ព្រះគម្ពីរមរមន សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា ( ឆ្នាំ ២០២៤ )

មាតិកា
ទំព័រចំណងជើង
សេចក្តីផ្តើមនៃ ព្រះគម្ពីរមរមន សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា
ព្រះគម្ពីរមរមន—ឯកសារណែនាំ
ទំព័របុព្វកថានៃព្រះគម្ពីរមរមន
នីហ្វៃទី ១ ១–៥
នីហ្វៃទី១ ៦–១០
នីហ្វៃទី ១ ១១–១៥
នីហ្វៃទី ១ ១៦–២២
នីហ្វៃទី ២ ១–២
នីហ្វៃទី ២ ៣–៥
នីហ្វៃទី ២ ៦–១០
នីហ្វៃទី ២ ១១–១៩
នីហ្វៃទី ២ ២០–២៥
នីហ្វៃទី ២ ២៦–៣០
នីហ្វៃទី ២ ៣១–៣៣
យ៉ាកុប ១–៤
យ៉ាកុប ៥–៧
អេណុស–ពាក្យសម្ដីនៃមរមន
ម៉ូសាយ ១–៣
ម៉ូសាយ ៤–៦
ម៉ូសាយ ៧–១០
ម៉ូសាយ ១១–១៧
ម៉ូសាយ ១៨–២៤
ម៉ូសាយ ២៥–២៨
ម៉ូសាយ ២៩–អាលម៉ា ៤
អាលម៉ា ៥–៧
អាលម៉ា ៨–១២
អាលម៉ា ១៣–១៦
អាលម៉ា ១៧–២២
អាលម៉ា ២៣–២៩
អាលម៉ា ៣០–៣១
អាលម៉ា ៣២–៣៥
អាលម៉ា ៣៦–៣៨
អាលម៉ា ៣៩–៤២
អាលម៉ា ៤៣–៥២
អាលម៉ា ៥៣–៦៣
ហេលេមិន ១–៦
ហេលេមិន ៧–១២
ហេលេមិន ១៣–១៦
នីហ្វៃទី៣ ១–៧
នីហ្វៃទី ៣ ៨–១១
នីហ្វៃទី ៣ ១២–១៦
នីហ្វៃទី ៣ ១៧–១៩
នីហ្វៃទី ៣ ២០–២៦
នីហ្វៃទី ៣ ២៧–នីហ្វៃទី ៤ ១
មរមន ១–៦
មរមន ៧–៩
អេធើរ ១–៥
អេធើរ ៦–១១
អេធើរ ១២–១៥
មរ៉ូណៃ ១–៦
មរ៉ូណៃ ៧–៩
មរ៉ូណៃ ១០
ឧបសម្ព័ន្ធ

ការរំឭកចំណេះចំណានខាងគោលលទ្ធិទី ១៧ ៖ ទន្ទេញសេចក្ដីយោង និងឃ្លាបទគម្ពីរគន្លឹះ

« ការរំឭកចំណេះចំណានខាងគោលលទ្ធិទី ១៧ ៖ ទន្ទេញសេចក្ដីយោង និងឃ្លាបទគម្ពីរគន្លឹះ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )

« ការរំឭកចំណេះចំណានខាងគោលលទ្ធិទី ១៧ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន

ការរំឭកចំណេះចំណានខាងគោលលទ្ធិទី ១៧

ទន្ទេញសេចក្ដីយោង និងឃ្លាបទគម្ពីរគន្លឹះ

ការចងចាំសេចក្ដីយោងបទគម្ពីរ និងអ្វីដែលបទគម្ពីរទាំងនោះបង្រៀនអាចផ្ដល់ពរជ័យដល់ជីវិតអ្នកនៅតាមរបៀបជាច្រើន ។ គោលបំណងនៃមេរៀននេះគឺដើម្បីជួយអ្នកឲ្យទន្ទេញសេចក្ដីយោងបទគម្ពីរជាច្រើន និងឃ្លាបទគម្ពីរគន្លឹះមកពីវគ្គបទគម្ពីរចំណេះចំណានខាងគោលលទ្ធិទាំង ១២ ចុងក្រោយនៅក្នុងព្រះគម្ពីរមរមន ។⁠

