Алма 7:14–27

“Бурханы хаант улс тийш удирдах зам”

Бошиглогчид ихэвчлэн “давчуу бөгөөд нарийн зам” (2 Нифай 31:19), “гэрээний зам” эсвэл “Бурханы хаант улс тийш удирдах зам” (Алма 7:19) гэж дурддаг. Гидеоны хүмүүс энэ замаар явж буйг Алма танин мэдэж, тэдэнд энэ замаа хэрхэн цааш үргэлжлүүлж, Бурхантай илүү адил болохыг заасан. Энэ хичээл Бурхан руу удирдах замыг дагаж, Христийнхтэй адил зан чанарыг олж авах хичээл зүтгэлд тань туслах зорилготой.

Хайр, хүндэтгэлийн мэдрэмжийг бий болго Суралцагчдыг ангийн гишүүн бүрд Христийнхтэй адил хайр болон сайшаалыг илэрхийлэхэд урамшуулан дэмж. Үүнийг хийх нь эсэргүүцэж буй ангийн гишүүдийн зүрх сэтгэлийг зөөлрүүлж чадна.

Суралцагчийн бэлтгэл: Суралцагчдыг бүрэн гүйцэд хөгжүүлмээр байгаа Христийнхтэй адил зан чанарын талаар бодож, яагаад гэдгээ хуваалцах бэлтгэлтэй ирэхэд урь.

Боломжит суралцах үйл ажиллагаа

Дагаж явах зам

Дараах асуултыг тавихдаа дараах (эсвэл өөр ижил төстэй) зургийг үзүүл.

• Дагаж явах замтай байхын давуу тал юу вэ?

“Өдөр тутмын сэргээлт” видеог цагийн код 1:40-өөс 3:25 хүртэл үзээд, Арван хоёр төлөөлөгчийн чуулгын ахлагч Дийтр Ф.Угдорфын замгүй эсвэл үнэн зөв тэмдэглэгээгүй замаар аялж яваа хүмүүст юу тохиолдох талаар тайлбарлахыг сонс. Видеог эндээс үзнэ үү ChurchofJesusChrist.org.

Алма Есүс Христийн амьдрал ба Цагаатгалын талаар Гидеоны хүмүүст бошиглосныхоо дараа тэдэнд урмын үг хуваалцав.

Алма 7:19–20-ийг уншаад, Бурханы тухай, Түүний зам болон Гидеоны хүмүүсийн талаар Алмагийн юу хэлснийг үзнэ үү.

19-р шүлэг дэх “Бурханы хаант улс тийш удирдах зам” гэсэн хэллэгийг тэмдэглэж ав. Өнөөдөр та энэ замын талаар илүү ихийг сурч мэдэх болно.

• Та өөрийгөө Бурханы хаант улс тийш удирдах зам дээр байгаа гэдгээ хэрхэн мэдэж чадна гэж бодож байна вэ?

Дараах зургийг самбарт зурж, “Бурханы хаант улс тийш удирдах зам” гэж гарчиг тавь. Суралцагчдыг мөн судлах тэмдэглэл дээрээ ижил төстэй зураг зурахад урь.

Дараахтай ижил зургийг самбарт зурж, “Бурханы хаант улс тийш удирдах зам” гэж гарчиг тавь.

Бурханы хаант улс тийш удирдах замыг ихэвчлэн давчуу бөгөөд нарийн зам эсвэл гэрээний зам гэж дурддаг. Есүс Христийн үлгэр жишээ мөн сургаалыг дагаснаар бид энэ зам дээр гардаг. Энэ замаар үргэлжлүүлэн алхах нь биднийг мөнхийн амьдрал руу хөтөлдөг ( 2 Нифай 31:19–20-ийг үзнэ үү).

Судлах явцдаа өөрийгөө Бурханы хаант улс тийш удирдах зам дээр байгаа эсэхээ тунгаан бод. Энэ замын талаар мөн үүнийг дагаснаар Их Эзэний танд өгөх адислалуудыг илүү сайн ойлгоход туслах сургаалуудыг олж мэд.

“Бурханы хаант улс тийш удирдах зам”

Алма биднийг Бурханы оршихуй руу эргэж очиход хөтлөх бидний хийж болох үйлдлүүдийг тодорхойлсон.

