2 Nefia 4

Salamo nataon’i Nefia

Miatrika fakam-panahy ny olona rehetra ary misy fotoana mahatsiaro ho ketraka na kivy. Nahatsapa toy izany ihany koa i Nefia mpaminany. Taorian’ny niatrehany ny fahafatesan’i Lehia rainy sy niatrehany ireo rahalahiny tezitra, dia nanoratra momba ny sasany tamin’ireo fahatsapany lalina i Nefia. Nilaza ny hafaliany sy ny alahelony izy. Ny ohatra nataony dia nampiseho tamintsika ny fomba ahafahantsika mitodika amin’ny Tompo rehefa miatrika ny fanambin’ny fiainana an-tany isika. Ity lesona ity dia afaka manampy anao hamaly am-pahatokiana ny fakam-panahy sy fahakiviana amin’ny alalan’ny fitodihana amin’ny Tompo.

Manasa ny mpianatra hizara ny fahatsapany, ny zavatra niainany, ary ny fijoroana ho vavolombelona ananany. Afaka mandray anjara ny olona tsirairay ao amin’ny kilasy misy anao. Rehefa manampy ny mpianatra hizara ny fahatsapany, ny zavatra efa niainany ary ny fijoroana ho vavolombelona ananany ianao, dia afaka mitahy ny fiainan’ireo manodidina azy izy ireo. Afaka hankaherezin’ny Fanahy Masina ny olona rehetra ao amin’ny kilasy.

Fanomanana ny mpianatra: Hevero ny hanasa ny mpianatra hangataka an’ Andriamanitra hanampy amina fakam-panahy na fanamby atrehin’izy ireo.

Ireo asa azo atao ao anatin’ny fianarana

Ireo fanambin’ny fiainana an-tany

Fomba iray anombohana ny lesona ny mifanakalo hevitra amina fanamby eo amin’ny fiainana izay iraisan’ny rehetra. Ohatra, miatrika fakam-panahy isika rehetra ary misy fotoana mahatsiaro ho malahelo na kivy. Hevero ny hanome fotoana ny mpianatra hisaintsainy mangina ireto fanontaniana manaraka ireto. Azon’ny mpianatra atao ny manoratra ao amin’ny diary fandalinan’izy ireo ny fakam-panahy iray manokana na antony mety hahatsapan’izy ireo ho kivy.

• Nahoana araka ny hevitrao no alaim-panahy ny olon-drehetra ary misy fotoana mahatsiaro ho ketraka?

• Amina ambaratonga 1 hatramin’ny 10, ahoana no fahatsapanao fa voatantanao ireny fahasarotana ireny?

• Ahoana no mety hitahiana ny fiainanao raha mahavita mandresy fakam-panahy sy fahakiviana tsara kokoa ianao?

Salamo nataon’i Nefia

Vakio ny 2 Nefia 4:12–13, 18, hitadiavana ny sasany amin’ireo fanamby natrehin’i Nefia.

• Araka ny hevitrao dia inona no fahatsapana nananan’i Nefia naterak’ireo fanamby ireo?

Ireo andininy ao amin’ny 2 Nefia 4:16–35 dia matetika no antsoina hoe salamo nataon’i Nefia. Ny salamo dia “hira na tononkalo entanim-panahy” (Torolalana ho an’ny Soratra Masina, “Salamo,” scriptures.ChurchofJesusChrist.org). Ao amin’ireo andininy ireo, i Nefia dia nanoratra momba ny sasany tamin’ireo fahatsapana lalina nananany. Nozarainy ny fanamby natrehiny sy ny fomba nanaovany fihetsika namaly ny fakam-panahy sy fahakiviana. Rehefa mandalina ireo andininy ireo ianao, dia mitadiava aingam-panahy amin’ny alalan’ny Fanahy Masina mba hahalalana ny zavatra azonao atao amin’ireo fanamby manokana atrehinao.

Afaka mitadidy dingana efatra ianao mba hanampiana anao hampihatra ny soratra masina amin’ny fiainanao:

1. Tadiavo ireo antsipiriany manan-danja.

2. Manaova fampitahana amin’ny fiainanao.

3. Fantaro ireo lesona sarobidy.

4. Farito ny fampiharana ataon’ny tena manokana.

Omeo tahadikan’ny taratasy zaraina ny mpianatra mba hofenoin’izy ireo tsirairay avy. Safidy iray hafa azo atao ny mamita miaraka ny andalana roa voalohany ary avy eo mizara ny andalana telo farany amina vondrona ary manasa ny vondrona tsirairay hanao tatitra ny zavatra nianaran’izy ireo.

