Përsëritja 19 e Zotërimit Doktrinor

Vëri në Zbatim Fragmentet e Zotërimit Doktrinor

të reja duke studiuar shkrimet e shenjta së bashku

Të mësosh t’i zbatosh fjalët e Zotit në shkrimet e shenjta mund të të bekojë në shumë mënyra. Ky mësim mund të të ndihmojë t’i zbatosh të vërtetat në fragmentet e zotërimit doktrinor në gjysmën e dytë të Librit të Mormonit.

Ushtrimi i zbatimit të fragmenteve të zotërimit doktrinor. Sigurojuni nxënësve mundësi të ndryshme për ta shpjeguar dhe zbatuar atë që kanë mësuar nga fragmentet e zotërimit doktrinor. Ndihmojini nxënësit të zbulojnë lidhjen vetjake me fragmentet e shkrimeve të shenjta dhe inkurajojini t’i jetojnë parimet që jepen mësim.

Përgatitja e nxënësve: Merreni parasysh t’i ftoni nxënësit të përzgjedhin një ose dy fragmente të zotërimit doktrinor dhe të punojnë për ta mësuar përmendsh referencën e shkrimit të shenjtë dhe frazën kyç të shkrimit të shenjtë.

Veprimtari të Mundshme të të Mësuarit

Në vend të këtij mësimi përsëritjeje mund të nevojitet të jepet një mësim për fragmentin e zotërimit doktrinor. Referojuni udhëzuesit të ritmit mësimor të ofruar nga drejtori apo bashkërenduesi zonal ose rajonal për t’u siguruar që të jepet çdo mësim për fragmentet e zotërimit doktrinor gjatë zhvillimit të seminarit.

Hovi

një e re duke shijuar një shëtitje me biçikletë

Për ta filluar orën mësimore, mendoni rreth ftesës ndaj një nxënësi që të rrotullojë një top ose një makinë lodër përpara klasës. Merreni parasysh të krijoni një pjerrësi në të cilën topi mund të rrotullohet për poshtë për të ilustruar hovin në rritje.

Imagjino sikur e shtyve ose e shkelmove një top. Çfarë mund të ndikojë te largësia ose shpejtësia e rrotullimit të topit?

Hovi është një mënyrë për të përshkruar fuqinë ose forcën e një sendi në lëvizje. Për shembull, një biçikletë vihet në lëvizje ndërsa ai që e nget shtyn nga toka dhe ajo e ruan hovin ndërsa ai që e nget ruan ekuilibrin dhe vazhdon t’u japë pedaleve. Biçikleta merr hov ndërsa ai që e nget i shton përpjekjet për t’u dhënë pedaleve ose nëse rruga ka një të tatëpjetë.

• Cilët janë disa shembuj të tjerë të hovit pozitiv?

Nëse doni, mund ta paraqitni thënien vijuese. Mund të jetë e dobishme t’i shenjoni fjalët dhe frazat e rëndësishme ndërsa nxënësit i diskutojnë pyetjet vijuese.

Presidenti Rasëll M. Nelson dha mësim:

Presidenti Rasëll M. Nelson

“Nuk na është nevojitur kurrë hovi pozitiv shpirtëror më shumë sesa na nevojitet tani, për të kundërvepruar ndaj shpejtësisë me të cilën e keqja dhe shenjat më të errëta të kohës po intensifikohen. Hovi shpirtëror pozitiv do të na bëjë të shkojmë përpara mes frikës dhe pasigurisë së krijuar nga pandemitë, cunamet, shpërthimet vullkanike dhe armiqësitë e armatosura. Hovi shpirtëror mund të na ndihmojë t’u bëjmë ballë sulmeve të pamëshirshme e të liga të kundërshtarit dhe t’i pengojë përpjekjet e tij për ta gërryer themelin tonë vetjak shpirtëror.” (Rasëll M. Nelson, “Fuqia e Hovit Shpirtëror”, Liahona, maj 2022, f. 98)

• Si do ta përshkruaje se çfarë është hovi shpirtëror dhe arsyen pse kemi nevojë për të?

