Setema

O Le a Talai Atu Le Talalelei i le Lalolagi Uma

“O le a talaiina atu foi lenei tala lelei i atunuu uma, ma ituaiga, ma gagana, ma nuu” (MFF 133:37).

Ia faaopoopo ni ou manatu i manatu ua tuuina atu iinei. Ia fuafua ni auala e faailoa atu ai le aoaoga faavae i tamaiti ma fesoasoani ia latou malamalama i ai ma faaaoga i o latou olaga. Fesili ifo ia te oe lava, “O le a se mea e fai e tamaiti e aoao ai, ma e mafai faapefea ona ou fesoasoani ia latou lagonaina le Agaga?”

Vaiaso 1: O loo aoao mai e tusitusiga paia o le a talaiina atu le talalelei i le lalolagi uma.

Faailoa atu le aoaoga faavae: Valaaulia se tamaitiiti matua e faitau leotele le Mataupu Faavae ma Feagaiga 133:37. Ta’u i tamaiti e aoao atu e faifeautalai le talalelei i le tele o eria o le lalolagi, i le tele o gagana eseese. Tuu atu i tamaiti e toe fai faatasi le mau.

Uunaia le [agaga] malamalama: Faaali atu i tamaiti se faafanua o le lalolagi pe tusi se faafanua faigofie i luga o le laupapa. Fai i ai e faamatala mai ni nofoaga sa auauna faamisiona ai ni tagata latou te iloa. Maka nei nofoaga i le faafanua. Valaaulia ia tamaiti e faasoa mai po o fea latou te fia auauna ai, ma tuu atu ia i latou e maka na nofoaga i le faafanua. Faamatala atu o le valaauga faamisiona e sau mai le Alii e ala mai i perofeta ma e auauna atu faifeautalai i soo se nofoaga e valaauina ai i latou e le Alii. Fesoasoani atu i tamaiti e faataitai le ta’uina o le igoa o le Ekalesia i ni nai gagana eseese. Talanoa ma tamaiti e i ai ni nofoaga e le o faatagaina ai faifeautalai e aoao atu ai. Faamatala atu i ai na talosaga mai Peresitene Thomas S. Monson ia i tatou e “tatalo mo le tatalaina o na eria, ina ia mafai ona tatou faasoa atu ia i latou [latou uma ] le fiafia o le talalelei” (i le Conference Report, Oke. 2008, 4; po o le Liahona, Nov. 2008, 6).

Tusia se ata: E mafai ona tusi se ata o le faafanua o le vaiaso 1, lolomi, pe aumai mai le fale. Afai e te fuafua e tusi se ata i luga o le laupapa, ia vave faataitai le tusiina o lau ata a o lei oo i le taimi. Aua e te faatoese mo le le lava o lou tomai i mea tau tusi ata. O lou faatoese o le a taa’ina mai ai le mafaufau i lena lava vaega faapitoa o lau ata na tusi. Afai e te popole i le tusiina o se ata, fesili atu i se tasi e fesoasoani mai (tagai i le AALVSA, 170–63).

Uunaia le faaaogaaga: Valaaulia ia tamaiti e tusi se tamai tusi i se faifeautalai mai la outou uarota po o se faifeautalai o loo talai i lo outou eria. Ave ia tusi i le taitai misiona a le uarota e lafo i faifeautalai.

Children holding up and showing a map in Primary sharing time. The teacher is helping.

I lenei gaoioiga, na o ni nai tamaiti o le a o mai i luma o le potu. Ina ia mafai ona auai tamaiti uma, valaaulia i latou e musumusu atu i o latou tuaoi po o fea le nofoaga latou te fia talai ai.

E maua le faafanua i le sharingtime.lds.org

Vaiaso 2: O le galuega faafaifeautalai e faamanuia ai tagata uma.

Uunaia le [agaga] malamalama: Valaaulia se faifeautalai ua uma lana misiona e sau i la outou Peraimeri ma faamatala i tamaiti e uiga i ni isi o faamanuiaga na ia maua mai i le faataunuuina o le galuega faafaifeautalai. Valaaulia isi (tagata fou faatoa liliu mai, tamaiti, po o aiga) e faasoa mai se aafiaga faafaifeautalai na latou maua po o se faataitaiga o le auala na faamanuia ai o latou olaga e le galuega faafaifeautalai. Valaaulia tamaiti e usu le pese “Matou Te Aumaia Le Upu Moni I le Lalolagi” (TT, 92–73) i malo faaaloalogia.

A female Primary leader greeting children as they come to Primary.

Faaali le alofa: Tagai mo avanoa e faaali atu ai lou alofa i tamaiti taitasi. A o e faaali lou alofa mo i latou o loo e aoaoina, o le a latou lagona vave le Agaga ma naunau e aoao (tagai i le AALVSA, 33).

