3 Nefia 24

Ny lalàn’ny Tompo momba ny fahafolonkarena

olona mameno taratasy fenoina fanomezana ny fahafolonkarena

Inona no nampanantenain’ny Tompo antsika raha mandoa fahafolonkarena isika? Ny Mpamonjy dia nampiasa ny tenin’i Malakia mba hampianarana ny Nefita momba ny lalàn’ny fahafolonkarena sy ireo fitahiana amin’ny fiainana io didy io. Ity lesona ity dia natao hanampiana anao hahatsapa faniriana handoa fahafolonkarena.

Mampianatra ny soratra masina amim-paharesen-dahatra sy amin’ny tanjona. Mety ho sarotra amin’ny mpianatra ny hahatakatra sy hampihatraeo amin’ny fiainany ny fahamarinan’ny filazantsara sasantsasany. Ampio ny mpianatra hahita ny lanjan’ireo fampianarana ireo. Zarao ny fijoroanao ho vavolombelona momba ny fahamarinan’ireo fitsipika ireo sy ny fitahiana omen’ny Tompo ireo izay manao asa amim-pinoana.

Fanomanana ny mpianatra: Asao hamaky ny 3 Nefia 24:8–10 ny mpianatra ary hieritreritra momba ana zavatra niainan’izy ireo na ny hafa mikasika ny lalàn’ny Tompo momba ny fahafolonkarena.

Ireo sahanasa fianarana azo atao

Ny zavatra niainanao

Ireto rafi-tantara manaraka ireto dia natao hanampiana ny mpianatra hieritreritra ny zavatra niainan’izy ireo tamin’ny lalàn’ny Tompo momba ny fahafolonkarena. Aza misalasala manamboatra azy ireo raha toa ka hifanaraka kokoa amin’ny zavatra ilain’ny mpianatrao izany.

Azo ampifanoloana amin’izany, mampiseho taratasy fenoina amin’ny fandoavana fahafolonkarena na vola madinika ary anontanio ny mpianatra momba ny fahatakaran’izy ireo sy ny zavatra niainan’izy ireo momba ny fahafolonkarena sy ny fanontaniana ananany momba izany.

Vakio ireto rafi-tantara manaraka ireto, hitadiavana ireo izay tena mifanaraka aminao na ny zatovo eo amin’ny faritra misy anao:

• Manangom-bola hividianana telefaonina i Carlos. Tsy mieritreritra ny handoa fahafolonkarena izy.

• Nandoa fahafolonkarena foana i Sita fony izy tanora, saingy amin’izao izy manana asa sy mandray vola misimisy kokoa izao dia lasa sarotra atao kokoa izany.

• Omen’i Oneka hanampiana ny fianakaviany avokoa ny vola rehetra azony. Manontany tena izy raha toa ka tokony handoa fahafolonkarena kanefa mila ilay vola ny fianakaviany.

• Tsy manana fidiram-bola i Anjum ka manontany tena izy raha toa ka mihatra aminy ny lalàn’ny fahafolonkarena.

• Toe-javatra inona no tsapanao fa tokony hampiasaina indrindra? Nahoana?

Hevero ny hanoratra eny amin’ny solaitrabe ny valintenin’ny mpianatra amin’ity fanontaniana manaraka ity.

• Inona avy no fanontaniana na ahiahy mety hananan’ny zatovo momba ny fahafolonkarena?

Azon’ny mpianatra atao ny misaintsaina ireto fanontaniana manaraka ireto na mamaly izany ao anatin’ny diary fandalinany. Koa satria mahakasika ny fiainana manokan’ny mpianatra ireo fanontaniana ireo, dia aza angatahina hizara ny valintenin’izy ireo ny mpianatra.

Eritrereto ny traikefanao manokana sy ny fahatakaranao ny fahafolonkarena. Mandoa fahafolonkarena ve ianao, na vonona handoa ny fahafolonkarena ve ianao? Nahoana raha eny na nahoana raha tsia? Inona no zavatra nianaranao tamin’ny zavatra niainanao momba ny fahafolonkarena? Rehefa mandalina ity lesona ity ianao, dia katsaho ny fitarihan’ny Fanahy Masina mba hanampy anao hankatò io lalàna io.

