“Мормоны Номын тухай Иосеф Смитийн гэрчлэл: “Бурханы бэлэг хийгээд хүчээр орчуулагдсан …,’” Мормоны Номын багшийн гарын авлага (2024)
“Мормоны Номын тухай Иосеф Смитийн гэрчлэл: “Бурханы бэлэг хийгээд хүчээр орчуулагдсан …” Мормоны Номын багшийн гарын авлага
Мормоны Номын удиртгал хэсэг
Мормоны Номын тухай Иосеф Смитийн гэрчлэл
“Бурханы бэлэг хийгээд хүчээр орчуулагдсан …”
© 1998 Дэвид Линдсли
Мормоны Ном хэрхэн ирсэн бэ? Иосеф Смит үүнийг үл мэдэгдэх хэлнээс англи хэл рүү хэрхэн хөрвүүлсэн бэ? Энэ хичээл танд Мормоны Ном хэрхэн “Бурханы бэлэг хийгээд хүчээр” ирснийг илүү сайн ойлгож, тайлбарлахад тусална (Сургаал ба Гэрээ 135:3).
Суралцагч бүрийн нэрийг мэдэх. Суралцагч бүрийг нэрээр нь дуудаж харилцах нь таны хайрыг мэдрэхэд тэдэнд тусална. Суралцагчдын нэрийг тогтооход цаг зарцуул. Суралцагчдын нэрийг тогтооход туслах зурагт хуудас ашиглах юм уу суралцагчид хоорондоо нэрсээ мэдэж авах ангийн ажил хийж болно.
Суралцагчийн бэлтгэл: Мормоны Ном хэрхэн ирсэн тухай мэдэх зүйлсээ ярихад болон үүнтэй холбоотой асуултуудаа тавихад бэлтгэлтэй ирэхэд суралцагчдыг урь.
Боломжит суралцах үйл ажиллагаа
Мормоны Ном гарч ирсэн нь
Дараах зургуудыг үзүүл. Суралцагчдад хичээлд бэлтгэхээр өгсөн даалгавраа сануулж, зургуудыг он цагийн дарааллаар зөв байрлуулахыг хүс. Зөв дараалал нь Г, В, Б, A, Д.
Суралцагчид эдгээр үйл явдлыг хэр сайн ойлгосныг харгалзан хичээлийн явцад үйл ажиллагааг тохируулаарай.
-
А.
ЗурагМормоны Номын анхны хэвлэлийг хэвлэж байна -
Б.
ЗурагМормоны Номыг орчуулж байна -
В.
ЗурагКумора гүвээ -
Г.
ЗурагМоронай залуу хүү Иосеф Смит дээр хүрч ирсэн нь -
Д.
ЗурагМормоны Номын анхны хэвлэл
-
Эдгээр үйл явдал бүрийн үеэр Иосеф Смитэд ямар сэтгэгдэл төрсөн гэж та бодож байна вэ? Яагаад?
“Бурханы бэлэг хийгээд хүчээр”
Мормоны Ном гарч ирсэн талаар илүү ихийг мэдсэнээр өөрт нь тустай байх хэн нэгний тухай бод. Уг хүн Сүмийн гишүүн бус эсвэл итгэлээ олохоор эргэлзэн буй Сүмийн гишүүн байж болно. Тэдний нөхцөл байдлыг дэвтэртээ товч тайлбарлаж бичээд, Мормоны Ном гарч ирсэн талаар илүү ихийг мэдэх нь тэдэнд ямар ашигтай болохыг тодорхойл.
Суралцах явцдаа Иосеф Смит Мормоны Номыг хэрхэн Бурханы бэлэг хийгээд хүчээр урагш авчирсан үнэнийг батлах баримтыг эрэлхийл ( Мормоны Номын нүүр хуудас ба Сургаал ба гэрээ 135:3-ыг үзнэ үү).
Иосеф Смит Мормоны Ном ирэх үеийн сэтгэгдлээсээ бичсэн нь.
Мормоны Номын удиртгал хэсэг “Бошиглогч Иосеф Смитийн гэрчлэл”-ийг уншихад суралцагчдыг урь. Үүнийг хийх нэг арга бол унших хэсгүүдийг хувааж, ангийн хагас нь Моронайн шөнөөр айлчилсан айлчлалын тухай 1–14-р догол мөрийг уншиж, нөгөө хагас нь Моронайн айлчлалын дараа Иосефын юу хийсэн талаар 15–23-р догол мөрийг уншиж болно.
Өөр нэг арга нь хэсгүүдийг нэгтгэн дүгнэж, суралцагчдад хамгийн их тустай догол мөрүүдийг сонгох явдал юм.
-
Мормоны Номыг Бурханы бэлэг хийгээд хүчээр урагш авчирсан гэдгийг харуулсан ямар ямар үгийг та олж мэдсэн бэ?
-
Ямар учраас тухайн үеийн нэр хүндтэй эрдэмтнийг биш харин Иосеф Смитийг Мормоны Номыг орчуулуулахаар сонгосон гэж та бодож байна вэ?
-
Мормоны Ном урагш гарч ирсэн талаар хуваалцахаар бодсон хүнтэйгээ ярилцсаны дараа та юу сурч мэдсэн бэ?
