Pagrerebyu ng Doctrinal Mastery sa Aklat ni Mormon 2

Isaulo ang mga Reperensya at Mahahalagang Parirala ng Banal na Kasulatan

Ang pagsasaulo sa mga doctrinal mastery passage at sa itinuturo ng mga ito ay makatutulong sa iyo sa maraming paraan. Layunin ng lesson na ito na tulungan kang maisaulo ang mga reperensyang banal na kasulatan at mahahalagang parirala ng banal na kasulatan ng ilan sa mga doctrinal mastery passage sa Aklat ni Mormon.

Paghikayat sa mga aktibidad sa pagrerebyu ng doctrinal mastery. Ang mga aktibidad sa pagrerebyu ng doctrinal mastery ay nakatutulong sa mga estudyante na isaulo ang mahahalagang parirala ng banal na kasulatan. Sa regular na paggawa ng mga aktibidad na ito, matututuhan ng mga estudyante ang mga pariralang ito. Maaari mong hikayatin ang iyong mga estudyante na ipagpatuloy ang pag-aaral ng mga doctrinal mastery passage sa labas ng klase.

Paghahanda ng estudyante: Sabihin sa mga estudyante na pag-isipan at maging handa na talakayin ang anumang scripture passage na nakatulong sa kanila sa kanilang buhay.

Mga Posibleng Aktibidad sa Pag-aaral

Maaaring kailangang ituro ang isang doctrinal mastery passage lesson kapalit ng lesson sa pagrerebyu na ito. Tingnan ang iskedyul sa pagtuturo na ibinigay ng area o region director o coordinator upang matiyak na maituturo ang bawat doctrinal mastery passage lesson habang may klase sa seminary.

Paggamit ng mga banal na kasulatan upang ibahagi ang ebanghelyo

Isipin kunwari na isa sa mga kaibigan mo ay may mga tanong tungkol sa ilan sa iyong mga paniniwala bilang miyembro ng Ang Simbahan ni Jesucristo ng mga Banal sa mga Huling Araw, kabilang na ang iyong mga paniniwala tungkol kay Jesucristo, sa ating layunin sa lupa, at sa mga kautusan ng Diyos. Habang iniisip mo kung ano ang isasagot mo, nagpasya kang ipakita sa kanya ang mga banal na kasulatan mula sa Aklat ni Mormon upang makatulong sa pagsagot sa kanyang mga tanong.

• May naiisip ka bang mga makatutulong na talata mula sa Aklat ni Mormon na maipapakita mo sa iyong kaibigan?

• Paano makatutulong sa sitwasyong ito ang kaalaman sa mga doctrinal mastery passage at mahahalagang parirala nito?

Maaari mong itanong sa mga estudyante kung naranasan na nila ang ganitong mga sitwasyon at hilingin sa kanila na ibahagi ang naging karanasan nila. Maaaring gamitin ng mga estudyante ang kanilang paghahanda sa lesson bilang bahagi ng talakayang ito.

Ang lesson na ito ay makatutulong sa iyo na maisaulo ang mga reperensyang banal na kasulatan at mahahalagang parirala ng banal na kasulatan para sa mga doctrinal mastery passage na pag-aaralan mo ngayong taon. Ang pagsasaulo ng mga reperensyang banal na kasulatan at ng mga pariralang ito ay makatutulong sa iyong buhay at sa iyong mga pagsisikap na ibahagi ang iyong mga paniniwala sa iba. Nasa ibaba ang listahan ng unang 12 doctrinal mastery passage ng Aklat ni Mormon kasama ang mahahalagang parirala ng mga ito.

Upang matulungan kang malaman kung ilang doctrinal mastery passage ang bibigyang-diin sa lesson na ito, isipin ang oras na magagamit at ang mga pangangailangan ng mga estudyante. Ipakita ang sumusunod na chart upang magamit ito ng mga estudyante bilang sanggunian hanggang sa matapos nila ang kanilang mga card.