  Mund të jetë e dobishme që nxënësit t’i mbajnë shënim mendimet e tyre rreth pyetjeve vijuese për vlerësimin e vetes. Si të nxiteni nga Shpirti, merreni parasysh t’i ftoni nxënësit të japin idetë e tyre.

• Në çfarë fushash të jetës sate mendon se ke nevojë për më shumë hov shpirtëror? Çfarë dobish do të prisje të merrje?

Shtimi i hovit shpirtëror

Fragmentet e shkrimeve të shenjta për zotërimin doktrinor na mësojnë doktrinë të vërtetë që na ndihmon të mësojmë rreth Jezu Krishtit dhe ungjillit të Tij. Ndërsa e ndjekim Atë me besim, mund të krijojmë dhe ta shtojmë hovin shpirtëror në jetën tonë.

Jepuni nxënësve kohë të bollshme për ta plotësuar veprimtarinë vijuese. Nëse doni, mund t’i lejoni nxënësit me nevoja për të mësuarit që të punojnë me një partner. Merreni parasysh të bëni kopje të fletushkës së siguruar për nxënësit që ta përdorin gjatë veprimtarisë.

Nëse zgjidhni të mos e përdorni fletushkën, nëse doni, mund të vizatoni figurën vijuese në tabelë.

Marrja e Hovit Shpirtëror nëpërmjet Zotërimit Doktrinor

Manual i Mësuesit për Librin e Mormonit (2024) – “Përsëritja 19 e Zotërimit Doktrinor: Vëri në Zbatim Fragmentet e Zotërimit Doktrinor”

vizatim i një personi mbi një biçikletë në një shteg me pengesa dhe kodra

Imagjino sikur ti je ai/ajo që i jep biçikletës dhe shtegu përfaqëson jetën tënde. Mund ta vësh re se si pjesa e parë e shtegut tënd është e drejtë, por pastaj has pengesa dhe pjerrësi që duan përpjekje më të madhe për t’i kapërcyer. Mendo për hovin shpirtëror që të nevojitet për të ecur me sukses përgjatë jetës dhe pengesat dhe sfidat që mund të përjetosh.

Studioji frazat kyç të shkrimeve të shenjta të zotërimit doktrinor të cilat i ke mësuar, duke kërkuar fragmente që lidhen me rrugëtimin tënd vetjak. Në krah të numrave përkatës në vizatimin tënd, shkruaj referencën e një fragmenti të zotërimit doktrinor që të ka ndihmuar ose mund të ndihmojë:

1. Ruaje hovin shpirtëror dhe përparo çdo ditë.

2. Shmange ose kapërceje një pengesë ndërsa beson dhe vepron sipas së vërtetës që të mëson fragmenti.

3. Mbështetu te fuqia e Shpëtimtarit dhe ngrihu për t’i arritur synimet e tua shpirtërore.

Për çdo fragment të zotërimit doktrinor që përzgjodhe dhe përfshive në vizatimin tënd, shënoji mendimet e tua për të paktën njërën nga idetë vijuese:

• Një përvojë kur e ndjeve të vërtetën dhe rëndësinë e fragmentit të zotërimit doktrinor.

• Si mund ta zbatosh më mirë doktrinën ose parimin e fragmentit në jetën tënde.

• Pse ndien se ky fragment do të të bekojë me fuqinë e Shpëtimtarit dhe do të ta shtojë hovin tënd shpirtëror.

• Si e ka shtuar doktrina dashurinë tënde për Atin Qiellor dhe Jezu Krishtin.

© 2023 by Intellectual Reserve, Inc. All rights reserved.

Për t’i ndihmuar nxënësit të kenë siguri për të punuar në mënyrë të pavarur, merreni parasysh t’u jepni atyre një shembull duke shkruar një referencë të shkrimit të shenjtë në krah të një numri të përshtatshëm dhe të diskutoni me nxënësit se si mund të zbatohet fragmenti i shkrimit të shenjtë në atë fushë.