Ny lalàn’ny Tompo momba ny fahafolonkarena

Teo am-pampianarana ny Nefita i Jesoa dia nandidy azy ireo hanoratra ny teny izay noraketin’i Malakia teo ho eo amin’ny 400 taona tany aloha. Naminany momba ny Fiavian’i Jesoa Kristy Fanindroany sy ny anjara asan’ny Mpamonjy amin’ny fitsarana ny ratsy fanahy i Malakia (jereo ny 3 Nefia 24:1–6).

Vakio ny 3 Nefia 24:7, hitadiavana ny olana natrehin’ny olona tamin’ny andron’i Malakia.

• Ahoana no mety ho nitovian’ny Nefita tamin’ny olona tamin’ny andron’i Malakia?

• Inona no nampanantenain’ny Tompo ny olona raha miverina Aminy izy ireo?

Mba hamporisihana ny olona hiverina amin’ny Tompo sy hiomana amin’ny fiaviany, dia nampianatra momba ny fahafolonkarena tamin’ny alalan’i Malakia ny Tompo.

Vakio ny 3 Nefia 24:8–12 ary hevero ny hanisy marika ny zavatra nampianarin’ny Tompo momba ny lalàn’ny fahafolonkarena. Mariho fa “ilay mpibosibosika” (andininy 11) dia mety hanondro areti-mandringana, haintany na tondradrano na i Satana mihitsy aza.

• Inona no manan-danja aminao amin’ireo andininy ireo?

  Ankasitraho ny mpianatra rehefa mizara zavatra Hevero ny hangataka azy ireo hanazava ny antony nampanan-danja taminy ny zavatra nozarainy.

• Inona no mety hitovian’ny fandavana ny fandoavana fahafolonkarena amin’ny fandrobana an’ Andriamanitra?

  Hevero ny hampiseho ity fehezanteny tsy feno manaraka ity.

• Ahoana no mety hamarananao ity fehezanteny manaraka ity: “Raha mankatò ny lalàn’ny Tompo momba ny fahafolonkarena isika …”?

Fomba iray mety hamarananao ilay fehezanteny ity: Raha mankatò ny lalàn’ny Tompo momba ny fahafolonkarena isika, dia handraraka fitahiana eo amintsika Izy.

Tamin’ny andron’i Malakia sy tamin’ny andron’ny Nefita, ny Olomasina dia azo inoana ho nandoa fahafolonkarena tamin’ny alalan’ny fanomezana ny ampahafolon’ny sakafo na fananan’izy ireo. Ankehitriny “ny mpikamban’ny Fiangonana dia manome ny Tompo ny ampahafolon’ny vola miditra amin’izy ireo amin’ny alalan’ny Fiangonany. Ireny vola ireny dia ampiasaina mba hampitomboana ny Fiangonana sy hampandrosoana ny asan’ny Tompo manerana izao tontolo izao” (Gospel Topics, “Tithing,” topics.ChurchofJesusChrist.org). Raha tsy misy fidiram-bola ny olona iray, dia tsy takina handoa fahafolonkarena izy, kanefa tokony ho vonona amin’izany kosa izy amin’ny hoavy.

Mampiasa andianteny mahery vaika sy mazava tsara ny Tompo rehefa miresaka momba ny fahafolonkarena: “Izahao toetra [na tsapao] Aho … raha tsy hovohako ho anareo ny varavaran’ny lanitra sy harotsako aminareo ny fitahiana izay tsy hisy ny toerana ampy handraisana izany” (3 Nefia 24:10).

• Inona, araka ny eritreritrao, no nantitranterin’ny Tompo tamin’ny alalan’ny fampiasana ireo teny sy andianteny nampiasainy? Inona no ianaranao momba Azy?

Hevero ny hanao sarina varavarankely lehibe eny amin’ny solaitrabe ary hanasa ny mpianatra hanoratra ao anatin’izany ireo fitahian’ny fankatoavana ny lalan’ny fahafolonkarena. Azon’ny mpianatra atao ny mandika ao amin’ny diarin’izy ireo ilay varavarankely sy ireo fitahiana voatanisa. Ireto manaraka ireto dia afaka manampy ny mpianatra hieritreritra na hahita hevitra:

• Vakio ny Fotopampianarana sy Fanekempihavanana 64:23.

