Fas Presidensi Ista Mesej

Mi Mi Kam From Stamba Tingting Ia Nao,, i kam long Yongsung Kim, courtesy of Havenlight

Long Ista taem ia, mifala i invaetem yu blong tingting long sakrifaes we Sevya i mekem mo Laef Bakegen blong ded, we i blesem yumi evriwan

Tru long Ridima blong yumi, Jisas Kraes, yumi kasem mesej blong hop ia: “Long wol ya bambae yufala i harem nogud tumas. Be yufala i no fraet. Mi mi winim paoa blong olgeta samting blong wol ia finis” (Jon 16:33 Mi promes se taem yumi kipim ol komanmen blong Hem mo ol odinens, bae yumi kasem “pis long wol ia mo long laef we i no save finis long wol we i stap kam” (Doktrin mo Ol Kavenan 59:23).

Mifala testifae se Jisas Kraes i stap laef! “Hem i laef bakegen finis”(Matiu 28:6). From Hem, bae i lidim mo mekem yumi kam strong taem yumi fesem ol hadtaem blong wol ia. Tru long fet we yumi gat long sakrifaes ia we Sevya i bin mekem, bae ol rob blong sin bae i nomo fasem yumi mo ol hadtaem we yumi stap gotru long laef bae i nomo gat paoa long yumi. “Harem nogud blong ded i lus long Kraes” (Mosaea 16:8).

Fas Presidensi