misyonaryo nga nagsul-ob sa Helping Hands nga saliko

4. Nagpalambo og Kalig-on sa Pagsagubang sa Nagkalain-laing Sosyal nga Sitwasyon

Ang mga relasyon mahimong usa ka kapanguhaan sa kaugtas ug kapanguhaan usab alang sa pagsugakod sa kaugtas. Ang pagsiksik nagpakita nga ang maayong mga relasyon adunay tibuok kinabuhi nga mga kaayohan. Ang maong mga relasyon gilambigit ngadto sa maayong mental og pisikal nga kahimsog. Kon kita nasobrahan sa kaugtas, ang mga relasyon madaut. Hunahunaa ang mosunod nga mga sugyot alang sa pagtukod og maayong mga relasyon. Dangup usab ngadto sa seksyon “1. Nagpalambo og Kalig-on samtang Nagsinati og Kaugtas” alang sa dugang nga mga sugyot.

A. Pagbinayloay og Hunahuna ngadto sa Uban

• Ilha ug gamita ang imong mga kalig-on samtang ikaw nagserbisyo. Ikaw adunay mga kalig-on nga makatabang kanimo nga mahimong epektibo nga misyonaryo. Tinguhaa ang inspirasyon aron sa pagtabang kanimo sa pagsabut sa imong mga kalig-on. Ang Ginoo motabang kanimo sa paggamit niini nga mga kalig-on diha sa Iyang serbisyo. Sama pananglit, ang pipila ka mga tawo mobati nga ang pakig-istorya sa uban makapaabtik. Ang pipila ka mga tawo mobati niini nga makakapoy. Hinoon, ang duha ka matang sa mga tawo mahimong epektibo nga pangserbisyo nga mga misyonaryo. Kon ang pakigsulti uban sa bag-ong mga tawo makakapoy kanimo, hinay-hinay nga dili ka mokapoy. Pagmaayo nga higala ngadto niadtong kinsa imong kaila kaayo. Ang imong mga kalig-on mahimo nga mao ang imong mamugnaong mga ideya, ang imong mga panabut mahitungod sa mga tawo, o ang imong abilidad sa pagplano.

• Pagmasukit-sukiton mahitungod sa uban. Pagkat-on og mga pangutana nga imong magamit sa pag-awhag sa ubang mga tawo sa pagsulti. Pangutana sa mga tawo mahitungod sa ilang trabaho, mga lingaw-lingaw, pamilya, o personal nga kasaysayan. Pangutana kon unsa ang labing importante kanila ug mahitungod sa unsa ang ilang pangandoy o kabalaka. Paniid og mga oportunidad sa pagpamatuod sa usa ka baruganan sa ebanghelyo nga may kalabutan ngadto kanila. Paninguha sa pagpakita og interes diha sa uban. Kini kabahin sa unsay kahulugan sa paghigugma sa atong mga silingan. Andam sa pagtubag sa ilang mga pangutana mahitungod usab kanimo.

• Paghimo og tumong nga makaila og usa ka bag-ong tawo kada adlaw. Gamita ang ngalan sa tawo sa unang minuto human ka nakahimamat kaniya. Gamita kini pag-usab kon tapuson nimo ang pakigsinultihanay. Isulat ang ngalan aron sa pagtabang kanimo sa paghinumdom.

• Tutoki ang pagtabang sa uban. Ibalhin ang imong pagtagad ngadto sa mga panginahanglan sa uban. Samtang imong buhaton, bation nimo nga dili kaayo maulaw mahitungod sa imong kaugalingon nga mga panginahanglan o mga kakulangan (tan-awa sa Mosiah 2:17).

• Pangayo og tabang sa pagsabot sa uban. Dili tanan maayo nga mosabot sa pagbati nga gipakita diha sa nawong o sa linihokan sa lawas sa ubang mga tawo. Kon ikaw adunay kalisud sa pag-ila kon unsay gibati sa ubang mga tawo, pangayo og tabang sa usa ka tawo.

  lalaki ug pangserbisyo nga misyonaryo naglamanohay

• Tugoti ang imong kaugalingon nga mopakita og pagkamasaligon, bisan og wala kini nimo batia. Sa dihang si Presidente Gordon B. Hinckley nagmisyon, gisultihan siya sa iyang amahan, “Kalimti ang imong kaugalingon ug pagtrabaho” (sa “Taking the Gospel to Britain,” Ensign, Hulyo 1987, 7). Kini nga tambag makatabang alang sa tanang mga misyonaryo. Paningkamot sa pagbale-wala sa imong mga kahadlok mahitungod sa naunsa ka na sa imong trabaho. Hinoon, tutoki ang imong tawag sa pagserbisyo sa uban.

B. Likayi ang Pagbati nga Nag-inusara o Biniyaan

• Pangutana aron makaila mahitungod sa ubang mga tawo. Pangutana sa ubang mga tawo mahitungod sa ilang mga kasinatian ug mga pagbati aron masabtan nimo og maayo sila. Kon imong masabtan ang ubang mga tawo, bation nimo nga wala ka kaayo mag-inusara.