សូមជួយសិស្សឲ្យទន្ទេញឃ្លាបទគម្ពីរគន្លឹះ ។នៅពេលសិស្សទន្ទេញសេចក្ដីយោងបទគម្ពីរ និងឃ្លាបទគម្ពីរគន្លឹះ ពួកគេទំនងជាចងចាំ និងប្រើវានៅពេលចែកចាយដំណឹងល្អ ។ សូមប្រើវិធីសាស្ត្រទន្ទេញផ្សេងៗទៀតដែលមានដូចជា ការសូត្រដដែលៗ ការលេងល្បែងសាមញ្ញៗ ឬប្រើប័ណ្ណរំឭកការចងចាំ ដើម្បីធ្វើឲ្យទន្ទេញកាន់តែមានភាពរីករាយ ។

ការរៀបចំសិស្ស ៖ សូមអញ្ជើញសិស្សឲ្យគិតរឿងនានានៅក្នុងជីវិតរបស់ពួកគេដែលពួកគេបានទន្ទេញចាំ ។ តើពួកគេអាចទន្ទេញចាំរឿងទាំងនេះបានដោយរបៀបណា ហើយតើវាបានជួយពួកគេដោយរបៀបណា ?

សកម្មភាពរៀនសូត្រដែលអាចមាន

មេរៀនវគ្គបទគម្ពីរចំណេះចំណានខាងគោលលទ្ធិ អាចនឹងត្រូវបង្រៀនជំនួសឲ្យមេរៀនរំឭកឡើងវិញនេះ ។ សូមមើលតារាងកាលវិភាគដែលនាយកប្រចាំតំបន់ ឬអ្នកសម្របសម្រួលប្រចាំភូមិភាគផ្តល់ឲ្យ ដើម្បីធានាថាមេរៀនវគ្គបទគម្ពីរចំណេះចំណានខាងគោលលទ្ធិនីមួយៗនឹងត្រូវបានបង្រៀននៅក្នុងអំឡុងពេលដែលថ្នាក់សិក្ខាសាលាកំពុងសិក្សា ។

ការទន្ទេញ

ខាងក្រោមនេះអាចជួយសិស្សឲ្យចាប់ផ្តើមគិតយ៉ាងឆាប់រហ័សអំពីការទន្ទេញបទគម្ពីរ ។

ជាជម្រើសផ្សេងៗ សិស្សអាចចែកចាយអ្វីមួយដែលពួកគេបានទន្ទេញចាំ ( ដូចជាសម្រង់មកពីខ្សែភាពយន្ត ទំនុកបទចម្រៀង អាសយដ្ឋាន ជាដើម ) ហើយពិភាក្សាអំពីមូលហេតុដែលពួកគេបានទន្ទេញ និងរបៀបដែលពួកគេអាចចាំវាបាន ។ ⁠វាក៏អាចជួយអញ្ជើញអ្នកផ្សព្វផ្សាយសាសនាដែលទើបត្រឡប់មកវិញឲ្យចែកចាយរូបភាពដែលគាត់ ឬនាងបានទន្ទេញ ហើយថ្លែងទីបន្ទាល់អំពីសារៈសំខាន់នៃការទន្ទេញបទគម្ពីរ ។

សូមអានសេចក្តីថ្លែងការណ៍ដោយអែលឌើរ រីឆាដ ជី ស្កត ( ឆ្នាំ ១៩២៨–ឆ្នាំ ២០១៥ ) នៃកូរ៉ុមនៃពួកសាវកដប់ពីរនាក់អំពីសារៈសំខាន់នៃការទន្ទេញចាំបទគម្ពីរ ៖

អំណាចដ៏មហិមាអាចកើតឡើងមកពីការទន្ទេញបទគម្ពីរ ។ ការទន្ទេញបទគម្ពីរមួយ គឺជាការបង្កើតមិត្តភាពមួយថ្មី ។ វាដូចជាការរកឃើញបុគ្គលម្នាក់ថ្មីដែលអាចជួយនៅក្នុងពេលត្រូវការ ផ្ដល់ការបំផុសគំនិត និងការលួងលោមចិត្ត ហើយជាប្រភពនៃការលើកទឹកចិត្តសម្រាប់ការផ្លាស់ប្ដូរដែលចាំបាច់ ។ ( រីឆាដ ជី ស្កត « The Power of Scripture » Liahona ខែ វិច្ឆិកា ឆ្នាំ ២០១១ )

តើបទគម្ពីរណាខ្លះដែលអ្នកបានទន្ទេញចាំរហូតមកដល់ពេលនេះ ? ហេតុអ្វីបានជាអ្នកទន្ទេញបទគម្ពីរទាំងនោះ ?