Алма 7:14–16-г уншаад, зурсан зураг дээрх замынхаа дээр эсвэл хажууд эдгээр үйлдлийг тэмдэглэ.

• Эдгээр шүлэг Бурхан тийш удирдах зам дээр байх нь ямар утга учиртай болохыг ойлгоход тань хэрхэн тусалсан бэ?

Цөөн хэдэн суралцагчид өмнөх асуултын хариултаа самбарт бичих боломж олго. Эдгээр суралцагч бусдыгаа босож ирээд, самбар дээрх өөрт чухал гэж санагдсан хариултаа тойруулан дугуйлахад урьж болно. Хариулт дугуйлсан суралцагчдаас яагаад үүнийг биднийг Бурханы оршихуй руу эргэж очиход туслах ач холбогдолтой үйлдэл гэж үзэж байгаагаа тайлбарлахыг хүсэж болно.

Бид эдгээр шүлгээс бид наманчилж, Бурхантай гэрээ байгуулж, Есүс Христийн сайн мэдээний ёслолуудыг хүлээн авснаар Бурханы хаант улс тийш удирдах замыг дагадаг гэсэн нэг үнэнийг сурч мэдэж болно.

• Эдгээр үйлдэл биднийг Бурханы оршихуй руу эргэж очихоор бэлтгэхэд хэрхэн тусалдаг вэ?

• Бурханы замыг дагаснаар бид энэ амьдралдаа ямар адислалыг амсаж болох вэ?

Суралцагчдыг Бурханы замыг дагаснаар хүлээн авсан адислалуудаа хуваалцахад урь. Та мөн өөрийн амьдралын жишээнээс хуваалцаж болно.

Христийн замаар алхахдаа Түүнийхтэй адил зан чанаруудыг хөгжүүлэх нь

Арван хоёр төлөөлөгчийн чуулгын ахлагч Дэйл Г.Рэнланд Бурханы гэрээний замыг дагаснаар ирэх нэг адислал бол “Биднийг Түүнтэй адил болоход хүргэдэг” гэж тайлбарласан (“Өнөөдөр өөрсдөдөө сонго,” 2018 оны 10-р сарын Ерөнхий чуулган, 106).

Аврагчийн дараах зургуудыг харна уу. Зураг тус бүр дээр харагдаж буй Түүний зан чанаруудын талаар бод.

Суралцагчдаас дараах асуултуудыг асуухдаа Аврагчийн эдгээр (эсвэл таны сонгосон бусад) зургийг үзүүл. Та асуулт асуухаасаа өмнө өөрийн хамгийн их биширдэг, Есүс Христийн зан чанаруудыг хуваалцаж болно.

• Та Есүс Христийн ямар зан чанарыг хамгийн ихээр биширдэг вэ? Яагаад?

• Та ямар арга замаар Аврагчтай илүү адил байхыг хүсдэг вэ? Үүнийг юу хэцүү болгож байна вэ? Бид эдгээр бэрхшээлийг хэрхэн Их Эзэний тусламжтай даван туулах вэ?

• Та Түүн шиг болох агуу хүслийг хэзээ мэдэрсэн бэ? Үүнийг та амьдралдаа ямар тохиолдлоор мэдэрсэн бэ?

Бурханы хаант улс тийш удирдах замаар алхаж байхдаа олж авахыг хичээх ёстой зарим Христийнхтэй адил зан чанарыг Алма тодорхойлсон.

Алма 7:22–25-ыг уншаад, Христийнхтэй адил зан чанар, зан үйлийг хэлсэн эсвэл дүрсэлсэн хэсгийг хайж ол. Тэдгээрийг судар дээрээ тэмдэглэ. Мөн та зурсан зураг дээрх замынхаа дээр эсвэл хажууд эдгээр зан чанар, зан үйлийг жагсааж бичиж болно.

Дараах үйл ажиллагаа нь суралцагчдад Алма 7:22–25-д дурдсан Христийнхтэй адил зан чанаруудын талаар илүү суралцахад мөн эдгээр зан чанараас нэгийг эсвэл олныг хөгжүүлэх төлөвлөгөө гаргахад туслах зорилготой. Хичээл эхлэхээс өмнө та энэ үйл ажиллагааг өөрөө хийж гүйцэтгэсэн байх нь тустай бөгөөд суралцагчдыг хийх үед туслахад илүү бэлтгэлтэй болох юм. Энэ үйл ажиллагааг хийж дуусгах хангалттай цагийг суралцагчдад гаргаж өг.