• Pakigbahin pa og dugang. Pakigbahin sa imong mga hunahuna ug mga pagbati ngadto sa uban. Bation nato ang pag-inusara kon gibati nato nga ang uban wala makaila ug mohatag og bili kanato.

• Ipatin-aw unsa ang kahulugan sa “nag-inusara” nganha kanimo. Sulayi ang pagpatin-aw unsa nga mga pagbati, mga hunahuna, ug mga batasan ang naghimo kanimo sa pagbati nga nag-inusara. Dayon paningkamuti ang pagsulbad niining mga butanga.

• Pakigsulti ngadto sa mga hamtong kinsa nagtagad. Pahibaloa kini nga mga hamtong kon unsa ang imong gibati. Mahimo nga sila adunay mga sugyot alang sa unsay imong mabuhat sa paglikay nga mobati og pag-inusara.

  pangserbisyo nga misyonaryo naggamit og manwal nga ligwat

“Busa, akong hinigugma nga mga kaigsoonan, pag-ampo ngadto sa Amahan uban sa tibuok kusog sa kasingkasing, nga kamo unta mapuno niini nga gugma, diin siya mitugyan diha sa tanan kinsa tinuod nga mga sumusunod sa iyang Anak, nga si Jesukristo; aron mahimo kamo nga mga anak sa Dios; nga kon siya moabut kita mahisama kaniya, kay kita makakita kaniya nga mao gihapon; nga kita mahimo nga makabaton niini nga paglaum; aron mahimo kita nga putli ingon nga siya putli.”

Moroni 7:48

C. Pagdumala sa Panagbingkil o Pagpanaway

• Sa matinahuron nga paagi ipasabut kon unsay naghasol kanimo. Kon ang pamatasan sa usa ka tawo naghasol kanimo, sa matinahuron nga paagi pakigsulti ngadto sa tawo. Ipasabut kon unsay imong gusto nga mausab unta, apan ayaw sawaya ang pamatasan sa laing tawo. Kon ikaw manaway o masuko, ang laing tawo mahimong manalipod ug dili kaayo magmatinabangon. Sama pananglit, ikaw makasulti, “Ako sa tinuod dili gusto og basura nga biyaan diha sa kwarto nga pahulayanan. Apan dili usab ako gusto nga manglimpyo niining tanan sa akong kaugalingon. Ako naghunahuna kon unsaon nato sa pagpahinumdom ang tanan sa pagmatngon sa ilang kaugalingong basura.” O, “Ako nabalaka nga nasuko ka kanako kon hilom ka kaayo. Makasulti ka ba kanako kon unsay imong gihunahuna?”

• Hangyo og tubag. Hangyoa ang uban og mga sugyot mahitungod kon unsaon sa pagbuntog sa imong mga kahuyang. Hangyoa usab ang Ginoo sa pagtabang kanimo sa pagsabut sa imong kahuyang (tan-awa ang Ether 12:27).

• Pagmabination ngadto sa uban. Kon maghunahuna mahitungod sa uban, likayi ang paghimo og negatibo nga mga paghukom mahitungod kanila o sa paghatag kanila og negatibo nga mga tatak. Ayaw paninguha sa paghimo sa imong kaugalingon nga mobati nga mas maayo pinaagi sa paghunahuna mahitungod sa mga sayop sa ubang mga tawo.

• Hatagi og importansya ang pagsulbad sa mga problema, dili ang mga tawo. Kon ang mga tawo mobuhat og mga butang nga mohasol kanimo, tutoki ang pag-ila ug pagsulbad sa nagtago nga mga problema, dili ang pagpanaway sa mga tawo o pagpaningkamot sa pagtarong kanila. Kon ikaw makigsulti ngadto sa mga tawo, paninguha sa pagbaton og maayong tono sa tingog nga wala masuko o nalooy sa kaugalingon (tan-awa sa Mga Taga-Efeso 4:29–32).

• Ayaw og kasuko. Dawata ang mga sugyot gikan sa uban inubanan sa tumang kalooy ug kahimuot kutob sa imong mahimo. Buhata kini bisan og ang usa ka tawo walay pamatasan. Kon imong gibati nga ang usa ka tawo nagsaway kanimo, sulti, “Salamat alang sa tubag. Akong buhaton kana.”

• Dayga ug serbisyohi kanunay ang uban. Pasalamati ang uban alang sa mga butang nga imong gidayeg, ug pasabta sa mga butang nga ilang gibuhat og maayo. Pangita og gagmay nga mga paagi sa pagserbisyo ug sa pagtabang sa uban kada adlaw.

• Pag-ampo alang sa gasa sa gugma nga putli. Buhata ang mao “uban sa tibuok kusog sa kasingkasing” (Moroni 7:48). Pangayo nga makatan-aw sa uban sama sa pagtan-aw sa Dios kanila. Iapil sa imong mga pag-ampo ang mga tawo kinsa misalikway kanimo ug mipasakit kanimo (tan-awa ang 3 Nephi 12:44).

misyonaryo nakig-istorya uban sa lider sa Simbahan

D. Pakigsinabot sa mga Lider

• Pagmapainubsanon. Ang pagpaubos usa ka importanting bahin sa pagkamatudloan ug andam sa pagpalambo (tan-awa sa Doktrina ug mga Pakigsaad 112:10). Pangayo sa imong mga lider og mga sugyot kon unsaon nimo sa paglambo. Andam sa pagdawat og tambag gikan kanila, ug pahibaloa sila nga makasalig sila kanimo. Pasalamati ang imong mga lider alang sa ilang serbisyo, pinaagi sa pulong ug sa sulat.

