Ko Hono Faka‘aongaʻi ‘o e Tohi Lekooti ki ha Polé

Ngaahi Fakahinohinó

1. Ako ‘a e “Lisi ʻo e Ngaahi Polé” ʻa ia ʻoku hoko haké. ʻOku fakamatalaʻi ʻi he kiʻi tohí ni ʻa e ngaahi polé takitaha. ʻOku ʻi he tafaʻaki ʻo e pole takitaha ʻa e konga ʻoku fakamatalaʻi ai.

2. Fili ha pole ʻokú ke fie ngāue ki ai. Hiki ʻa e polé ʻi he “tohi lekooti ki ha polé.” Hiki foki mo ho ʻaho kamatá.

3. ʻAlu ki he konga ʻo e kiʻi tohi ko ʻení ʻoku ʻomai ai e ngaahi fokotuʻu ki hono ikunaʻi ʻo e pole ko iá.

4. Lau ʻa e ngaahi fokotuʻu ʻi he konga ko iá. Fili ha meʻa ‘e taha pe lahi ange ʻo e ngaahi fokotuʻú ʻe ʻaonga kiate koé.

5. Hiki ‘a e (ngaahi) fokotuʻú ʻi he “tohi lekooti ki ha polé” ʻi lalo he “Palani ki he Fakalakalaká.” Toe hiki foki mo e meʻa te ke loto ke lavaʻí, ʻi lalo ʻi he “Ola ʻOku Fiemaʻú.”

6. Vahevahe ho‘o palani mo ha hoa falalaʻanga, hangē ko ha mātuʻa pe taki faifekau tokoni, ke lava ʻa e tokotaha ko ʻení ʻo tokoni atu ʻi hoʻo palaní.

7. Feinga ʻi he lolotonga ʻo e uike hono hokó, ke fakaʻaongaʻi ʻa e ngaahi fokotuʻú. Fakaʻilongaʻi ʻi he ʻaho kotoa pē ʻa e “tohi lekooti ki ha polé” ke fakahaaʻi hoʻo fakalakalaká.

8. Vakaiʻi ʻi he ʻosi ʻa e uiké, ʻa e meʻa naʻe leleí mo ia naʻe ʻikaí. Lekooti foki hoʻo fakamatala fakanounou ʻo hoʻo uiké.

9. Fakakaukauʻi pe te ke toe hoko atu ʻo ngāue ki he ngaahi fokotuʻu tatau ʻi ha toe uike. Te ke toe lava foki ʻo fili ha ngaahi fokotu‘u kehe ki he tukupā ko ʻení pea ngāueʻi ia. Pe, kapau kuó ke fai ha fakalakalaka lelei, te ke lava ke fili ha pole kehe. Fa‘u ha “tohi lekooti ki ha polé” kehe ʻo ka fie maʻu.

Lisi ʻo e Ngaahi Polé

1. Ko Hono Fakatupulaki ʻo e Ivi Matuʻuakí ʻi he Loto-Hohaʻá

   1. Ko hono tali lelei e loto-hohaʻá

   2. Ko hono tokoniʻi ha “loto-hohaʻa fakatuʻupakeé”

   3. Ko hono tokoniʻi ha niʻihi kehe ʻoku tōtuʻa ʻenau loto-hohaʻá

   4. Ko e ngāueʻi ha palopalema fakafoʻituituí

2. Ko Hono Fakatupulaki ʻo e Ivi Matuʻuaki Fakaetuʻasinó

   1. Ko e ako ke ngāue mālohí

   2. Ko e pukepuke ke moʻui lelei mo longomoʻuí

   3. Ko e tokoniʻi ʻo e langa ʻulu, langa keté pe felāngaaki ʻo e uouá

   4. Ko e mohe fiemālié mo e mohe ʻi he taimi totonú

   5. Ko e ʻā taimi totonú

   6. Ko e maʻu-meʻatokoni mo e fāmilí

   7. Ko e ʻai ke loto-ʻaki ke fakamālohisinó

3. Ko Hono Fakatupulaki ʻo e Ivi Matuʻuaki Fakaelotó

   1. Ko e fakaangaanga ki hoʻo ngāue foʻoú

   2. Ko hono ikunaʻi ʻo e ongoʻi mamahí mo e loto-foʻí

   3. Ko hono ikunaʻi ʻo e loto-fakaangaʻi pē ʻo kitá

   4. Ko hono ikunaʻi ʻo e loto-hohaʻá mo e taʻetāú

   5. Ko e hono ikunaʻi ʻo e loto-ʻitangofuá mo e ʻitá

   6. Ko hono ikunaʻi ʻo e ongoʻi taʻe fie kaú

   7. Ko hono mapuleʻi ʻo e ngaahi ongo fakasekisualé pe manako ʻi ha tahá

   8. Ko hono tokanga‘i ʻo e ngaahi liliú mo e fulifulihí

4. Ko Hono Fakatupulaki ʻo ha Ivi Matuʻuaki Fakasōsialé

   1. Ko e fetuʻutaki mo e niʻihi kehé

   2. Ko e fakaʻehiʻehi mei he ongoʻi taʻelatá pe tuēnoá

   3. Ko e tokoniʻi ʻo e fekainakí mo e fakaangá

   4. Ko e vālelei mo e kau takí

   5. Ko hono tokoniʻi ke mahino ki he niʻihi kehé hoʻo ngāue fakafaifekaú

5. Ko Hono Fakatupulaki Ha Ivi Matuʻuaki Fakaʻatamaí

   1. Ko e ako ha ngāue foʻoú

   2. Ko e fakamaau ʻo e ngaahi taumuʻá mo e palaní

   3. Ko hono ikunaʻi ʻe ongoʻi taʻemalavá

6. Ko Hono Fakatupulaki Ha Ivi Matuʻuaki Fakalaumālié

   1. Ko hono fakamālohia hoʻo fakamoʻoní

   2. Ko e feinga ke fakatomalá

   3. Ko e ako ke lotu ʻi he loto-fakamātoató

   4. Ko e ako ke manako ʻi he folofolá

   5. Ko e feinga ke fakafalala ki he Laumālié

Tohi Lekooti ki ha Polé