« ចំណេះចំណានខាងគោលលទ្ធិ ៖ ម៉ូសាយ ១៨:៨–១០—‹ អ្នករាល់គ្នាបានចូលក្នុងសេចក្ដីសញ្ញាជាមួយនឹងទ្រង់ › » ព្រះគម្ពីមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )
« ចំណេះចំណានខាងគោលលទ្ធិ ៖ ម៉ូសាយ ១៨:៨–១០ » ព្រះគម្ពីមរមន សៀវភៅសិក្សាសម្រាប់គ្រូបង្រៀន
ចំណេះចំណានខាងគោលលទ្ធិ ៖ ម៉ូសាយ ១៨:៨–១០
« អ្នករាល់គ្នាបានចូលក្នុងសេចក្ដីសញ្ញាជាមួយនឹងទ្រង់ »
នៅក្នុងមេរៀនមុន អ្នកបានរៀនអំពីរបៀបដែលសេចក្តីសញ្ញានៃពិធីបុណ្យជ្រមុជទឹករបស់យើងជាមួយព្រះអង្គសង្គ្រោះអាចជះឥទ្ធិពលដល់របៀបរស់នៅរបស់យើង ។ មេរៀននេះអាចជួយសិស្សឲ្យទន្ទេញសេចក្ដីយោង និងឃ្លាបទគម្ពីរគន្លឹះសម្រាប់ ម៉ូសាយ ១៨:៨–១០ ពន្យល់គោលលទ្ធិដែលបានបង្រៀននៅក្នុងខគម្ពីរទាំងនោះ និងអនុវត្តគោលការណ៍នៃការទទួលបានចំណេះដឹងខាងវិញ្ញាណនៅក្នុងស្ថានភាពជីវិតជាក់ស្តែងដោយប្រើវគ្គបទគម្ពីរនេះ ។
ទន្ទេញ និងពន្យល់
សូមរៀបសេចក្តីយោង និងឃ្លាបទគម្ពីរគន្លឹះខាងក្រោមតាមលំដាប់លំដោយឡើងវិញសម្រាប់ ម៉ូសាយ ១៨:៨–១០ ដោយសរសេរវានៅក្នុងសៀវភៅកំណត់ហេតុការសិក្សារបស់អ្នកតាមលំដាប់លំដោយត្រឹមត្រូវ ។ ប្រសិនបើចាំបាច់ សូមពិនិត្យមើលភាពត្រឹមត្រូវរបស់អ្នកដោយមើល បញ្ជីនៃសេចក្តីយោងនៃចំណេះចំណានខាងគោលលទ្ធិ និងឃ្លាបទគម្ពីរគន្លឹះ នៅចុងបញ្ចប់នៃ ឯកសារគោលនៃចំណេះចំណានខាងគោលលទ្ធិ ( ឆ្នាំ ២០២២ ) ។
ទទួលបុណ្យជ្រមុជទឹក ៨ ព្រះអម្ចាស់ ត្រូវ អ្នករាល់គ្នា ១៨ ចូលក្នុងសេចក្ដីសញ្ញាជាមួយនឹងទ្រង់ ដើម្បីធ្វើជាសាក្សី ១០ ថាបាន ដោយនូវព្រះនាមនៃ
បន្ទាប់ពីអ្នកបានសរសេរឃ្លាត្រឹមត្រូវហើយ សូមចំណាយពេលមួយភ្លែតដើម្បីព្យាយាមទន្ទេញនូវសេចក្ដីយោងបទគម្ពីរ និងឃ្លាបទគម្ពីរគន្លឹះដោយសូត្រវាឡើងវិញពីរបីដង ។
-
សូមបំពេញសកម្មភាពដូចខាងក្រោមនេះ ៖
នៅក្នុងមេរៀនមុន អ្នកបានរៀនថា ពេលយើងទទួលបុណ្យជ្រមុជទឹក យើងចុះសេចក្ដីសញ្ញាជាមួយនឹងព្រះថា យើងនឹងបម្រើទ្រង់ ហើយកាន់តាមបញ្ញត្តិរបស់ទ្រង់ ។ សូមស្រមៃថា អ្នកត្រូវបានសុំឲ្យនិយាយនៅឯពិធីបុណ្យជ្រមុជទឹករបស់កុមារអាយុប្រាំបីឆ្នាំអំពីសេចក្ដីសញ្ញាដែលពួកគេកំពុងចុះ ។ សូមកត់ត្រាពីរបៀបដែល ម៉ូសាយ ១៨:៨–១០ អាចជួយអ្នកពន្យល់អំពីសេចក្ដីសញ្ញា និងរបៀបដែលការរក្សាសេចក្ដីសញ្ញានោះនឹងជួយកុមារឲ្យប្រែកាន់តែដូចព្រះយេស៊ូវគ្រីស្ទ ។
រៀនអនុវត្ត
សូមព្យាយាមធ្វើបញ្ជីចេញពីការចងចាំអំពីគោលការណ៍បីនៃការទទួលបានចំណេះដឹងខាងវិញ្ញាណ រួមទាំងការពិពណ៌នាខ្លីៗអំពីអត្ថន័យនៃគោលការណ៍នីមួយៗផងដែរ ។ ប្រសិនបើចាំបាច់ សូមរំឭក កថាខណ្ឌទី ៥–១២ នៃផ្នែក « ការទទួលបានចំណេះដឹងខាងវិញ្ញាណ » ឡើងវិញនៅក្នុង ឯកសារគោលនៃចំណេះចំណានខាងគោលលទ្ធិ ( ឆ្នាំ ២០២២ ) ។
