Alma 8–12

Kinatibuk-ang Pagpasabot

Si Alma ug Amulek migamit og hugot nga pagtuo ug mitawag sa mga katawhan sa Ammonihah aron maghinulsol. Sila gisukmatan sa mga tawo nga migamit og pagpanglimbong aron sa pagsulay sa pagpugong kanila, ug ang Balaang Espiritu ang mipahibalo kanila sa panglimbong. Sa dihang ang manlalaban [lawyer] nga si Zeezrom misugod sa pagpangutana kang Alma ug Amulek og sinsero nga mga pangutana, si Alma mitudlo nga kadtong dili mopatig-a sa ilang mga kasingkasing makakat-on sa mga butang sa Dios. Gitudlo usab niya ang plano sa katubsanan ug gidasig ang mga tawo sa pagsusi sa ilang mga kasingkasing.

Pangandam sa Pagtudlo

Ang mosunod nga impormasyon naghatag sa mga magtutudlo og mga ideya kon unsa ang kinahanglan nga andamon daan alang sa matag leksiyon.

Alma 8

Katuyoan sa leksiyon: Kini nga leksiyon makatabang sa mga estudyante nga mamati ug mosunod sa Langitnong Amahan diha sa ilang kinabuhi.

• Pagpangandam sa estudyante: Dapita ang mga estudyante sa pag-ampo ug sa pagpangutana sa Langitnong Amahan kon unsay Iyang gusto nga ilang buhaton aron makasunod Kaniya sa mas hingpit nga paagi.

• Mga Bidyo: “Si Alma ug Amulek Naluwas pinaagi sa Gahom sa Dios” (22:56; tan-awa gikan sa time code 0:36 hangtod sa 2:22 ug dayon gikan sa 2:22 hangtod sa 4:03); “Ang Pagtuo Dili pinaagi sa Sulagma, apan pinaagi sa Pagpili” (15:01; tan-awa gikan sa time code 1:40 hangtod sa 4:25)

• Sugyot sa pagtudlo pinaagi sa videoconference: Ikonsiderar ang pagdapit sa mga estudyante sa pagpiyong sa ilang mga mata, pagpaminaw, ug paghanduraw samtang imong gipatugtog ang audio gikan sa “Si Alma ug Amulek Naluwas pinaagi sa Gahom sa Dios” gikan sa time code 2:22 hangtod sa 4:03. Mahimo nimong dapiton ang mga estudyante sa paghulagway kon unsay ilang nahanduraw.

Alma 9

Katuyoan sa leksiyon: Kini nga leksiyon gituyo aron matabangan ang mga estudyante nga makaila ug makahinumdom sa mga panalangin nga gihatag sa Ginoo kanila.

• Pagpangandam sa estudyante: Ikonsiderar ang pagdapit sa mga estudyante sa paggahin og usa o duha ka minuto sa pagsulat og pipila ka mga ehemplo sa mga panalangin nga ilang nadawat gikan sa Langitnong Amahan ug ni Jesukristo.

• Sulod [Content] nga ipakita: Ang tsart nga nagtandi sa mga Lamanite ngadto sa mga katawhan sa Ammonihah, gipakita o gikopya diha sa pisara; ang mga pangutana ubos sa ulohan nga “Unsa ang nahatag sa Ginoo kanimo” aron pamalandongan sa mga estudyante

• Sugyot sa pagtudlo pinaagi sa videoconference: Sa pagtapos sa leksiyon, ikonsiderar ang pagdapit sa mga estudyante sa paghisgot mahitungod sa pipila sa ilang mga panalangin ug usa ka paagi nga ilang paningkamotan ang paghinumdom niini. Mahimo kang mopili og usa ka estudyante nga tigdumala ug dapita siya sa pagtawag sa ubang mga estudyante sa han-ay nga makita sa screen sa estudyante. Klaroha nga ang mga estudyante mahimong mobalibad niini nga kahigayonan kon sila mobati nga dili komportable. Ikonsiderar usab ang pagpakigbahin sa imong mga hunahuna.

Alma 10–11

Katuyoan sa leksiyon: Kini nga leksiyon makatabang sa mga estudyante nga mahimong mas mamimaw sa Balaang Espiritu aron makahibalo sa kamatuoran ug makaila sa malipoton nga mga pagpanglingla sa kaaway.

• Pagpangandam sa estudyante: Dapita ang mga estudyante sa pagpamalandong og mga paagi nga si Satanas mahimong mosulay sa paglingla kanila.

