“Paggamit sa Rekord sa Hagit,” Pagpahiangay ngadto sa Kinabuhi sa Pangserbisyo nga Misyonaryo: Booklet nga Kapanguhaan (2020)
“Paggamit sa Rekord sa Hagit,” Pagpahiangay ngadto sa Kinabuhi sa Pangserbisyo nga Misyonaryo
Paggamit sa Rekord sa Hagit
Mga Direksyon
-
Tun-i ang “Lista sa mga Hagit” nga nagsunod. Ang matag usa niini nga mga hagit gihisgutan niini nga booklet. Tupad sa kada hagit mao ang seksyon diin kini gihisgutan.
-
Pagpili og usa ka hagit nga gusto nimo nga buhaton. Isulat ang hagit diha sa “Rekord sa Hagit.” Isulat usab ang petsa sa pagsugod.
-
Adto sa seksyon niini nga booklet nga naghatag og mga sugyot alang sa pagbuntog niana nga hagit.
-
Basaha ang mga sugyot diha niana nga seksyon. Pagpili og usa o sobra pa sa mga sugyot nga makatabang kanimo.
-
Isulat ang sugyot(mga) diha sa “Rekord sa Hagit” ubos sa “Plano alang sa Pag-uswag.” Isulat usab ang unsay gusto nimo nga matuman ubos sa “Gipaabut nga Resulta.”
-
Ipakigbahin ang imong plano ngadto sa kauban nga motudlo, sama sa usa ka ginikanan o lider sa pangserbisyo nga misyon, aron kini nga tawo makatabang kanimo sa imong plano.
-
Sulod sa sunod nga semana, sulayi ang paggamit sa mga sugyot. Matag adlaw, pagbutang og marka nga tsek diha sa “Rekord sa Hagit” aron makita ang pag-uswag.
-
Sa katapusan sa semana, timbang-timbanga unsa ang miuswag ug unsa ang wala miuswag. I-rekord usab ang imong personal nga katingbanan [summary] sa imong semana.
-
Paghukom kon mopadayon ba sa pagbuhat sa samang mga sugyot sulod sa lain nga semana. Makapili ka usab og ubang mga sugyot alang niini nga hagit ug buhata kini. O kon nakahimo ka og maayong pag-uswag, makahukom ka sa pagpili og lain nga hagit. Pagmugna og lain nga “Rekord sa Hagit” ingon sa panginahanglan.