Vaiaso 3: E mafai ona ou saunia nei e auauna atu i se misiona.

Uunaia le [agaga] malamalama: Faaali atu se ata o Amona ma tau i tamaiti o ia o se faifeautalai maoae o le na aoaoina le talalelei i le au Sa Lamana. Faamatala atu na saunia o ia e auauna atu o se faifeautalai a o le i alu lana misiona. Faitau (pe fai atu i se tamaititi matua e faitau) leotele le Alema 17:2–3. Fai atu i isi tamaiti e faalogo ma sii o latou lima pe a latou lagona ni auala na saunia ai Amona e avea o se faifeautalai. Fai i se tamaitiiti e tusi a latou tali i luga o le laupapa. Tau atu i tamaiti e mafai foi ona latou faia nei lava mea e tasi a o latou sauniuni e avea ma ni faifeautalai. Usu le pese “Faamoemoe Latou te Valaau Au i le Misiona” (TT, 91). A o latou usuina le pese, valaaulia ia tamaiti e faatino i ni taga ni gaoioiga faigofie e ono faia e faifeautalai, e pei o le tuitui i faitotoa, faitau ia tusitusiga paia, po o le tietie i se uila.

Uunaia le faaaogaaga: Tau atu i tamaiti o loo i ai ni mea e mafai ona latou faia i le taimi nei e saunia ai e avea ma se faifeautalai, e pei o le suesue i tusitusiga paia, mauaina o se molimau, tausia o poloaiga, totogi le sefuluai, ma le faasaoina o se tupe. Tuu atu i tamaiti taitasi se lisiti o le sefuluai, ma faasino ia i latou le auala e faatumu ai. Fesoasoani i tamaiti e saunia se nofoaga faapitoa e mafai ona tuu ai a latou tupe o le sefuluai ma tupe o loo sefeina mo a latou misiona. E mafai ona faaaoga se atigipusa, se tamai fagu po o se atigi apa, po o se teutusi o loo i ai avanoa eseese mo le sefuluai ma le tupe teu.

A boy writing words on a chalkboard. There is a picture of Ammon defending the king's flocks also on the board.

O le valaauliaina o se tamaitiiti e tusia i luga o le laupapa o le a lagona ai e ia lona taua. O le a fesoasoani foi e faaosofia ai le manao o isi tamaiti.

Vaiaso 4: E mafai ona avea au ma faifeautalai i le taimi nei.

Uunaia le [agaga] malamalama: Tusi le fuaiupu lenei i luga o le laupapa: “E mafai ona avea au ma faifeautalai i le taimi nei e ala i le .” Valaaulia tamaiti e mafaufau i mea latou te mafai ona fai e avea ai ma se faifeautalai i le taimi nei. Fai i tamaiti e faasoa o latou manatu i se tasi o nofo i ona autafa. Valaaulia ni nai tamaiti e tusi a latou tali i luga o le laupapa.

Uunaia le [agaga] malamalama: Valaaulia se tamaitiiti matua e faamatala mai le tala o le Uluai Faaaliga, ma valaaulia se isi tamaitiiti e faasoa mai ona lagona e uiga i le Tusi a Mamona. (Vave ta’u i tamaiti ina ia lava le taimi latou te sauniuni ai.) Uunaia tamaiti uma e faasoa atu le tala o le Uluai Faaaliga po o o latou lagona e uiga i le Tusi a Mamona i o latou aiga.

Fetuunai ia lesona mo tamaiti i o latou vaitausaga (tagai i le AALVSA, 116–17). Mo se faataitaiga, i le gaoioiga lona lua mo le vaiaso 4 atonu e te manao e tuu atu i tamaiti matutua taitasi se lomiga a faifeautalai o le Tusi a Mamona ma uunaia i latou e faasoa atu i se tasi. Ina ia fesoasoani i tamaiti laiti e toe manatua le tala o le Uluai Faaaliga, e mafai ona e faaaogaina ni gaoioiga, mea faitino, ma papeti tamatamailima i itulau e 89–91 o le Vaai Ia I O Outou Tamaiti.

Uunaia le faaaogaaga: Fai atu i tamaiti e mafaufau i se taga lea e faaalia ai se auala e mafai ai ona avea i tatou ma faifeautalai ma ola ai i le talalelei i le taimi nei. Fiifili se tamaitiiti e sau i luma o le potu e faasoa atu sana taga i le Peraimeri atoa. Valaaulia ia tamaiti e faia le taga ao latou usuina le pese “Do As I’m Doing” (CS, 276). Ia toe fai ma nisi tamaiti pe a lava le taimi.