BWEBWENATO KO AN IJO JOKWE IE
Iien eo n̄an Tyres
Ilo jemlo̧kinļo̧k 2020, ikar loe bwe epen n̄an aō en̄jake jetōb in Kūrijimōj, innām ikar ron̄jake juon iaan bok ko an John Bytheway, Born This Happy Morning1, n̄an ļōmņak ko. Ilo juon jebta, ekar kwalo̧k en̄jake eo ekar wiaiki tyres n̄an juon kōrā ej kab jeļā kajjeen.
Brother Bytheway ekar ba bwe ejeļā en kar jako kōjeraam̧m̧an kein ilo an ba n̄an kōj kōn jerbal in jipan̄ in, ak ekar kōjekdoon n̄an kwalo̧k lukkuun m̧ōņōņō im em̧m̧an an mour ej en̄jake n̄e ej keememej ta eo ekar waļo̧k. Ej juon kakeememej ke eļaplo̧k jeraam̧m̧an n̄e jej leļo̧k, jān n̄e jej bōke.
Mōņōņō in im lan̄lōn̄ in ej lukkuun ta eo ejako ilo mour in aō. Kūrijimōj eo, ikar tōmak bwe en̄jake in enaaj jipan̄ n̄a pedped eļaplo̧k ilo aō Rilo̧mo̧o̧r, kiiō ilo Tijemba, ikar jitlo̧k n̄an erom juon kein jerbal ilo pein Jemedwōj Ilan̄. Ikar kōņaan jipan̄ juon armej—ilo an kaju itok ak ilo aō jab kōtmene—bwe ren jeļā bwe E ej kea kōn er, im barāinwōt in en̄jake aenōm̧m̧an im m̧ōņōņō ilo jijen in. Ilo aō kajjieon̄ kōmeļeļeiki n̄an Jemedwōj Ilan̄ ta eo ij jitlo̧k kake, ikar kaju ba naan kein: “Kwojeļā, āinwōt John Bytheway, im tyres ko”.
Ikar bōk iien ilo raan ko tok jet ilo aō kappukōt iien em̧m̧an n̄an jerbal in jipan̄, innām, ke ikar m̧ōņōņō juon bon̄ ippān juon mōtta, ekar ba bwe ej aikuj tyres ko rekāāl.
Lon̄iū ekar wōtļo̧k im būruō ekar kilepļo̧k ilo aō ron̄ an Jetōb kōnono n̄an eō: “Sarah, en̄in ej tyres ko am im uwaak n̄an jitlo̧k eo am.”
Ikar oktak n̄an kōnono eo kōn tyres ko im kar jeļā bwe ke eo mōtta im leo ippān rekar jeļā bwe rej aikuj kōkāāl tyres ko aer, ilo raan ko m̧aantak, rekar jim̧or en̄jake bwe emenin aikuj n̄an tyres ko rekāāl.
Ikar ba lo̧k kōn jitlo̧k eo aō im bwe ikar en̄jake bwe en̄in ej uwaak eo an Jemedwōj Ilan̄ n̄an jar ko aō. Innām ikar kajjitōk eļan̄n̄e imaron̄ kōļļā wōņāān tyres ko aer.
Eo mōtta ekar jab keroro jidik, innām ekar em̧ajidjid. Ālikin jejjo̧ iien bar m̧ōņōņō, ekar kōmeļeļe bwe e im ļeo ippān rekar jab maron̄ wiaki tyres kein rekar aikuji, ak rekar wōt ļoore en̄jake eo rekar jim̧or bōke im peba n̄an bōk tyres ko rekāāl. Innām, ejja wōt ilo raan eo ikar jitlo̧k n̄an juon en̄jake, ‘kojjeļā, āinwōt John Bytheway im tyres ko’, rekar jilo̧k kōn juon wāween n̄an maron̄ kōllāki tyres ko aer.
Imaron̄ ba n̄an kwe ke ikar jab lukkuun kōtmene ke uwaak n̄an jitlo̧k eo aō en kar lukkuun āinwōt aō kar kajjitōk. Ak lale mōk an iien jerbal im kabūlon̄lon̄ uwaak eo an Irooj n̄an jar ko ad kajjojo.
N̄e kabwilōn̄lōn̄ in ekar jem̧lo̧k ijin, en kar men eo em̧m̧an tata ippa ilo “ron̄jake E” ilo mour e aō. Bōtaab, ālkin ruo raan an baam̧le in bōke tyre ko aer rekāāl, eo mōtta ekar call tok. Ikar jab maron̄ bōke call eo aō, eo elukkuun kar em̧m̧an ippa, kōnke meļeļein bwe ewōr wōt ippa anikien an kar rekoote call eo ilo an kar kōmeļeļe raan eo, ke ekar ettōr ilo wa eo ippān ajri ro nejin redik, ilo an kar wōt mijeljel, juon wa ejelo̧k an ļait in bōraak ekar ettōr tok ilo tūrāpik eo im ekar aikuj in kar buul būrāāk. Ekar em̧m̧an an pojrak, im ekar kaju jeļā bwe elan̄e en kar ped wōt tyre ko aer remōr, rekar kar kaju dipej wa eo maan. Ekar ba ej juon men ekabūlon̄lon̄ im kōjemlo̧k call eo kōn, “Innem, kommol tata”.
N̄an alji ta eo ikar ron̄ an Sister Joy D. Jones ba, “Iban bōke nebar eo kōn iakwe eo Anij, iakwe ewāppan, ak oh, ewi jon̄an aō kamoolol bwe E ej kōtlo̧k n̄an bwe in baat in puzzel eo An!”2
Brother Bytheway ej ba, “Rainin ewōr juon armej jōkani, juon ritūrim̧, juon mōttam̧, ward membōr, ej kajn̄ieon̄ in waanmaanlo̧k kōn tyre ko renana. Emaron̄ nej rub jejjo̧ iien jān kiiō. Tyre kein remaron̄ ilo en̄jake, jetōb ak kanniōk, ak [ilo aō bārāinwōt kar loe] remaron̄ lukkuun tyre ko.”3
N̄an loe im jipan̄ doon, jemaron̄ ron̄jake kakeememej eo an Būreejtōn Dallin H. Oaks, “Pā ko peid ej pā ko Pein n̄e jej ron̄jake im en̄jake m̧ōņōņō n̄an jipan̄ juon iaan ajri ro Nejin.” Ej ba n̄an kōj: “N̄e kwoj en̄jake juon men n̄an kōm̧m̧ane, jerbal e, men̄e eoktak am lale ak epen am en̄jake n̄an loore. Jerbal e. Ewōr un n̄an e. Komaron̄ jab jeļā un eo, ak jeraam̧m̧an enaaj itok n̄an kwe im ro jet n̄e kwoj ron̄jake E im loore tōl eo An.”4