នៅពេលអ្នកចូលរួមក្នុងសកម្មភាពទន្ទេញខាងក្រោម សូមមានទំនុកចិត្ត និងជឿជាក់ថា ព្រះអម្ចាស់អាចជួយអ្នកឲ្យទន្ទេញសេចក្ដីយោងសំខាន់ៗទាំងនេះ និងឃ្លាខគម្ពីរគន្លឹះ ។

វគ្គបទគម្ពីរចំណេះចំណានខាងគោលលទ្ធិ និងការទន្ទេញ

ខាងក្រោមនេះគឺជាបញ្ជីនៃវគ្គចំណេះចំណានខាងគោលលទ្ធិនៃព្រះគម្ពីរមរមនទាំង ១២ ចុងក្រោយ ជាមួយនឹងឃ្លាបទគម្ពីរគន្លឹះរបស់វគ្គចំណេះចំណានខាងគោលលទ្ធិទាំងនោះ ។

ចំណេះចំណានខាងគោលលទ្ធិនៃព្រះគម្ពីរមរមន ៖ អាលម៉ា–មរ៉ូណៃ

ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )

សេចក្ដីយោងបទគម្ពីរ	ឃ្លាបទគម្ពីរគន្លឹះ
សេចក្ដីយោងបទគម្ពីរ អាលម៉ា ៧:១១–១៣	ឃ្លាបទគម្ពីរគន្លឹះ « ហើយទ្រង់នឹងយាងទៅដោយរងការឈឺចាប់ និងទុក្ខវេទនា និងការល្បួងគ្រប់បែបយ៉ាង » ។
សេចក្ដីយោងបទគម្ពីរ អាលម៉ា ៣៤:៩–១០	ឃ្លាបទគម្ពីរគន្លឹះ « ជាការចាំបាច់ត្រូវតែមានដង្វាយធួនមួយកើតឡើង … ការបូជាមួយដ៏និរន្តរ៍ និងអស់កល្បជានិច្ច » ។
សេចក្ដីយោងបទគម្ពីរ អាលម៉ា ៣៩:៩	ឃ្លាបទគម្ពីរគន្លឹះ « កុំទៅតាមសេចក្តីសម្រើបនៃភ្នែករបស់ខ្លួនទៀតឡើយ » ។
សេចក្ដីយោងបទគម្ពីរ អាលម៉ា ៤១:១០	ឃ្លាបទគម្ពីរគន្លឹះ « សេចក្ដីទុច្ចរិតពុំដែលជាសុភមង្គលឡើយ » ។
សេចក្ដីយោងបទគម្ពីរ ហេលេមិន ៥:១២	ឃ្លាបទគម្ពីរគន្លឹះ « គឺនៅលើសិលានៃព្រះដ៏ប្រោសលោះនៃយើង … ដែលកូនត្រូវសង់គ្រឹះរបស់កូន » ។
សេចក្ដីយោងបទគម្ពីរ នីហ្វៃ ទី៣ ១១:១០–១១	ឃ្លាបទគម្ពីរគន្លឹះ « យើងបានធ្វើការនេះ ដោយបានស៊ូទ្រាំតាមព្រះហឫទ័យនៃព្រះវរបិតាចំពោះគ្រប់ការណ៍ទាំងអស់ ចាប់តាំងពីដើមដំបូងមក » ។
សេចក្ដីយោងបទគម្ពីរ នីហ្វៃ ទី៣ ១២:៤៨	ឃ្លាបទគម្ពីរគន្លឹះ « បានល្អឥតខ្ចោះដូចជាយើង ឬដូចជាព្រះវរបិតារបស់អ្នករាល់គ្នាដែលគង់នៅស្ថានសួគ៌ ទ្រង់ល្អឥតខ្ចោះដែរ » ។
សេចក្ដីយោងបទគម្ពីរ នីហ្វៃទី⁠៣ ២៧:២០	ឃ្លាបទគម្ពីរគន្លឹះ « ចូរមករកយើង ហើយទទួលបុណ្យជ្រមុជទឹក … ប្រយោជន៍ឲ្យអ្នករាល់គ្នាអាចបានញែកចេញបរិសុទ្ធ ដោយការទទួលនូវព្រះវិញ្ញាណបរិសុទ្ធ » ។
សេចក្ដីយោងបទគម្ពីរ អេធើរ ១២:៦	ឃ្លាបទគម្ពីរគន្លឹះ « អ្នករាល់គ្នាពុំទទួលសាក្សីឡើយ លុះដល់ពេលក្រោយពីការសាកល្បងនៃសេចក្ដីជំនឿរបស់អ្នកសិន » ។
សេចក្ដីយោងបទគម្ពីរ អេធើរ ១២:២៧	ឃ្លាបទគម្ពីរគន្លឹះ « បើមនុស្សលោកមករកយើង … លំដាប់នោះយើងនឹងធ្វើឲ្យអ្វីដែលទន់ខ្សោយក្លាយទៅជាខ្លាំងពូកែចំពោះពួកគេវិញ » ។
សេចក្ដីយោងបទគម្ពីរ មរ៉ូណៃ ៧:៤៥–៤៨	ឃ្លាបទគម្ពីរគន្លឹះ « ប៉ុន្តែ សេចក្ដីសប្បុរស គឺជាសេចក្ដីស្រឡាញ់ដ៏សុទ្ធសាធនៃព្រះគ្រីស្ទ » ។
សេចក្ដីយោងបទគម្ពីរ មរ៉ូណៃ ១០:៤–៥	ឃ្លាបទគម្ពីរគន្លឹះ « សូមសួរដល់ព្រះជាព្រះវរបិតាដ៏គង់នៅអស់កល្បជានិច្ចដោយនូវព្រះនាមនៃព្រះគ្រីស្ទ … [ និង ] ដោយព្រះចេស្ដានៃព្រះវិញ្ញាណបរិសុទ្ធ នោះអ្នករាល់គ្នាអាចស្គាល់សេចក្ដីពិតនៃគ្រប់ការណ៍ទាំងអស់ » ។