• Vakio ireo andiam-pehezanteny eo ambanin’ny lohateny hoe “Lesona laharana 1—Fitahiana lehibe saingy misoko mangina” ao amin’ny lahatenin’ny Loholona David A. Bednar “Ny varavaran’ny lanitra” (Liahona, nôv. 2013, 17–20).

• Eritrereto ny traikefanao manokana sy ny an’ireo olona fantatrao amin’ny fandoavana fahafolonkarena.

• Mandefasa hafatra an-tsoratra any amin’ny ray na reninao na mpitarika ao amin’ny Fiangonana anontaniana hoe inona avy no fitahiana niainan’izy ireo tamin’ny fandoavana ny fahafolonkarenan’izy ireo.

Raha mila fanampiana amin’ny famantarana ireo fitahiana ny mpianatra, dia mety hanampy ireo fizarana ny“Fanamarihana sy fampahalalana avy amin’ny zava-miseho” na ny “Sahanasa fianarana fanampiny” ato amin’ity lesona ity.

Manasà mpianatra vitsy hanisy faribolana eny amin’ny solaitrabe ny fitahiana iray izay manan-danja amin’izy ireo na tian’izy ireo ho eo amin’ny fiainan’izy ireo. Asao hizara ny anton’izany izy ireo.

• Ahoana no iantraikan’ireo fitahiana ireo amin’ny fanirianao handoa fahafolonkarena?

• Nahoana araka ny eritreritrao no mandidy ny olony mba handoa fahafolonkarena ny Tompo?

• Ahoana no anampian’ny fankatoavana ny lalàn’ny fahafolonkarena antsika “hiverina” (3 Nefia 24:7) na ho tonga akaiky kokoa ny Tompo?

Fampiharana amin’ny tena manokana

Eritrereto ny zavatra nianaranao sy tsapanao androany rehefa eo am-pamakiana ity teny manaraka nambaran’ny Loholona David A. Bednar ao amin’ny Kôlejin’ny Apôstôly Roambinifolo ity:

Loholona David A. Bednar

Ny fandoavana amin-kitsimpo ny fahafolonkarena dia mihoatra kokoa noho ny hoe adidy. Dingana manan-danja iray ao amin’ny lamin’ny fanamasinana ny tena manokana izany. Midera anareo izay mandoa ny fahafolonkarenanareo aho.

Ho an’ireo izay tsy manaja ny lalàn’ny fahafolonkarena amin’izao fotoana izao dia manasa anareo aho mba handinika ny lalanareo ary hibebaka. Mijoro ho vavolombelona aho fa hisokatra ho anareo ny varavaran’ny lanitra rehefa mankatò io lalàn’ny Tompo io ianareo. (David A. Bednar, “Ny varavaran’ny lanitra,” Liahona, nôv. 2013, 20)

Ampahatsiahivo ny mpianatra ny fanombohan’ny lesona sy ireo fanontaniana mety hananan’ny zatovo momba ny fahafolonkarena. Anontanio ny mpianatra raha misy zavatra nohalalinin’izy ireo ka manampy amin’ireo fanontaniana nolazain’izy ireo. Na azonao atao ny manasa ny mpianatra vitsivitsy hirakitra an-tsoratra ny fahatsapan’izy ireo momba ny fahafolonkarena.

Raketo an-tsoratra ao amin’ny diary fandalinanao ny fahatsapanao momba ny fahafolonkarena sy ny anton’izany. Raha tsapanao fa manahirana na hanahirana anao ny fandoavana fahafolonkarena, dia ampidiro ny zavatra azonao atao mba hanasana ny Tompo hamaly ireo fanontanianao sy hamaly ireo fanahianao.

Fanamarihana sy fampahalalana avy amin’ny zava-miseho

Aiza no ahafahako mianatra misimisy kokoa momba ny lalàn’ny fahafolonkarena?

Mba hahatakarana misimisy kokoa momba ny fahafolonkarena, dia azonao atao ny mandalina ireto loharano manaraka ireto:

• Gospel Topics, “Tithing,” topics.ChurchofJesusChrist.org

• Fotopampianarana sy Fanekempihavanana 119–120

• Torolalana ho an’ny Soratra Masina, “Fahafolonkarena,” scriptures.ChurchofJesusChrist.org

Inona avy no fitahiana sasantsasany raisintsika amin’ny fandoavana ny fahafolonkarenantsika?