• Paningkamoti nga mahimong maayong sumusunod. Ang pipila ka mga tawo walay pagsalig sa may mga awtoridad o maglisud sa pagsunod og direksyon. Tingali sila naanad ngadto sa pagka-boss sa ilang kaugalingon. Ang uban mobati og pakigkompetensya sa kauban sa trabaho. Pahibaloa ang imong mga lider kon ikaw aduna niini nga mga hagit. Pag-ampo alang sa pagpaubos nga mahimong maayo nga sumusunod.

• Pag-ampo alang sa tanan nimong mga lider. Pag-ampo alang sa imong mga lider, ilabi na alang sa mga lider ngadto kang kinsa ikaw adunay dili maayo nga mga pagbati.

• Hunahunaa nga ang mga lider mga tawo. Usahay maghunahuna kita nga ang mga lider kinahanglan nga mas maayo pa kaayo kay sa ubang mga tawo. Kon mao, mahimo kitang mahigawad ug mahinawayon kon sila makahimo og mga kasaypanan. Ang mga lider mahimong kawad-an og pailub, makapakita og dili maayong paghukom ug dili makasabut kanato. Kon makita nimo ang mga pagkadili hingpit, tan-awa ang positibo nga mga hiyas usab (tan-awa ang Mormon 9:31).

• Pagkat-on gikan sa mga kalig-on sa imong lider. Paghimo og lista sa mga kalidad nga aduna ang imong lider nga gusto nimong sundon kon imo nang panahon sa pagpangulo.

pangserbisyo nga misyonaryo nagtabang og patron diha sa tipiganang balay sa bishop

E. Magtabang sa Uban Nga Masabtan ang Buluhaton sa Imong Misyon

• Ipasabot kon unsa ang usa ka pangserbisyo nga misyon. Ang pipila ka mga miyembro sa Simbahan mahimong dili makasabot kon unsa ang pangserbisyo nga misyon. Ikaw makasulti, “Ang pangserbisyo nga misyonaryo nagserbisyo sa Simbahan o komunidad kutob sa 40 ka oras sa usa ka semana. Sila adunay mga lagda ug mga giya sa misyon nga lahi alang sa nagsangyaw sa ebanghelyo nga mga misyonaryo. Sama pananglit, Magpuyo ako sa panimalay. Magserbisyo ako sa sulod sa ka oras sa usa ka semana. Makahimo ako sa pag-apil sa ward sa young single adult ug sa mga kalihokan niini sa panahon nga ako walay trabaho.”

• Ipasabut nga ikaw gitawag nga mahimong usa ka representante ni Jesukristo ug sa Iyang Simbahan. Kini nga tawag parehas alang sa tanang misyonaryo ug dili mausab kon ang mga lugar mausab. Apan ang imong buluhaton, mga oras, o panahon sa pagserbisyo mahimong mausab. Sama pananglit, ikaw tingali mabalhin ngadto sa usa ka pangserbisyo nga misyon tungod sa problema sa panglawas. Makasulti ka nga, “Ako sa gihapon usa ka misyonaryo. Apan gibalhin ako ngadto sa usa ka bag-ong misyon, diin ako karon motutok sa akong serbisyo.”

• Pahibaloa ang mga tawo kon unsay imong gusto ug gikinahanglan. Mahimong ikaw nagsugod pa lamang sa imong pangserbisyo nga misyon. Mahimo nimong dapiton ang mga miyembro sa ward sa pagkat-on mahitungod sa unsay imong gibuhat. Hangyoa sila sa pagsuporta. Kon ikaw nabalhin mahimong mangayo ka og pipila ka minuto diha sa miting sa Relief Society o elders quorum. Ipasabut ngadto sa mga miyembro ang kausaban sa imong lugar nga trabahoanan ug paghangyo og suporta. Kon ikaw hapit na moabut sa katapusan sa imong misyon, mahimo kang mangayo sa uban og tabang. Hangyo alang sa tabang sa pagpangita og trabaho o sa pag-eskwela samtang naghimo ka sa pagbalhin.

Ang usa ka misyonaryo kinsa gibalhin gikan sa usa ka misyon nga nagsangyaw sa ebanghelyo [proselyting] ngadto sa usa ka pangserbisyo nga misyon miingon: “Ako sa katapusan nagsugod sa pagpahiangay nga anaa sa panimalay ug sa akong bag-ong mga buluhaton. Nakalimot ako kon unsa ka makalingaw kini nga mahimong usa ka misyonaryo ug unsa ko kagusto niini. Mapasalamaton ako kaayo nga nahimong usa ka bahin niining mahinungdanon nga.panimpalad.”

Elder Scott