Ang Ginoo ang Akong Magbalantay, ni Simon Dewey

Tan-aw ngari Kanako

Hinumdumi, ang Manluluwas nahigugma kanimo. Salig Kaniya ug sa Iyang gahum sa pag-ayo ug pagtubos kanimo. Ang Dios adunay hingpit nga plano alang sa Iyang dili hingpit nga mga anak. Kini mao ang maayong balita nga imong ipakita ngadto sa kalibutan pinaagi sa imong serbisyo ug panig-ingnan. Hinumdumi kini nga mga saad:

“Sa pagkatinuod, sa pagkatinuod, Ako moingon nganha kanimo, ingon nga Ako miingon ngadto sa akong mga tinun-an, diin duha o tulo nagpundok nga naghiusa diha sa akong ngalan, nga naghisgot sa usa ka butang, tan-awa, Ako anaa diha sa taliwala kanila—gani sama nga Ako anaa diha sa taliwala kaninyo.

“Ayaw kahadlok sa pagbuhat og maayo, … kay bisan unsa ang inyong ipugas, kana usab ang inyong maani; busa, kon kamo magpugas og maayo kamo usab moani og maayo alang sa inyong ganti.

“Busa, ayaw kahadlok, gagmay nga panon; pagbuhat og maayo; tuguti nga ang yuta ug impyerno maghiusa sa pagbatok kaninyo, kay kon kamo gitukod diha sa akong lig-on nga sukaranan, sila dili makabuntog.

“Tan-awa, ako dili manghimaraut kaninyo; padayon sa inyong panginabuhi ug ayaw na pagpakasala; buhata uban sa pagkamaligdong ang buhat nga Ako misugo kaninyo.

“Paghunahuna ngari kanako sa matag hunahuna; ayaw pagduha-duha, ayaw kahadlok.

“Hunahunaa ang mga samad nga milapos sa akong kilid, ug usab ang mga marka sa mga lansang sa akong mga kamot ug tiil; pagmatinud-anon, paghupot sa akong mga sugo, ug kamo makapanunod sa gingharian sa langit” (Doktrina ug mga Pakigsaad 6:32–37).