“Alma 33: Pagtuturo ng Ebanghelyo ng Tagapagligtas,” Manwal ng Titser para sa Aklat ni Mormon (2024)
“Alma 33,” Manwal ng Titser para sa Aklat ni Mormon
Alma 33
Pagtuturo ng Ebanghelyo ng Tagapagligtas
Nakadama ka na ba ng hangaring sundin ang Panginoon nang mas mabuti ngunit hindi mo alam kung ano ang gagawin? Tinanong ng mga maralita sa mga Zoramita ang propetang si Alma kung paano sila “magsisimula upang gamitin ang kanilang pananampalataya” (Alma 33:1). Ang sagot ni Alma ay mahalagang maunawaan ng lahat ng disipulo ni Jesucristo. Ang lesson na ito ay makakapagpalalim sa iyong pag-unawa sa mga hakbang na magagawa mo para mas manampalataya kay Jesucristo.
Mga tanong tungkol sa ebanghelyo
-
Kung may pagkakataon kayong itanong sa propeta ng Diyos ang isa o dalawang tanong, ano ang gusto ninyong malaman? Bakit?
Sa Alma kabanata 32, inanyayahan ng propetang si Alma ang mga Zoramita na palakasin ang kanilang patotoo sa pamamagitan ng pangangalaga sa salita ng Diyos sa kanilang puso. Sumagot sila sa pamamagitan ng pagtatanong sa kanya ng ilang mahahalagang tanong.
Basahin ang Alma 33:1, at alamin ang mga itinanong nila sa propeta.
-
Sa inyong palagay, paano maaaring baguhin ng isang tinedyer ngayon ang tanong na “sa paanong paraan sila magsisimula upang gamitin ang kanilang pananampalataya”?
-
Paano ninyo sasagutin ang tanong na iyon batay sa nalalaman ninyo tungkol sa ebanghelyo ni Jesucristo?
Ang pagsampalataya ay hindi lang basta paniniwala kay Jesucristo. Sumasampalataya tayo kapag ginagawa natin ang iniuutos ng Tagapagligtas at kusa nating hinahangad na sundin Siya. Sinagot ni Alma ang tanong ng mga Zoramita sa pamamagitan ng pagtuturo sa kanila ng maraming paraan kung paano natin magagawang manampalataya kay Jesucristo.
Pumili ng isa sa sumusunod na tatlong opsiyon mula sa tugon ni Alma na gusto mong maunawaan nang mas mabuti. Maghanda na para bang magtuturo ka ng lima hanggang pitong minutong lesson tungkol sa opsiyong pinili mo. Maaari mong isipin ang isang taong kilala mo at maaari kang maghanda na para bang ibabahagi mo sa kanya ang lesson. Maaari mong gamitin ang ilan sa mga ideyang nakalista sa ilalim ng “Mga Ideya sa Paghahanda ng Lesson” kalaunan sa lesson para matulungan kang maghanda.
Mayroon ding ilang resources na makukuha sa bahaging “Opsiyonal: Gusto Mo Bang May Matutuhan Pa?” sa katapusan ng lesson na ito na maaaring makatulong sa iyo.
Opsiyon 1: Maaari tayong manampalataya sa Diyos sa pamamagitan ng pagsamba sa Kanya sa panalangin. Alma 33:3–11
Mga karagdagang banal na kasulatan na pag-iisipan: Alma 34:17–27
Opsiyon 2: Maaari tayong manampalataya sa pamamagitan ng paniniwala sa Anak ng Diyos. Alma 33:12–18
Mga karagdagang banal na kasulatan na pag-iisipan: Juan 3:16; 2 Nephi 2:6–8
Opsiyon 3: Maaari tayong manampalataya sa pamamagitan ng pag-asa kay Jesucristo para sa paggaling. Alma 33:18–23
Mga karagdagang banal na kasulatan na pag-iisipan: Mga Bilang 21:4–9; Helaman 8:14–15
Mga Ideya sa Paghahanda ng Lesson
Manwal ng Aklat ni Mormon para sa Seminary Teacher (2024)—“Alma 33: Pagtuturo ng Ebanghelyo ng Tagapagligtas”
Aling opsiyon ang pinili mong pagtuunan?
Maaari mong gamitin ang ilan sa mga sumusunod na prompt para matulungan kang ihanda ang outline mo.
Mahahalagang parirala mula sa mga talatang maaari mong imungkahi na markahan ng mga tinuturuan mo:
Ano ang maipauunawa o maipadarama ng mga talatang ito sa mga tinuturuan mo tungkol sa Ama sa Langit at kay Jesucristo:
Paano makakaapekto ang katotohanang ito sa buhay ng mga tinuturuan mo:
Mga object lesson, o magagandang halimbawa ng mga taong ipinamumuhay ang katotohanang ito:
Mga bagay na maaari mong itanong para matulungan ang mga tinuturuan mo na pagnilayan ang itinuro ni Alma:
Mga karanasan mo sa itinuro ni Alma:
Mga karagdagang banal na kasulatan o pahayag mula sa mga lider ng Simbahan:
Ano ang maaari mong ipagawa sa mga tinuturuan mo dahil sa natutuhan nila:
© 2023 by Intellectual Reserve, Inc. All rights reserved.
Mapanalanging pag-isipan kung paano mo maibabahagi ang natutuhan mo sa taong naisip mo noong inihanda mo ang lesson na ito.
-
Magsulat ng outline ng ituturo mo, kasama na ang mga detalye kung paano mo ito ituturo. Pagkatapos ay sagutin ang mga sumusunod na tanong:
-
Anong mga nalaman mo tungkol sa pagsampalataya kay Jesucristo ngayon?
-
Paano nakatulong sa iyo ang paghahanda ng lesson tungkol dito para magkaroon ka ng mga kaalamang iyon?
-