• Sulod [Content] nga ipakita: Ang tsart bahin sa sayop nga mga pagtulun-an, gipakita o gikopya diha sa pisara

• Materyal alang sa mga estudyante (opsiyonal): Usa ka sinulat nga gibase sa Alma 11:26–37, 40–41, gihatag ngadto sa duha ka estudyante aron ilang mabasa o madrama ang panagsultihanay tali ni Amulek ug Zeezrom (Kon pilion nimo kini nga opsiyon, tangtanga ang mga hugpong sa mga pulong sama sa “Karon si Zeezrom miingon” [Alma 11:28] ug “Ug siya mitubag” [Alma 11:29].)

• Bidyo: “Pagbantay sa Dautan luyo sa Nagpahiyom nga mga Mata” (9:52; tan-awa gikan sa time code 0:30 hangtod sa 2:35)

• Sugyot sa pagtudlo pinaagi sa videoconference: Aron matabangan ang mga estudyante nga makasabot kon unsa ang gisulay ni Zeezrom pagsuhol kang Amulek, ikonsiderar ang pagdapit kanila sa pagpangita diha sa internet aron mahibalo kon pila ang mahimong kita sa usa ka tawo nga adunay dako og suweldo nga trabaho, sama sa usa ka manlalaban [lawyer], sa inyong komunidad sa pagtrabaho og unom ka semana.

Alma 12

Katuyoan sa leksiyon: Kini nga leksiyon makatabang sa mga estudyante sa pagsusi sa ilang mga kasingkasing ug sa ilang kaandam sa pagdawat sa pulong sa Dios.

• Pagpangandam sa estudyante: Ikonsiderar ang paghatag sa mga estudyante og kopya sa pagsukod sa kaugalingon niini nga leksiyon. Dapita sila sa pagsukod sa ilang mga kaugalingon ug sa pagpamalandong kon sa unsang paagi ang ilang mga tubag makaapekto kanila.

• Mga materyal alang sa mga estudyante: Kulonon [clay] aron panghulma sa mga estudyante og usa ka butang nga makatabang nila sa paghunahuna mahitungod sa tig-a nga mga kasingkasing ug humok nga mga kasingkasing (Ang paghatag sa pipila ka mga estudyante og uga o gahi nga yutang kulonon [clay] mahimong makatabang sa panaghisgotan mahitungod sa kalainan tali sa tig-a nga kasingkasing ug sa humok.)

• Mga Hulagway: Mga drowing sa humok nga kasingkasing ug tig-a nga kasingkasing diha sa pisara (Mahimo kang magdugang og mga mubo nga sulat niini nga mga drowing sa tibuok leksiyon.)

• Sugyot sa pagtudlo pinaagi sa videoconference: Ikonsiderar ang pagdapit daan og pipila ka mga estudyante sa pag-andam sa pagpakita og usa ka humok nga butang ug usa ka gahi nga butang gikan sa palibot sa ilang mga panimalay. Hangyoa kini nga mga estudyante sa pagpasabot kon sa unsang paagi kini nga mga butang makatabang kanila nga makasabot sa kamahinungdanon sa pagbaton og humok nga kasingkasing ug paglikay sa pagpatig-a sa ilang mga kasingkasing.

Rebyo 11 sa Doktrinal nga Kahanas

Katuyoan sa leksiyon: Kini nga leksiyon gituyo aron matabangan ang mga estudyante sa pagsag-ulo sa mahinungdanon nga mga hugpong sa mga pulong sa kasulatan gikan sa unang 12 ka mga tudling sa doktrinal nga kahanas sa Basahon ni Mormon ug magtinguha og dugang nga pagsabot pinaagi sa pagpangutana ug pagtubag sa dinasig nga mga pangutana.

• Pagpangandam sa estudyante: Dapita ang mga estudyante sa pagpili og usa gikan sa unang 12 ka mga tudling sa doktrinal nga kahanas nga gusto nilang makat-onan pa. Awhaga sila sa pagtambong sa klase nga andam sa pagpakigbahin sa tudling nga ilang gipili ug labing menos usa ka pangutana nga ilang gibati nga makatabang kanila nga makat-on og dugang mahitungod niana nga tudling.

• Handout: “Unang 12 ka mga Tudling sa Doktrinal nga Kahanas ug ang Mahinungdanon nga Hugpong sa mga Pulong”

• Sugyot sa pagtudlo pinaagi sa videoconference: Ikonsiderar ang pagdapit sa mga estudyante nga ipakigbahin diha sa chat ang tudling sa doktrinal nga kahanas nga ilang gipili ug usa sa mga pangutana nga ilang nahunahunaan. Mahimo dayon nimo silang dasigon sa pagtubag sa mga pangutana sa usag usa.