Azo atao ny mamporisika ny mpianatra hanoratra ny eritreritra sy fahatsapan’izy ireo manokana momba ireo andininy ireo ao amin’ny soratra masin’izy ireo.

© 2023 by Intellectual Reserve, Inc. All rights reserved. 2 Nefia 4:16–35. Hevero ny hanontany ny sasany amin’ireto fanontaniana manaraka ireto.

Ny sasany amin’ny fanambarana ao amin’ny fizarana hoe “Fanamarihana sy fampahalalana voarakitra” dia mety hanatsara ny fifanakalozan-kevitra.

Ny Salamo nataon’i Nefia sy Izaho (2 Nefia 4:16–35)

Bokin’i Môrmôna: Boky torolalana ho an’ny mpampianatra (2024)—”2 Nefia 4: Salamon’i Nefia”

	Ny zavatra niainan’i Nefia	Ny zavatra niainako
2 Nefia 4:16	Ny zavatra niainan’i Nefia Nanao ahoana ny fahatsapan’i Nefia?	Ny zavatra niainako Oviana aho no nanana fahatsapana mitovitovy amin’izany?
2 Nefia 4:17–19	Ny zavatra niainan’i Nefia Nanao ahoana ny fahatsapan’i Nefia?	Ny zavatra niainako Oviana aho no nanana fahatsapana mitovitovy amin’izany?
2 Nefia 4:20–25	Ny zavatra niainan’i Nefia Inona no traikefa niaraka tamin’ Andriamanitra nanampy an’i Nefia hamaly am-pahatokiana ny fakam-panahy sy fahakiviana nahazo azy?	Ny zavatra niainako Inona avy no traikefa ara-panahy azoko tadidina rehefa alaim-panahy na kivy aho?
2 Nefia 4:26–29	Ny zavatra niainan’i Nefia Karazana fisainana toy ny ahoana no nanampy an’i Nefia hatanjaka rehefa nahatsiaro ho alaim-panahy sy ho kivy?	Ny zavatra niainako Karazana fisainana toy ny ahoana no afaka manampy ahy hatanjaka rehefa nahatsiaro ho alaim-panahy sy kivy?
2 Nefia 4:30–35	Ny zavatra niainan’i Nefia Inona no manaitra ahy amin’ny vavak’i Nefia?	Ny zavatra niainako Ahoana no ahafahako mampihatra ny ohatra nataon’i Nefia amin’ny vavaka ataoko manokana?

• Andininy na andian-teny inona ao amin’ny 2 Nefia 4 no manan-danja indrindra aminao? Nahoana?

• Inona no ianaranao momba ny Mpamonjy avy amin’ny 2 Nefia 4?

• Ahoana no niantraikàn’ny fampitahana ny soratra masina amin’ny fiainanao tamin’ny fandalinanao ny 2 Nefia 4?

• Inona avy ireo fitsipika maromaro hitanao?

  Ao anatin’ny fifanakalozan-kevitra dia ampio hahita karazana fitsipika ny mpianatra. Ohatra:

  • Ny fitokiana amin’ny Tompo sy fahatsiarovana traikefa ara-panahy tany aloha dia afaka manampy ahy hamaly am-pahatokiana ny fakam-panahy sy fahakiviana.

  • Raha mivavaka amin’ Andriamanitra amin-kitsimpo aho, dia afaka mandray ny fanampiany rehefa alaim-panahy sy mahatsiaro ho kivy.

• Ahoana araka ny eritreritrao no ahafahan’ireo fitsipika ireo manampy anao hitodika amin’ny Tompo rehefa alaim-panahy na mahatsiaro ho kivy ianao?

Ny drafitra handreseko fakam-panahy sy fahakiviana

.

Mba hanampiana ny mpianatra hahita ny fomba nitodihan’ny hafa tamin’ny Tompo tao anatina fitsapana, dia hevero ny handefa ny iray amin’ireo horonan-tsary aroso ao amin’ny fizarana hoe “Sahanasa fianarana fanampiny”.

Hevero ny hanasa ny mpianatra hiresaka ny fotoana nitodihan’izy ireo tamin’ny Tompo tao anatina fotoan-tsarotra.

Araho ny ohatra nasehon’i Nefia ary soraty ny salamonao. Mety hanampy ny sasany amin’ireto fanontaniana manaraka ireto:

• Fitsipika, na fampianarana na andininy inona ao amin’ny 2 Nefia 4 no azonao ampiharina amin’ny fiainanao?

• Ahoana no hampiharanao izany eo amin’ny fiainanao?