សូមអានស្ថានភាពប្រតិដ្ឋខាងក្រោម ហើយប្រើគោលការណ៍នីមួយៗនៃការទទួលបានចំណេះដឹងខាងវិញ្ញាណ ដើម្បីរៀបចំដំបូន្មានខ្លះៗសម្រាប់ អែនណា ដែលនាងអាចប្រើដើម្បីជួយផល្លា ។
អែនណា បានកត់សម្គាល់ឃើញថា ផល្លា ដែលជាក្មេងស្រីនៅក្នុងថ្នាក់របស់នាងនៅឯព្រះវិហារ កំពុងមានការលំបាកក្នុងការមានភាពរីករាយ ឬបង្កើតមិត្តភាព ។ អែនណាបានឮថា ពេលខ្លះ ផល្លាជ្រើសរើសមិនចូលរួមក្នុងសកម្មភាពយុវវ័យ ឬការប្រជុំនានាក្នុងព្រះវិហារ ដោយសារនាងមានអារម្មណ៍ថា នាងដូចជាមិនចុះចំណោមជាមួយក្មេងស្រីដទៃទៀត ។ អែនណា ចង់ជួយ ផល្លា ឲ្យមានអារម្មណ៍ស្វាគមន៍កាន់តែខ្លាំង ប៉ុន្តែនាងមិនដែលនិយាយជាមួយ ផល្លា ហើយបារម្ភថា វាអាចជារឿងឆ្គង ឬមិនស្រួលក្នុងការទាក់ទងទៅនាង ។
-
សូមឆ្លើយសំណួរខាងក្រោមនេះ ៖
-
តើអ្នកនឹងប្រើគោលការណ៍ទាំងបីនៃការទទួលបានចំណេះដឹងខាងវិញ្ញាណ និងការបង្រៀនក្នុង ម៉ូសាយ ១៨:៨–១០ ដើម្បីជួយ អែនណា ក្នុងស្ថានភាពរបស់នាងដោយរបៀបណា ?
ប្រសិនបើអ្នកព្យាយាម ហើយនៅតែត្រូវការជំនួយក្នុងការឆ្លើយសំណួរមុន នោះសំណួរខាងក្រោមអាចជួយណែនាំអ្នកបាន ៖
ស្វែងរកការយល់ដឹងបន្ថែមតាមរយៈប្រភពដែលបានតែងតាំងដ៏ទេវភាព
-
តើវគ្គបទគម្ពីរ ឬសេចក្ដីថ្លែងការណ៍អ្វីខ្លះដោយអ្នកដឹកនាំសាសនាចក្រដែលអ្នកដឹងអំពីវា ដែលអាចជួយអែនណាបាន ? តើការបង្រៀននៅក្នុង ម៉ូសាយ ១៨:៨–១០ អាចមានប្រយោជន៍យ៉ាងដូចម្ដេចខ្លះ ?
-
តើការនិយាយទៅកាន់គណៈប្រធាននៃថ្នាក់យុវនារីអាចផ្តល់ឲ្យអែនណា នូវការយល់ដឹងបន្ថែមអំពីស្ថានភាពរបស់ផល្លាយ៉ាងដូចម្ដេច ?
ពិនិត្យមើលគោលគំនិត និងសំណួរទាំងឡាយដោយទស្សនវិស័យដ៏អស់កល្បជានិច្ច
-
តើអែនណាត្រូវយល់យ៉ាងណាអំពីរបៀបដែលព្រះអម្ចាស់ទតឃើញសេចក្តីសញ្ញានៃពិធីបុណ្យជ្រមុជទឹក ដែលអាចជួយនាងយកឈ្នះលើអារម្មណ៍ស្ទាក់ស្ទើររបស់នាងបាន ?
-
តើការចងចាំពីព្រះទ័យរបស់ព្រះអម្ចាស់ចំពោះ ផល្លា ជួយ អែនណាដោយរបៀបណា ?
-
តើការលើកទឹកចិត្តផល្លា អាចជួយអែនណាឲ្យប្រែកាន់តែដូចព្រះវរបិតាសួគ៌ និងព្រះយេស៊ូវគ្រីស្ទយ៉ាងដូចម្ដេច ?
ធ្វើសកម្មភាពដោយសេចក្ដីជំនឿ
-
តើអែនណាអាចធ្វើអ្វីខ្លះ ដើម្បីរក្សាការសន្យាជាក់លាក់នៃពិធីបុណ្យជ្រមុជទឹក ដែលអាលម៉ាបានបង្រៀននៅក្នុង ម៉ូសាយ ១៨:៨–១០ បាន ?
-
តើអ្នកនឹងចែកចាយគំរូអ្វីខ្លះរបស់ព្រះយេស៊ូវគ្រីស្ទពីការជួយអ្នកដទៃជាមួយអែនណា ដើម្បីជួយនាងធ្វើសកម្មភាពដោយសេចក្តីជំនឿ ?