Blong Ol Papa mo Mama

Mifala I Tokbaot Kraes

I tekem ples blong kredit laen

Ol Dia Papa mo Mama,

Nifae i tijim ol pipol blong hem olsem wanem i impoten blong putum Lod i stap fored long laef blong olgeta. Hem i raetem, “Mifala i tokbaot Kraes, mifala i glad long Kraes, mifala i prij long saed blong Kraes, mifala i profesae long saed blong Kraes, mo mifala i raetem folem ol profesi blong mifala blong mekem se ol pikinini blong mifala oli save gat save long wanem ples oli save lukluk long hem blong kam klin aot long ol sin blong olgeta. ” (2 Nifae 25:26). Yu save luklukbak long ol stori ia wetem famli blong yu blong poenem olgeta mo ol narawan we yu lavem long gospel blong Jisas Kraes, long gaed blong Hem mo long ol waes prinsipol we bae i helpem yumi lukaotem Hem long wan bisi wol blong tedei.

Ol Toktok Raon blong Gospel

Gospel blong Jisas Kraes I blong Evriwan

Evri pipol i nidim hop mo fasin blong pemaot man we gospel mo Atonmen blong Jisas Kraes i givim. Toktok raon wetem famli blong yu abaot sam tijing we i kam long stori blong Elda Jeffrey R. Holland long olsem wanem yu save lavem, serem mo invaetem wan blong kasem mo laekem gospel blong Jisas Kraes (luk long pej 4).

Ol Waes Prinsipol blong Yusum media

Teknoloji mo media i ol tul we oli help bigwan taem yumi yusum gud. Luklukbak long sam prinsipol blong gaed long pej 22 mo toktok raon long ol famli standet blong yusum media blong yu. Stap yusum “ol kwestin blong tingting hevi” tingting long wanem nao i stap go gud mo wanem i save mekem i kam moa gud.

Stap Folem Sevya wetem Fet

Long stori blong hem long pej 40, Elda Benjamin M. Z. Tai i serem fo wei we Sevya i helpem yumi. Afta we yu mo famli i luklukbak long hemia, toktok raon long olsem wanem yu bin help taem yu folem Sevya wetem fet.

Kam Folem Mi Hapi Famli Taem

Stap Faenem Kraes long Evri Samting

2 Nifae 11:4

Nifae i wantem ol pipol blong hem blong oli biliv long Jisas Kraes, mo blong oli luk se loa blong Moses i poenem olgeta i go long Sevya. Hem i tijim, “evri samting we God i bin givim stat long taem we wol i bin stat, i go long ol man, oli ol saen abaot hem.”

Ol kriesen blong God i save poenem yumi i go long Jisas Kraes sapos lukluk blong yumi i stap strong nomo long Hem. Nifae i lavem blong tijim ol pipol blong hem abaot Jisas Kraes mo olsem wanem loa blong Moses i poenem olgeta i go long Hem.

Toktok Raon: Olsem wanem nao ol simbol blong Ista tedei oli “ripresentem” Kraes?

Eksampol—Ek: I simbol blong niu laef. I rimaenem yumi long niu laef blong laef bakegen long ded. Mo tu, taem krak ek i open, i save luk olsem wan emti tumb, i simbol blong emti tumb blong Kraes.

Sipsip:

Lili o ol flaoa:

?Wanem ol nara Ista tradisen we famli blong yu i gat we i ripresentem Kraes?

Becca Aylworth Wright i sendem

I Kam long Magasin Blong Ol Yut Oli Kam Strong 

Stori blong manis ia i wan spesel stori wetem topik “Jisas Kraes I Paoa blong Ol Yut”

Ridim wan mesej blong Elda Jeffrey R. Holland abaot olsem wanem evri yut i save faenem paoa long Jisas Kraes.

Faenem ol stori abaot olsem wanem Sevya i mekem yumi stap strong agensem fasin blong wari, sore, sin, fasin blong sem, no strong, fasin blong wol mo tingting semmak olsem ol stori abaot olsem wanem Hem i mekem yumi strong blong givim seves, rere mo blong kam.

Gat gud taem wetem ol posta we i gat insperesen mo droing blong Sevya.

I kam long Fren Magasin

!Hapi Ista!

Faenem ol stori mo aktiviti blong helpem famli blong yu blong gat wan Kraes i Senta Ista mining.

Stap Rere from Jeneral Konfrens

?Yufala i glad blong wajem konfrens nekis manis? Fren blong manis ia i gat wan aktiviti blong ol pikinini blong yu blong mekem taem we oli stap lisin long konfrens.

Stap Sef Onlaen

Ridim wan stori abaot wan gel we i filim Tabu Spirit i toktok wetem smol voes long hem blong stop wajem ol rabis vidio. Yu save faenem moa media sefti risos long Friend.ChurchofJesusChrist.org.

Lanem samting aot long Buk blong Momon

Faenem ol aktiviti blong evri wik, soem ol skripja stori we i go wetem tru samting, blong help blong mekem famli skripja blong famli blong yu i kam wan gudtaem.