Unang 12 Doctrinal Mastery Passage at Mahahalagang Parirala

Reperensyang Banal na Kasulatan	Mahalagang Parirala ng Banal na Kasulatan
Reperensyang Banal na Kasulatan 1 Nephi 3:7	Mahalagang Parirala ng Banal na Kasulatan “Hahayo ako at gagawin ang mga bagay na ipinag-uutos ng Panginoon.”
Reperensyang Banal na Kasulatan 2 Nephi 2:25	Mahalagang Parirala ng Banal na Kasulatan “Si Adan ay nahulog upang ang tao ay maging gayon; at ang tao ay gayon, upang sila ay magkaroon ng kagalakan.”
Reperensyang Banal na Kasulatan 2 Nephi 2:27	Mahalagang Parirala ng Banal na Kasulatan “Sila ay malayang makapipili ng kalayaan at buhay na walang hanggan … o … [ng] pagkabihag at kamatayan.”
Reperensyang Banal na Kasulatan 2 Nephi 26:33	Mahalagang Parirala ng Banal na Kasulatan “Pantay-pantay ang lahat sa Diyos.”
Reperensyang Banal na Kasulatan 2 Nephi 28:30	Mahalagang Parirala ng Banal na Kasulatan Ang Diyos ay “magbibigay sa mga anak ng tao ng taludtod sa taludtod, ng tuntunin sa tuntunin.”
Reperensyang Banal na Kasulatan 2 Nephi 32:3	Mahalagang Parirala ng Banal na Kasulatan “Magpakabusog kayo sa mga salita ni Cristo; sapagkat masdan, ang mga salita ni Cristo ang magsasabi sa inyo ng lahat ng bagay na dapat ninyong gawin.”
Reperensyang Banal na Kasulatan 2 Nephi 32:8–9	Mahalagang Parirala ng Banal na Kasulatan “Kinakailangan kayong laging manalangin.”
Reperensyang Banal na Kasulatan Mosias 2:17	Mahalagang Parirala ng Banal na Kasulatan “Kung kayo ay nasa paglilingkod ng inyong kapwa-tao, kayo ay nasa paglilingkod lamang ng inyong Diyos.”
Reperensyang Banal na Kasulatan Mosias 2:41	Mahalagang Parirala ng Banal na Kasulatan “[Ang] mga yaong sumusunod sa mga kautusan ng Diyos … ay pinagpala sa lahat ng bagay.”
Reperensyang Banal na Kasulatan Mosias 3:19	Mahalagang Parirala ng Banal na Kasulatan “Hubarin ang likas na tao at maging banal sa pamamagitan ng pagbabayad-sala ni Cristo, ang Panginoon.”
Reperensyang Banal na Kasulatan Mosias 4:9	Mahalagang Parirala ng Banal na Kasulatan “Maniwala sa Diyos; … maniwala na taglay niya ang lahat ng karunungan.”
Reperensyang Banal na Kasulatan Mosias 18:8–10	Mahalagang Parirala ng Banal na Kasulatan “[Mag]pabinyag sa pangalan ng Panginoon, bilang saksi … na kayo ay nakikipagtipan sa kanya.”

Mga memory card

Iakma ang mga sumusunod na tagubilin batay sa mga doctrinal mastery passage na pag-aaralan sa lesson. Ang mga estudyanteng may access sa mga electronic device ay maaaring gumamit ng app o program upang magawa ang mga card. Kung hindi maka-access, magbigay ng dalawang piraso ng papel sa bawat estudyante para sa aktibidad na ito.

Mag-ukol ng oras na gumawa ng isang set ng mga memory card na magagamit mo sa buong taon. Isulat ang doctrinal mastery scripture reference sa isang bahagi ng bawat card at ang mahalagang parirala ng banal na kasulatan sa kabilang bahagi. Gumawa ng mga memory card para sa lahat ng 12 doctrinal mastery passage na nakalista sa chart.

Kung kailangan, gamitin ang mga sumusunod na tagubilin upang matulungan ka sa paggawa ng iyong mga memory card:

Maaari mong ipakita ang mga sumusunod na tagubilin upang matingnan ng mga estudyante habang ginagawa nila ang kanilang mga memory card.

Hakbang 1: Gumawa ng 12 card

Gamit ang buong bahagi ng isang papel, gumuhit ng isang linya sa gitna ng papel upang makagawa ng dalawang column. Pagkatapos ay gumuhit ng dalawang pahalang na linya sa papel upang lumikha ng tatlong kahon na may magkakaparehong sukat sa bawat column, na magbibigay sa iyo ng anim na kahon sa kabuuan. Tingnan ang sumusunod na larawan para sa halimbawa kung ano ang dapat na hitsura ng iyong papel:

Blankong talahanayan

Baligtarin ang papel at gawin din iyon sa bahaging ito. Ulitin ang prosesong ito sa isang hiwalay na papel upang makagawa ng 12 kahon na kailangan mo.

Hakbang 2: Isulat ang mga doctrinal mastery scripture reference sa isang bahagi

Sa isang bahagi ng dalawang papel mo, magsulat sa bawat kahon ng isang reperensyang banal na kasulatan mula sa chart. Bukod pa sa reperensyang banal na kasulatan, maaari ka ring magdrowing ng simpleng larawan na tutulong sa iyo na maalala ang mahalagang parirala ng banal na kasulatan.

Hakbang 3: Isulat ang mahahalagang parirala ng banal na kasulatan sa kabilang bahagi

Baligtarin ang iyong mga papel, at isulat sa bawat kahon ang mahalagang parirala ng banal na kasulatan na tumutugma sa reperensyang banal na kasulatan sa kabilang bahagi.

Hakbang 4: Gupitin ang iyong mga card

Gupitin ang bawat isa sa mga kahong ginawa mo upang maging mga card.

Maaari mong pagpartner-partnerin ang mga estudyante upang magamit ang kanilang mga card para masimulan ang pagsasaulo ng ilan o ng lahat ng doctrinal mastery scripture reference at mahahalagang parirala ng banal na kasulatan. Maaaring magsalitan ang mga estudyante sa pagtatanong sa isa’t isa, maaari nilang gamitin ang dalawang set ng mga card upang makapaglaro ng matching game o mapagtugma-tugma ang mga ito, o maaari silang mag-isip ng iba pang aktibidad.

Maaari mo ring ipabasa sa mga estudyante ang ilan o lahat ng doctrinal mastery passage na ito sa kanilang mga banal na kasulatan.

• Sa palagay mo, aling mga talata at mahahalagang parirala ng banal na kasulatan ang lubos na makatutulong kung maisasaulo mo ito? Bakit?

• Ano ang ilang katotohanan na itinuturo ng mga scripture passage na ito tungkol sa Tagapagligtas at sa Kanyang ebanghelyo?

first 12 doctrinal mastery chart