Merreni parasysh t’ua paraqitni ose t’u siguroni nxënësve tabelën vijuese si një burim ndërsa ata vazhdojnë ta studiojnë këtë mësim.

Zotërimi Doktrinor për Librin e Mormonit: Alma–Moroni

Manual i Mësuesit për Librin e Mormonit (2024)

Referenca e Shkrimit të Shenjtë	Fraza Kyç e Shkrimit të Shenjtë
Referenca e Shkrimit të Shenjtë Alma 7:11–13	Fraza Kyç e Shkrimit të Shenjtë “Dhe ai do të shkojë përpara, duke vuajtur dhimbje dhe hidhërime dhe tundime të çdo lloji.”
Referenca e Shkrimit të Shenjtë Alma 34:9–10	Fraza Kyç e Shkrimit të Shenjtë “Duhet të bëhet një shlyerje, … një flijim i pafundmë dhe i përjetshëm.”
Referenca e Shkrimit të Shenjtë Alma 39:9	Fraza Kyç e Shkrimit të Shenjtë “Mos shko më pas epsheve të syve të tua.”
Referenca e Shkrimit të Shenjtë Alma 41:10	Fraza Kyç e Shkrimit të Shenjtë “Ligësia kurrë nuk ka qenë lumturi.”
Referenca e Shkrimit të Shenjtë Helamani 5:12	Fraza Kyç e Shkrimit të Shenjtë “Është mbi shkëmbin e Shëlbuesit tonë … që ju duhet të ndërtoni themelin tuaj.”
Referenca e Shkrimit të Shenjtë 3 Nefi 11:10–11	Fraza Kyç e Shkrimit të Shenjtë “Unë kam plotësuar vullnetin e Atit në të gjitha gjërat që nga fillimi.”
Referenca e Shkrimit të Shenjtë 3 Nefi 12:48	Fraza Kyç e Shkrimit të Shenjtë “[Ji]ni të përkryer, madje, sikurse jam unë, ose të përkryer si Ati juaj që është në qiell.”
Referenca e Shkrimit të Shenjtë 3 Nefi 27:20	Fraza Kyç e Shkrimit të Shenjtë “Ejani tek unë dhe pagëzohuni … që të shenjtëroheni nëpërmjet marrjes së Frymës së Shenjtë.”
Referenca e Shkrimit të Shenjtë Ethëri 12:6	Fraza Kyç e Shkrimit të Shenjtë “Ju nuk do të merrni asnjë dëshmi, deri pas provës së besimit tuaj.”
Referenca e Shkrimit të Shenjtë Ethëri 12:27	Fraza Kyç e Shkrimit të Shenjtë “Në qoftë se njerëzit vijnë tek unë, … atëherë unë do të bëj që gjërat e dobëta, të bëhen të forta në ta.”
Referenca e Shkrimit të Shenjtë Moroni 7:45–48	Fraza Kyç e Shkrimit të Shenjtë “Dashuria hyjnore është dashuria e pastër e Krishtit.”
Referenca e Shkrimit të Shenjtë Moroni 10:4–5	Fraza Kyç e Shkrimit të Shenjtë “Kërkoni me një zemër të sinqertë, me qëllim të vërtetë duke pasur besim në Krisht … [dhe] nëpërmjet fuqisë së Frymës së Shenjtë, ju mund të dini të vërtetën e të gjitha gjërave.”

© 2023 by Intellectual Reserve, Inc. All rights reserved.

Kur nxënësit të mbarojnë, merreni parasysh t’i ftoni ata të tregojnë fragmentet që kanë ndikuar më thellësisht tek ata. Dëgjoni me kujdes dhe bëni pyetje për ndjekjen e ecurisë që t’i ndihmoni nxënësit ta thellojnë vlerësimin e tyre për mënyrën se si Zoti mund t’i ndihmojë ata që ta shtojnë hovin e tyre shpirtëror. Inkurajojini ata të japin dëshmitë e tyre rreth Zotit dhe të tregojnë se si po bëhen më shumë si Ai.

fletushka për marrjen e hovit shpirtëror