Дараах заавруудыг үзүүл.

Алма 7:22–25-д дурдсан Тэнгэрлэг Эцэгийн танаас хөгжүүлэхийг хүсэж буй зан чанарыг залбирч сонгоод, дараа нь дараах үйл ажиллагаануудыг хийж гүйцэтгэ. Зургийнхаа дээр эсвэл судлах тэмдэглэлийнхээ аль нэг хэсэгт ойлголтоо тэмдэглэ.

1. Энэ зан чанарын талаар илүү их судал. Үүнийг хийхэд туслуулахын тулд Судруудын удирдамж-ийг судрын эх сурвалж болгон ашигла. Сурч мэдсэн зүйлээ тэмдэглэж бич.

2. Сонгосон зан чанараа хөгжүүлэхэд тулгарч буй саад бэрхшээлийг жагсаан бич мөн Бурхан яагаад таныг эдгээр саад бэрхшээлийг туулахыг хүлээн зөвшөөрдөг талаар бод.

3. Энэ зан чанарыг олж авсны дараа таны амьдрал илүү сайхан болох хоёр эсвэл гурван өөр арга замыг жагсааж бич.

4. Аврагч энэ зан чанараа үлгэрлэн харуулсан Түүний амьдралын жишээг тодорхойл. Өөр, Христийнхтэй адил зан чанарыг үлгэрлэн харуулсан таны таних хэн нэгний амьдралын жишээг жагсааж бич.

5. Та энэ зан чанарыг хөгжүүлэхийг хичээх үедээ Бурханы тусламжийг урих нэг эсвэл олон үйлдлээ тодорхойл. Тухайн үйлдлээ амьдралдаа хэрхэн хэрэгжүүлэх талаар төлөвлөгөө гарга. Энэ үйлдлийг хэрэгжүүлэхийн тулд хичээх нэг арга бол өдөр тутмын залбиралдаа Тэнгэрлэг Эцэгтэй ахиц дэвшлийнхээ талаар ярилцаж, өөрт дутуу санагдсан үедээ Түүнээс тусламж хүсэх явдал юм.

Суралцагчдыг жижиг бүлгүүдэд хуваарил. Бүлгийн хүн бүр сонгосон зан чанарынхаа талаар юу сурч мэдэж, мэдэрснээ мөн яагаад хөгжүүлэхийг хүсэж буйгаа товч тайлбарлаж болно. Өөрөөр тэд сонгосон зан чанараа, Аврагчийн эсвэл өөрсдийн таньдаг хэн нэгний амьдралын жишээнээс хуваалцаж болно. Суралцагчдыг төлөвлөгөөгөө хэрэгжүүлэхэд нь урамшуулан дэмж. Тэнгэрлэг Эцэг, Есүс Христ хоёр тэдний хичээл зүтгэлд тусална гэдгийг гэрчил.

Тайлбар ба нөхцөл байдлын талаарх мэдээлэл

Яагаад Бурханы хаант улс тийш удирдах замыг мөн “гэрээний зам” гэж дурддаг вэ?

Арван хоёр төлөөлөгчийн чуулгын ахлагч Д.Тодд Кристоффэрсон ийн тайлбарласан.

Гэрээний зам гэж юу вэ? Энэ бол биднийг байгаа газраас маань Бурханы селестиел хаант улс руу удирдан чиглүүлдэг зам юм. Бид баптисм хүртэхдээ уг зам дээр гардаг бөгөөд дараа нь “эцсээ хүртэл … найдварын төгс гэрэлтэйгээр, мөн Бурханыг болон бүх хүмүүнийг хайрлах [агуу хоёр зарлиг] хайрыг агуулан Христэд тууштайгаар итгэ[дэг]” [2 Нифай 31:20]. Үнэндээ мөнх бус амьдралын дараа ч үргэлжлэх гэрээний замын туршид бид аврал, өргөмжлөлтэй холбоотой бүх ёслол, гэрээг хүлээн авдаг. (Д.Тодд Кристоффэрсон, “Яагаад гэрээний зам гэж?,” 2021 оны 4-р сарын Ерөнхий чуулган, 120)

Би хэрхэн Христийнхтэй адил зан чанарыг хөгжүүлж чадах вэ?