• Ahoana araka ny hevitrao no hanampian’ny fanaovana izany anao hitodika amin’ny Mpamonjy?

• Rehefa mihasarotra ny fiainana, ahoana no ahafahanao mamaly am-pinoana ao amin’ny Mpamonjy?

Asao ihany koa ny mpianatra vonona mba hizara ny salamo nataony amin’ny iray kilasy. Hevero ny hizara ny fijoroana ho vavolombelona manokana anananao momba ny Mpamonjy. Mety hanampy ny hampahatsiahivana ny mpianatra fa hiatrika sakana izy ireo ary mila manao fanandramana miverimberina matetika mba handresena izany. Na izany aza, amin’ny alalan’ny fahasoavan’i Jesoa Kristy, dia afaka mandray ny tanjaka handresena na hiaretana ny zava-drehetra izy ireo.

Fanamarihana sy fampahalalana voarakitra

Ahoana no ahafahan’ny fitadidiana traikefa ara-panahy tany amin’ny lasa manampy ahy?

Nampianatra toy izao ny Loholona Neil L. Andersen ao amin’ny Kôlejin’ny Apôstôly Roambinifolo:

Ankoatra ny fitarihana mitondra fiadanana azontsika avy amin’ny Fanahy Masina, dia indraindray Andriamanitra mankahery manokana antsika tsirairay amin-kery fa hoe mahafantatra antsika Izy sady tia antsika ary mitahy antsika manokana sy mivantana. Avy eo, rehefa tonga ny fotoan-tsarotra dia mampitamberina ireo zavatra niainana ireo ao an-tsaintsika ny Mpamonjy.

Eritrereto araka izao manaraka izao ny zavatra niainanao ara-panahy. Mamakivaky ny fiainana isika ao anatin’ny vavaka tsy tapaka, sy ny fikirizana hitandrina hatrany ny fanekempihavanana nataontsika, ary miaraka amin’ny fanomezana ny Fanahy Masina. Rehefa manamaloka ny diantsika ny fotoan-tsarotra, na ny ahiahy, na ny hakiviana, na rehefa mahatonga antsika ho sahiran-tsaina amin’ny hoavy ny toe-draharaha eo amin’izao tontolo izao izay tsy azontsika fehezina, ireo fahatsiarovana ara-panahy nanamarika avy amin’ny bokin’ny fiainantsika dia toy ny vato mamirapiratra manampy manazava ny lalana eo anoloana, manome antoka antsika fa mahafantatra antsika Andriamanitra, sy tia antsika, ary nandefa an’i Jesoa Kristy Zanany hanampy antsika hiverina any an-tranontsika. (Neil L. Andersen, “Fahatsiarovana ara-panahy nanamarika ny fiainana,” Liahona, mey 2020, 19, 21)

Nampianatra toy izao ny Loholona Ronald A. Rasband ao amin’ny Kôlejin’ny Apôstôly Roambinifolo:

Mamporisika anareo aho amin’izao fotoana izao mba hahatsiaro, indrindra amin’ny fotoana isian’ny olana, ny fotoana nahatsapanareo ny Fanahy sy nananareo fijoroana ho vavolombelona matanjaka. Tsarovy ireo fototra ara-panahy naorinareo. (Ronald A. Rasband, “Fandrao hadinoinao,” Liahona, nôv. 2016, 114)

Ahoana no ahafahako mandresy fakam-panahy sy fahakiviana?

Nampianatra toy izao ny Loholona Jeffrey R. Holland ao amin’ny Kôlejin’ny Apôstôly Roambinifolo:

Rehefa miatrika fankam-panahy … isika amin’izao androntsika izao dia tsy maintsy manambara tahaka an’i Nefia zanany hoe: “tsy hanome toerana ho an’ny fahavalon’ny fanahiko intsony [aho]”2 Nefia 4:28]. Afaka manda ilay ratsy isika. Raha maniry mafy sy lalina an’izany isika, dia ho azo levilevena sy ho voalevilevin’ny hery manavotr’i Jesoa Kristy Tompo io fahavalo io. (Jeffrey R. Holland, “Place No More for the Enemy of My Soul,” Liahona, mey 2010, 46)

Nampianatra toy izao ny Loholona Allen D. Haynie ao amin’ny Fitopololahy:

Rahalahy sy ranabavy, raha toa ianao mahatsiaro ho kivy na manontany tena raha mba ho afaka hivoaka avy ao amin’ilay lavaka ara-panahy izay nohadianao, dia tsarovy anie hoe iza no mijoro “manelanelana antsika sy ny fahamarinana,” hoe iza no “heniky ny fangorahana ny zanak’olombelona,” ary hoe iza no nandray teo Aminy ny helotsika sy ny ny fandikan-dalantsika ary “nanefa ny fitakian’ny fahamarinana.” [Môzià 15:9]. Amin’ny teny hafa, tahaka izay nataon’i Nefia tamin’ny fotoana nampiahiahy azy, dia tsarovy fotsiny hoe “iza no nitokia[nao],” [2 Nefia 4:19], dia i Jesoa Kristy, ary avy eo dia mibebaha, ary avereno iainana indray “ny fanantenana mamirapiratra sy lavorary” [2 Nefia 31:20]. (Allen D. Haynie, “Mahatsiaro ilay nametrahantsika fitokiana,” Liahona, nôv. 2015, 123)

Ireo asa fanampiny atao ao anatin’ny fianarana

Horonan-tsary

Raha mampiasa io horonan-tsary io ianao dia hevero ny hampiseho ny tononkira ho an’ny mpianatra.

2 Nefia 4:17, 19. “Kanefa”

Sariho ho any amin’ilay teny hoe “kanefa” ao amin’ny 2 Nefia 4:17, 19 ny sain’ny mpianatra. Mariho ny fiovana amin’ny fahatsapana nasehon’i Nefia eo aloha sy aorian’io teny io. Ifanakalozy hevitra ny zavatra azon’ny mpianatra ianarana avy amin’ny zavatra niainan’i Nefia teo amin’ny fiainany sy ny ohatra nasehony.

2 Nefia 4:17. “Fadiranovana”

Mety hahazoan’ny mpianatra tombony ny fampitahana an’i Nefia sy ny Apôstôly Paoly. Jereo ny 2 Nefia 4:17–19; Romana 7:22–25; 2 Korintiana 12:7–10. Ifanakalozy hevitra ny fomba ahafahan’i Jesoa Kristy manampy antsika rehetra handresy ny fahalementsika. Mety hanampy ny hanantitranterana fa arakaraka ny anatonantsika ny Ray any An-danitra no mahatonga antsika ho mora azona fiviliana hiala amin’ny fahamarinana (jereo Bruce C. Hafen, “The Atonement: All for All,” Liahona, mey 2004, 97–99).

2 Nefia 4:15. “Ny fanahiko dia finaritra amin’ny soratra masina”

Asao hizara soratra masina mahafinaritra azy ny mpianatra. Azon’ny mpianatra atao ny manoratra ny toko sy andinin-tsoratra masina eny amin’ny solaitrabe sy mifanakalo hevitra momba ny antony maha-manan-danja ireo andininy ireo amin’izy ireo. Ankoatra izany, azo atao ny manasa ny mpianatra hizara andininy iray voafantina amin’ny fianakaviana na namana ao amina takarivam-pianakaviana, na anatina hafatra an-tsoratra, na amina tambajotran-tserasera.

2 Nefia 4:15–16. “Ny zavatry ny fanahiko”

Hevero ny hanasa ny mpianatra hieritreritra tsara sy hanoratra ny zavatry ny fanahiny. Hanombohana io sahanasa io, dia mety ho azonao atao ny mizara ity teny nambaran’ny Loholona Ronald A. Rasband ao amin’ny Kôlejin’ny Apôstôly Roambinifolo izay nilazany ny tenin’i Nefia ity:

“-Indro ny fanahiko dia finaritra amin’ny zavatry ny Tompo; ary ny foko misaintsaina lalandava ny zavatra izay efa hitako sy reko- [2 Nefia 4:16; nampiana fanamafisana].

“Ireo tenin’i Nefia dia mitondra any amin’ilay fanontaniana hoe -Inona no zavatra saintsaininao?- -Inona no zavatra tena manan-danja aminao?- -Inona avy ireo zavatry ny fanahinao?-” (“Ny zavatry ny fanahiko,” Liahona, nôv. 2021, 39).

Ny salamon’i Nefia an-kira

Ireo teny ao amin’ny salamo nataon’i Nefia dia efa natao mozika ary hiraina amina fihaonambe maneran-tany. Hevero ny handefa ilay hira ao am-pianarana ary hanasa ny mpianatra hampitaha ny teny ao amin’ilay hira amin’ireo fahatsapana sy eritreritra aseho ao amin’ny 2 Nefia 4:16–35. Mba hanaovana izany dia jereo ny fivoriamben’ny fisoronana maneran-tany tamin’ny aprily 2007 manomboka amin’ny kaodim-potoana 1:46:17 hatramin’ny 1:51:18.