Түүхэн үйл явдлууд
Иосеф Смит ялтаснуудыг хүлээн авсныхаа дараа Бурханы бэлэг хийгээд хүчээр Мормоны Номыг орчуулсан. “Заримдаа Иосеф хөрвүүлэгч хэрэгсэл [Урим ба Туммим]-ээр дамжуулан харж, ялтаснууд дээрх үсгүүдийг англиар уншиж орчуулдаг байв. Ихэнхдээ ганц үзмэрч чулуу ашиглах нь түүнд илүү амар санагддаг байлаа. Тэрээр үзмэрч чулууг бүрх малгайдаа хийгээд, гэрлээс халхлахын тулд нүүрээ уг малгайд шургуулан, чулууг нэвт шувт хардаг байжээ. Чулуунаас цацрах гэрэл харанхуйг гэрэлтүүлж, илчилсэн үгсийг Иосеф бичив” (Saints: The Story of the Church of Jesus Christ in the Latter Days, vol. 1, The Standard of Truth, 1815–1846 [2018], 61).
![](https://www.churchofjesuschrist.org/imgs/https%3A%2F%2Fassets.churchofjesuschrist.org%2Fcd%2Ff2%2Fcdf2cf0b9434118aa640a1226d24a1a4c6dce4b0%2Fcdf2cf0b9434118aa640a1226d24a1a4c6dce4b0.jpeg/full/!250,/0/default)
Тэргүүн зөвлөлийн ерөнхийлөгч Даллин Х.Өүксийн хэлсэн дараах мэдэгдлийг унш.
![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F21%2Fd2%2F21d245a1d3a7030247404e30048c9b3568e9629f%2F21d245a1d3a7030247404e30048c9b3568e9629f.jpeg/full/!250,/0/default)
Иосеф Смит Мормоны Номыг орчуулж дууссаныхаа дараа уг номыг хэвлэх хүнийг хайж олох хэрэгтэй болсон. Энэ нь тийм ч амар ажил байсангүй. Олон хэсгээс бүрдсэн, зузаан эх бичмэл, хэвлэлийн үнэ өртөг, олон мянган хувийг хооронд нь нийлүүлж үдэх ажлаас халширмаар байв. Иосеф эхлээд Палмирагийн хэвлэгч И. В.Грандинд хандахад тэр зөвшөөрсөнгүй. Дараа нь тэр Палмира дахь өөр нэгэн хэвлэгчид хандахад тэр ч гэсэн түүний саналыг хүлээн зөвшөөрсөнгүй. Тэрээр 40 км зайтай Рочестер луу явж, Нью-Йоркийн зүүн бүсдээ хамгийн нэртэй хэвлэгчтэй уулзахад тэр ч мөн адил татгалзсан хариу өгөв. Рочестер дахь өөр нэгэн хэвлэгч хэвлэе гэсэн боловч нөхцөл байдал энэхүү сонголтыг хүлээн зөвшөөрөх боломжгүй болгож байв.
Олон долоо хоног өнгөрч, тэнгэрээс өгөгдсөн тушаалыг биелүүлж чадахгүй, сөрөг талтай нүүр тулж байгаадаа Иосеф гайхаж байсан байх. Их Эзэн түүний хийх ажлыг хялбарчлаагүй ч боломжийг нь өгсөн юм. Иосеф тав дахь оролдлогоороо Палмира дахь Грандин хэвлэгч рүү хоёр дахь удаагаа хандахад амжилттай болов. (Даллин Х.Өүкс, “Бүх зүйлд сөрөг тал байх хэрэгтэй,” 2016 оны 4-р сарын Ерөнхий чуулган, 105)
-
Эдгээр түүхэн мэдээлэл Мормоны Номын талаарх таны хувийн мэдрэмжид хэрхэн нөлөөлсөн бэ?
-
Мормоны Ном урагш гарч ирсэн нь Тэнгэрлэг Эцэг, Есүс Христ хоёрын талаар юуг танд зааж сургасан бэ?
Мормоны Ном урагш гарч ирсэн тухай тайлбарлах нь
Мормоны Ном Бурханы бэлэг хийгээд хүчээр хэрхэн урагш гарч ирснийг илүү сайн ойлгоход нь тус болох хүнтэй юу хуваалцаж болох талаар бодох даалгаврыг суралцагчдад өгөөрэй.
Суралцагчдыг хос болгон хуваарил. Тэднийг асуултуудыг тайлбарлаж, хариулж буй Сүмийн гишүүн, мөн Мормоны Ном гарч ирсэн талаар илүү ихийг мэдэх шаардлагатай хүн тус бүрийн дүрд ээлжлэн тоглохыг даалга. Энэ сэдвээр нэмэлт сургалт шаардлагатай эсэхийг тодорхойлохын тулд анги дундуур явж суралцагчдын тайлбарыг сонс.
Суралцагчдыг тайлбараа хийж дууссаны дараа Мормоны Ном урагш гарч ирснээр үзүүлсэн Бурханы хүч, үүний бэлэг, хайрын тухай хувийн гэрчлэлээ хуваалцах талаар бодож үз. Мөн гэрчлэлээ хуваалцахыг хүссэн суралцагчдыг урь.