“Olsem Wanem Nao Blong Stap wan Man blong Mekem Pis I Helpem Mi blong Karem Israel I Kam Tugeta?,” Liahona, Maj 2024.
Kam Folem Mi
?Olsem Wanem Nao Blong Stap wan Man blong Mekem Pis I Helpem Mi blong Karem Israel I Kam Tugeta?
Nifae i luk se ol pipol blong ol las dei bae oli raorao wetem wanwan long olgeta (luk long 2 Nifae 28:3–4, 20), be fasin blong raorao i no wei blong Lod. I tru, blong karem Isrel i kam tugeta yumi nidim blong gat wan “hae mo tabu”1 wei blong stap konek wetem ol nara man.
Presiden Russell M. Nelson i tijim: “Sapos yu series blong helpem karembak haos blong Isrel mo blong bildim ol rilesensip we bae i stap blong ol taem we i no save finis, naoia i taem blong putum long saed ol rabis fasin. Naoia i taem blong stopem tingting se hemia i wei blong yu o i no gat wei. Naoia i taem blong stop blong mekem ol samting we oli mekem ol narafala man oli wari blong mekem yu harem nogud. Naoia i taem blong berem ol tul blong faet blong yu. Sapos ol toktok blong yu i fulap wetem swea mo rabis toktok, naoia i taem blong stopem evriwan. Bae yu kam antap olsem wan strong man o woman blong Kraes long saed blong spirit.”2
Papa long Heven mo Jisas Kraes i lavem evri pikinini blong God i nomata se oli defdefren. Setan i stap traem blong yusum ol wiknes blong yumi blong seraotem yumi, be taem yumi stap jusum pis mo i no raorao, yumi stap krietem wan ples we i tekem ol pipol i kam long gospel blong Lod we i kambak.
Tingting long ol situesen ia mo tingting hevi long ol wei we yu save ansa wetem lav:
Sapos yu filim nogud abaot wan lukluk long saed blong politik, ?olsem wanem nao yu save gat bigfala andastaning long ol storian blong yu wetem olgeta we oli gat wan defren lukluk?
Sapos famli blong yu i no wok wan, ?olsem wanem nao yu save tekem wan envaeromen blong pis blong lav mo fasin blong akseptem i go long olgeta?
Sapos yu kros long wan samting we yu ridim long sosol media, ?wanem nao yu save mekem blong no tekem pat long wan akiumen?