សិស្សដែលអាចចូលប្រើឧបករណ៍អេឡិចត្រូនិកបាន អាចប្រើកម្មវិធី ឬកម្មវិធីមួយដើម្បីបង្កើតប័ណ្ណរំឭកការចងចាំ នៅលើឧបករណ៍របស់ពួកគេបាន ។ បើមិនដូច្នោះទេ សូមចែកក្រដាសពីរសន្លឹកឲ្យទៅសិស្សម្នាក់ៗសម្រាប់សកម្មភាពនេះ ។

បើសិស្សអាចចូលប្រើប័ណ្ណរំឭកការចងចាំរួចហើយ សូមពិចារណារំលងទៅសកម្មភាពនៅក្នុងផ្នែក « ការប្រើប្រាស់ប័ណ្ណរំឭកការចងចាំរបស់អ្នក » ។

សូមបង្កើតប័ណ្ណរំឭកការចងចាំមួយសំណុំដែលអ្នកអាចប្រើពេញមួយឆ្នាំ ។ បើចាំបាច់ សូមប្រើការណែនាំខាងក្រោមដើម្បីជួយអ្នកបង្កើតប័ណ្ណរំឭកការចងចាំរបស់អ្នក ៖

សូមប្រុងប្រយ័ត្នកុំចំណាយពេលបង្កើតប័ណ្ណរំឭកការចងចាំច្រើនពេក ។ សូមឲ្យប្រាកដថា សិស្សមានពេលគ្រប់គ្រាន់ដើម្បីប្រើប័ណ្ណរបស់ពួកគេដើម្បីហាត់ទន្ទេញសេចក្តីយោងចំណេះចំណានខាងព្រះគម្ពីរ និងឃ្លាបទគម្ពីរគន្លឹះ ។

ជំហានទី ១ ៖ បង្កើតកាតចំនួន ១២ សន្លឹក

សូមគូសបន្ទាត់ពុះកណ្តាលក្រដាសដើម្បីបង្កើតជួរឈរពីរ ដោយប្រើក្រដាសមួយចំហៀងទាំងស្រុង ។ បន្ទាប់មក គូរបន្ទាត់ផ្តេកពីរលើក្រដាសដើម្បីបង្កើតប្រអប់ចំនួនបីដែលមានទំហំស្មើគ្នានៅក្នុងជួរឈរនីមួយៗ ដើម្បីផ្តល់ឲ្យអ្នកនូវប្រអប់សរុបចំនួនប្រាំមួយ។ សូមមើលរូបភាពខាងក្រោមសម្រាប់គំរូរូបរាងនៃទំព័រក្រដាសរបស់អ្នកគួរមាន ៖

