekem olsem we mi givim oda long yu blong mekem, mo bae i no gat man i stikim Kwōn ilo̧k im kōm̧m̧an āinwōt Iaar jiron̄ eok, im ejjeļo̧k armej enaaj wākare eok. Kwōn kōpeļļo̧k lo̧n̄iūm, im enaaj obrak, im Inaaj lewōj n̄an eok ekkōnono, bwe aolep kanniōk ej ilo Peiū, im Inaaj kōm̧m̧an āinwōt an em̧m̧an n̄an Eō . . .
“im kwo naaj jokwe ilo N̄a, im N̄a ilo kwe; kōn menin etetal Ippa.”3
Ilo Unin Tōl an Eoon in Jipan̄ n̄an Baibōļ Ekwojarjar, jej loi elon̄ļo̧k jān 100 kein jipan̄ ko kōn naan eo, Etetal ippān Anij. Adam ekar etetal ippān Anij ilo jikin kallib Iden4; Inōk ekar etetal ippān Anij5; Noa ekar etetal ippān Anij6; Ebream im Aisek rekar etetal ippān Anij7.
Karuwainene eo n̄an etetal ippān Anij ej pād wōt n̄an rainin, ilo mool, “im E ej kūrtok er aolep n̄an itok n̄an Ippān im bōk leen em̧m̧an eo An,”8 ak ilo bar jet naan ko, etetal Ippān.
N̄an etetal ippān Jemedwōj Ilan̄ im Nejin Jisōs Kraist jej aikuj m̧okta jeļā wōn er. Jej itok n̄an jeļā wōn er ilo ad jerbal n̄an er9 im kōjparok kien ko aer.
Jej etetal ippān Anij eļan̄n̄e jej iakwe Anij im ro rūtūrid10, im jerbal in karejar ilo wāween ko ‘reuteijlo̧k im ekwojarjarlo̧k’ Jej etetal ippān Anij n̄e Pijin ej pād ilo jōkjōk in mejād im jej en̄jake juon oktak in bōro eļap11. Jej etetal ippān Anij eļan̄n̄e jej jutak āinwōt rikam̧ool n̄an E, kōkajoor doon, kea kōņ ro rej aikuj im loe bwe ejjeļo̧k jeram̧ōl ilubwiljir12.
Ilo iiō kein, Būreejtōn Russell M. Nelson ekar em̧m̧an an kōmeļeļe jōkjōk in ta ‘Etetal ippān Anij’ ilo an ba:
“Kiiō, n̄an membōr ro an Kabun̄ in, ij ba, dāpij wōt iaļ in bujen eo. Ami kallim̧ur n̄an ļoor Rilo̧mo̧o̧r eo n̄an kōm̧m̧ani bujen ko Ippān innām kōjparoki bujen ko renaaj kōppeļļo̧k kōjām n̄an kajjojo jetōb in kōjeraam̧m̧an im iien ko rem̧m̧an renaaj waļo̧k n̄an em̧m̧aan ro, kōrā ro, im ajri ro aolep jikin.
“Āinwōt juon Būreejtōnji eo ekāāl, jej kōņaan jino kōn ta eo jenej erom̧. Kōn un in, kōmij kōnono n̄an kom̧ rainin jān juon tampeļ. Jemļo̧k eo me kōj kajjojo jej kajjieon̄ in erom̧ ej n̄an bōk menin letok eo ekwojarjar an kōn kajoor ilo juon em̧ im̧ōn Irooj, liāp āinwōt baam̧le ko, tiljek n̄an bujen ko jekar kōm̧m̧ani ilo juon tampeļ me ej kōkarbab kōj n̄an menin letok eo eļaptata an Anij—me an mour indeeo. Kain̄i ko an tampeļ im bujen ko kwoj kōm̧m̧ane rej kii n̄an kōkajoorļo̧k mour eo am̧, m̧are eo am̧, im am̧ maron̄ n̄an jum̧ae menin kapo ko an rikōjdāt eo. Am̧ kabun̄jar ilo tampeļ eo im am̧ jerbal in jipan̄ ijeņ kōn rūtto ro jibum̧ im jim̧m̧am̧ me em̧ōj aer jako naaj kōjeraam̧m̧an eok im kōļapļo̧k revelesōn eo am̧ make im aenōm̧m̧an im naaj kakwojarjar kallim̧ur eo am̧ n̄an dim wōt ilo iaļ in bujen eo.
“Kiiō, eļan̄n̄e em̧ōj am̧ etal jān iaļ in, ij karuwaineneik eo kōn aolep kōjatdikdik ilo būruwō jouj im ro̧o̧ltok. Jekdo̧o̧n kain inepata rot eo am̧, jekdo̧o̧n kain apan̄ rot, ewōr juon jikin n̄an kom̧ ilo Kabun̄ in, an Irooj. Kwe im epepen ko am̧ me rejjan̄in ļotak renaaj jeraam̧m̧an jān m̧akūtkūt ko am̧ kiiō n̄an ro̧o̧ltok n̄an iaļ in bujen eo. Jemād ilo Lan̄ ej kaorōk ajri ro Nejin, im Ekōņaan bwe kōj kajjojo ren ro̧o̧lļo̧k n̄an kapijunen eo ad Ippān. En̄in ej juon kōttōbar eļap an Kabun̄ eo an Jisōs Kraist im Armej ro Rekwojarjar ilo Raan Ko Āliktata—n̄an jipan̄ kōj kajjojo ro̧o̧lļo̧k n̄an kapijuknen eo.”13
Āinwōt ro uwaan Kabun̄ eo an Jisōs Kraist im Armej ro Rekwojarjar ilo Raan Ko Āliktata jān aolep kōm̧m̧ane jān aolepen kajoor ko ad n̄an loore waanjon̄ak ko rem̧m̧an an rikanaan ro ad ilo ad etetal ippān Anij ippānlo̧k ial in bujen eo bwe ilo raan kani rej itok Irooj enaaj kūr kōj Zaion im bōke kōj io̧o̧n Make14.