“Sailia o le Taitaiga Faaleagaga,” Liahona, Setema 2022.
Mo Mātua
Sailia o le Taitaiga Faaleagaga
Matua Pelē,
I lenei lomiga o le mekasini, e toatolu le Au Pulega Aoao o faasoa mai aoaoga ma aafiaga faaletagata lava ia ma faaleaiga i le auala e saili, maua, ma mulimuli ai i taitaiga faaleagaga.
Talanoaga o le Talalelei
Faalagolago i a Tatou Molimau
I le itulau e 4, ua faasoa mai ai e Elder Ronald A. Rasband se tala mai lona talafaasolopito o aiga e aoao atu ai le mataupu faavae e faapea o le a lē tuulafoaiina lava i tatou e lo tatou Faaola. Faitau lana tusiga ma talanoa pe na faapefea ona faalagolago le Au Paia anamua ia latou molimau ia Iesu Keriso ma le ata o le faaolataga a le Tama Faalelagi.
Filifili ma le Alii
I le itulau e 30, o loo faamatala ai e Elder Patricio M. Giuffra le ala na ia filifili ai, o se talavou liliu mai i le Ekalesia, e auauna atu i se misiona ma tulituliloaina le aotauina i le kolisi. Ona ia faasoa mai lea o lana tali i le fesili, O le a lau mea e fai pe a feteenai faaaliga faaletagata lava ia ma le faautautaga tatau?
Mauaina o le Taitaiga mai le Agaga
E mafai faapefea ona tatou manuia atoatoa mai le meaalofa o le Agaga Paia i o tatou olaga? Ua sailiili e Elder José A. Teixeira lenei autu i le itulau e 40. Faitau lana tusiga ma talanoa pe faapefea ona maua le tele o le taitaiga mai le Agaga.
Mea Faafiafia Faaleaiga o leSau, Mulimuli Mai ia te A’u
Mafaufau Loloto i le Ala
-
Tuu se ata o le Faaola i le tasi itu o se nofoaga telē po o se potu.
-
Tu i le isi itu o le potu. Feauauai e fusi mata o tagata taitoatasi o le aiga, faataamilo i latou, ona vaai lea pe mafai ona latou savavali atu i le ata o Iesu Keriso e aunoa ma se fesoasoani.
-
Faitau le Faataoto 4:26–27.
Talanoaga: O a ituaiga fesoasoani ua tuuina mai ia i tatou i lenei olaga e faatumauina ai i tatou i luga o se ala e tau atu ia Iesu Keriso? Mo nisi talanoaga, faitau le Faataoto 3:5–6. O a ni faatinoga e manaomia ona tatou faia e faalagolago ai i le Alii ma o tatou loto atoa?