សូមត្រឡប់ក្រដាស ហើយធ្វើដូចគ្នានៅម្ខាងទៀត។ សូមធ្វើដូចគ្នានៅលើក្រដាសដាច់ដោយឡែកមួយទៀត ដើម្បីបង្កើតប្រអប់ទាំង ១២ ដែលអ្នកត្រូវការ ។

នៅលើក្រដាសរបស់អ្នកមួយចំហៀងៗ នៅក្នុងប្រអប់នីមួយៗ សូមសរសេរសេចក្ដីយោងបទគម្ពីរមកពីតារាងនេះ ។ បន្ថែមពីលើសេចក្តីយោងបទគម្ពីរ អ្នកអាចពិចារណាគូររូបភាពសាមញ្ញមួយនៅលើក្រដាសមួយចំហៀងនេះរបស់អ្នក ដែលនឹងជួយអ្នកចងចាំឃ្លាបទគម្ពីរគន្លឹះ ។ ខណៈពេលដែលគំនូរនេះគួរជួយដល់អ្នកឲ្យចងចាំឃ្លាបទគម្ពីរគន្លឹះ វាក៏គួរតែបង្ហាញអំពីគារវភាព និងការគោរពដ៏ត្រឹមត្រូវចំពោះលក្ខណៈពិសិដ្ឋនៃវគ្គបទគម្ពីរផងដែរ ។

ជំហានទី ២ ៖ សរសេរសេចក្ដីយោងបទគម្ពីរចំណេះចំណានខាងគោលលទ្ធិនៅលើក្រដាសម្ខាង

នៅលើផ្នែកម្ខាងៗនៃក្រដាសទាំងពីរសន្លឹករបស់អ្នក សូមសរសេរសេចក្ដីយោងបទគម្ពីរមកពីតារាងក្នុងប្រអប់នីមួយៗ ។ ក្រៅពីសេចក្តីយោងបទគម្ពីរ អ្នកក៏អាចគូររូបភាពសាមញ្ញមួយ ដែលនឹងជួយអ្នកចងចាំឃ្លាបទគម្ពីរគន្លឹះផងដែរ ។

ជំហានទី ៣ ៖ សរសេរឃ្លាបទគម្ពីរគន្លឹះនៅម្ខាងទៀត ។

សូមត្រឡប់ក្រដាសរបស់អ្នក ហើយសរសេរក្នុងប្រអប់នីមួយៗនូវឃ្លាបទគម្ពីរគន្លឹះ ដែលត្រូវនឹងសេចក្ដីយោងបទគម្ពីរនៅម្ខាងទៀត ។

ជំហានទី ៤ ៖ កាត់កាតរបស់អ្នក ។

សូមកាត់ប្រអប់នីមួយៗដែលអ្នកបានបង្កើតទៅជាកាត ។

ការប្រើប្រាស់ប័ណ្ណរំឭកការចងចាំរបស់អ្នក

សូមមានគំនិតច្នៃប្រឌិតក្នុងការប្រើប្រាស់ប័ណ្ណរំឭកការចងចាំរបស់អ្នក ។ សូមជ្រើសរើសគំនិតមួយក្នុងចំណោមគំនិតដូចខាងក្រោម ឬបង្កើតគំនិតមួយដោយខ្លួនឯង ។ អ្នកក៏អាចជ្រើសរើសប្រើប្រាស់ធនធានដែលមាននៅលើកម្មវិធីចំណេះចំណានខាងគោលលទ្ធិផងដែរ ។

ការសួរសំណួរខ្លួនឯង ៖ សូមកាន់ប័ណ្ណបង្ហាញដើម្បីឲ្យអ្នកអាចមើលឃើញតែសេចក្ដីយោង ឬឃ្លាបទគម្ពីរគន្លឹះប៉ុណ្ណោះ ។ សូមសាកល្បងនិយាយឃ្លា ឬសេចក្ដីយោងបទគម្ពីរគន្លឹះដែលត្រូវគ្នា ។ សូមធ្វើដូចនេះសាឡើងវិញជាច្រើនដងជាមួយនឹងសេចក្ដីយោងនីមួយៗ និងឃ្លាដែលត្រូវគ្នា ។
សកម្មភាពផ្គូផ្គង ៖ ចាប់ដៃគូជាមួយនរណាម្នាក់ ។ សូមឲ្យមនុស្សម្នាក់ដាក់ប័ណ្ណរបស់គាត់ ឬនាងដែលមានសេចក្ដីយោងផ្ងារឡើង ហើយម្នាក់ទៀតដាក់ប័ណ្ណរបស់គាត់ ឬនាងដែលមានឃ្លាបទគម្ពីរគន្លឹះផ្ងារឡើងលើ ។ សូមផ្គូផ្គងឃ្លាបទគម្ពីរគន្លឹះទៅនឹងសេចក្ដីយោងដែលត្រូវគ្នា ដោយការដាក់ប័ណ្ណដែលមានឃ្លាបទគម្ពីរគន្លឹះនៅពីលើសន្លឹកប័ណ្ណនៃសេចក្ដីយោង ។