 

Далын ахлагч Линн Г.Роббинс ийн тайлбарласан.

Христийнхтэй адил зан чанарууд нь Бурханы бэлэг бөгөөд Түүний тусламжгүйгээр хөгжүүлэх боломжгүй тул гэр бүлээрээ болон хувийн залбирлаараа эдгээр бэлгийн төлөө залбир. (Линн Г.Роббинс, “Эрэгтэйчүүд болон эмэгтэйчүүд ямархуу маягийн хүмүүс байвал зохих билээ?,” 2011 оны 4-р сарын Ерөнхий чуулган, 111)

Далын ахлагч Л.Витни Клэйтон эдгээр ойлголтыг нэмж хэлсэн.

Христийн зан чанарыг гэрээний зам дээр зорилго тавин урагшилснаар “цаг хугацааны явцад” [Мосе 7:21] олж авдаг. Сайн сайхан амьдрахыг хичээдэг хүмүүсийн амьдралыг Христийнхтэй адил зан чанарууд чимдэг. Гэр орны шал гантигаар эсвэл шавраар хийгдсэн эсэхээс үл хамааран, эдгээр зан чанар гэр орныг сайн мэдээний гэрлээр дүүргэдэг. Та өрх гэртээ ганцаараа “эдгээр зүйлийг эрэлхийлэх” [Итгэлийн тунхаг 1:13] зааврыг дагадаг байсан ч гэр орныхоо сүнслэг тохижилтод хувь нэмрээ оруулж чадна. (Л.Витни Клэйтон, “Хамгийн сайхан гэр орон,” 2020 оны 4-р сарын Ерөнхий чуулган, 130)

Нэмэлт суралцах үйл ажиллагаа

Наманчлал, ёслолууд болон гэрээний зам

Тодруулсан үнэнийг тодорхойлсны дараа, суралцагчдад наманчлал, ёслолууд, гэрээний замын ач холбогдлыг тайлбарлах боломж олго. Суралцагчид наманчлах гэдэг нь ямар утгатай болохыг, Христийн сайн мэдээний ёслолууд гэж юу болох мөн эдгээр нь яагаад чухал болохыг Сүмийн гишүүн бус хүнд тайлбарлаж байгаагаар дүрд тоглож болно.

Суралцагчдад тусламж хэрэгтэй бол тэд Судруудын удирдамжаас “Наманчлах, Наманчлал”, “Ёслол” хэсгүүдийг лавлаж харж болно.

Алма 7-г 2 Нифай 31-тэй харьцуул.

Суралцагчдад Бурханы хаант улс тийш удирдах замын талаар илүү ихийг судлах нь ашигтай байвал дараах үйл ажиллагааг хий.

Суралцагчдыг дараахтай адил хүснэгт зурахад урь:

2 Нифай 31:13–21 тус замын талаарх тодорхойлолт ба хэрхэн энэ замд үлдэх тухай	2 Нифай 31:13–21 тус замын талаарх тодорхойлолт ба хэрхэн энэ замд үлдэх тухай

Суралцагчдыг хоёр хоёроороо ажиллахад урь. Нэг хамтрагч нь Алма 7-г, нөгөө хамтрагч нь 2 Нифай 31-ийг судалж болно. Тэд тус бүрдээ хүснэгтийнхээ тохирох хэсгийг бөглөж болно. Тэднийг дуусах үед, аль нэг нь хүснэгтийнхээ зохих талыг хуваалцаж байх хооронд нөгөөх нь хамтрагчийнхаа юу хуваалцаж байгааг тэмдэглэж болно. Хангалттай хугацаа өнгөрсний дараа суралцагчдыг энэ үйл ажиллагааг хийснээр Аврагчийн тухай мөн Түүний замын талаар сурч мэдсэн зүйлээ ангийнхантайгаа хуваалцахад урь. Тэднийг давчуу бөгөөд нарийн зам дээр гарах эсвэл үлдэхийн тулд хийж чадах нэг зүйлийг тодорхойлоход урь.