សូមពិចារណាបំបែកសិស្សជាក្រុមៗ ដែលមានសមាជិកបួននាក់ ។ សូមអញ្ជើញក្រុមនីមួយៗឲ្យប្រើប័ណ្ណរំឭកការចងចាំមួយឈុត ហើយបែងចែកឈុតនេះទៅក្នុងចំណោមសមាជិកក្រុម ។ សូមឲ្យសិស្សដាក់ប័ណ្ណទាំងអស់នៅលើតុរបស់ពួកគេដោយមានសេចក្ដីយោងផ្ងារមុខឡើងលើ ។ សូមអានឃ្លាបទគម្ពីរគន្លឹះមួយដល់សិស្សក្នុងថ្នាក់ ។ សិស្សនៅក្នុងក្រុមនីមួយៗដែលមានសន្លឹកកាតសេចក្ដីយោងដែលត្រូវគ្នា គួរតែឲ្យប័ណ្ណនោះទៅគ្រូបង្រៀន ។ សូមឲ្យក្រុមនីមួយៗប្រជែងគ្នានាំយកកាតដែលត្រឹមត្រូវទៅកាន់គ្រូបង្រៀននៅក្នុងរយៈពេលកំណត់មួយ ប្រាំវិនាទី ។ សូមលើកទឹកចិត្តសិស្សឲ្យជួយសមាជិកផ្សេងទៀតនៅក្នុងក្រុមរបស់ពួកគេ ។ សិស្សក៏អាចត្រូវបានអញ្ជើញឲ្យប្ដូរកាតជាមួយសិស្សម្នាក់ទៀតក្នុងក្រុមរបស់ពួកគេដើម្បីជួយពួកគេឲ្យរៀនគ្រប់សេចក្តីយោង និងឃ្លាបទគម្ពីរគន្លឹះទាំងអស់ផងដែរ ។

⁠សិស្សក៏អាចនឹងធ្វើកិច្ចការជាពីរៗនាក់ ឬក្រុមតូចៗដើម្បីរកវិធីផ្ទាល់ខ្លួនរបស់ពួកគេដែលនឹងត្រូវប្រើប័ណ្ណរំឭកការចងចាំរបស់ពួកគេ ។

នៅពេលបានបញ្ចប់ហើយ សូមជួយសិស្សឲ្យពិភាក្សាគ្នាអំពីអ្វីដែលពួកគេបានរៀន និងយល់អំពីការសិក្សារបស់ពួកគេ ហើយប្រើប្រាស់ប័ណ្ណរំឭកការចងចាំរបស់ពួកគេ ។ សំណួរខាងក្រោមនេះអាចជួយដល់ការណ៍នេះបាន ៖ អ្នកក៏អាចនឹងចែកចាយបទពិសោធន៍ផ្ទាល់ខ្លួនដែលបានជួយអ្នកឲ្យមើលឃើញអំពីតម្លៃនៃវគ្គបទគម្ពីរចំណេះចំណានខាងគោលលទ្ធិមួយ ឬច្រើនដែលមានការលើកឡើងនៅក្នុងមេរៀននេះផងដែរ ។

តើសេចក្តីយោង និងឃ្លាបទគម្ពីរគន្លឹះណាខ្លះដែលអ្នកគិតថា មានប្រយោជន៍បំផុតសម្រាប់ឲ្យអ្នកទន្ទេញ ? ហេតុអ្វី ?
តើសេចក្ដីពិតអ្វីខ្លះដែលវគ្គបទគម្ពីរទាំងនេះបង្រៀនអំពីព្រះអង្គសង្គ្រោះ និងដំណឹងល្អរបស់ទ្រង់ ?