Nampianatra toy izao ny Loholona David A. Bednar ao amin’ny Kôlejin’ny Apôstôly Roambinifolo:

Loholona David A. Bednar

Mamela ny fahazavana ara-boajanahary hiditra ao anatin’ny trano iray ny varavarana. Torak’izany koa ny fitaomana sy ny fivoarana ara-panahy izay arotsaka amin’ny alalan’ny varavaran’ny lanitra ary arotsaka eo amin’ny fiainantsika rehefa manaja ny lalàn’ny fahafolonkarena isika. (David A. Bednar, “Ny varavaran’ny lanitra,” Liahona, nôv. 2013, 18)

Ny Loholona Bednar dia nanantitrantitra ihany koa ireto manaraka ireto momba ireo fitahian’ny Tompo momba ny lalàn’ny fahafolonkarena:

Loholona David A. Bednar

Matetika isika rehefa mampianatra sy mijoro ho vavolombelona mikasika ny lalàn’ny fahafolonkarena dia manamafy ilay fitahiana ara-nofo mivantana sy misongadina ary mora hita izay azontsika. Ary azo antoka fa tena mitranga izany fitahiana izany. Saingy ny sasany amin’ireo fitahiana samihafa azontsika rehefa mankatò izany didy izany isika dia lehibe saingy misoko mangina. Ny fitahiana toy izany dia tsy ho tsikaritra raha tsy maneho fitandremana sy fandinihana ara-panahy isika (jereo ny 1 Korintiana 2:14). …

Ohatra, ny fitahiana iray lehibe saingy misoko mangina azontsika dia ny fanomezam-pahasoavana ara-panahin’ny fahaizana mankasitraka izay manome fahafahana ny fankasitrahantsika izay ananantsika hamolavola izay zavatra iriantsika. (David A. Bednar, “Ny varavaran’ny lanitra,” Liahona, nôv. 2013)

Mba hahitana ohatra manokana momba ny fitahiana “lehibe saingy misoko mangina”, dia jereo ny lahateny feno nataon’ny Loholona Bednar hoe (“Ny varavaran’ny lanitra,” Liahona, nôv. 2013, 17–20).

Sahanasa fianarana fanampiny

3 Nefia 24:1–6. Miomana amin’ny Fiaviana Fanindroany

Hevero ny hampiseho sary fanehoana iray momba ny Fiavian’ny Mpamonjy Fanindroany ary hanasa ny mpianatra hizara fomba azon’izy ireo iomanana ho amin’izany. Asao hamaky ny 3 Nefia 24:1–6 ny mpianatra, ka hitady (1) ny zavatra ianaran’izy ireo momba an’i Jesoa Kristy sy ny Fiaviany Fanindroany sy ny (2) andianteny izay afaka manampy azy ireo hiomana ho amin’ny Fiaviana Fanindroany.

Ampio hahatakatra ireto manaraka ireto ny mpianatra:

• Ilay iraka ao amin’ny andininy 1 dia afaka manondro an’i Jaona Mpanao Batisa sy i Joseph Smith (jereo ny Bruce R. McConkie, A New Witness for the Articles of Faith [1985], 629). Avy amin’ny fanambarana maoderina, dia hitantsika ihany koa fa ny famerenana amin’ny laoniny ny filazantsara mihitsy no iraka nalefa alohan’ny Fiavian’ny Mpamonjy Fanindroany (jereo ny Fotopampianarana sy Fanekempihavanana 45:9).

• Ny mpanadio dia mampiasa afo hamanana ny metaly iray mba hanesorana ny loto ao amin’izany.

• Ny mpanasa lamba dia manadio na mamotsy lamba amin’ny fampiasana savony.

Fitsipika iray azon’ny mpianatra ianarana ny hoe Nandefa an’i Joseph Smith hanomana izao tontolo izao amin’ny Fiavian’i Jesoa Kristy Fanindroany ny Tompo. Azon’ny mpianatra atao ny mitanisa ireo fomba nanampian’i Joseph Smith tamin’ny fanomanana izao tontolo izao amin’ny Fiaviana Fanindroany.

3 Nefia 24:8. Fanatitra

Raha mila fanampiana amin’ny fahatakarana ny fahasamihafana eo amin’ny “fahafolonkarena sy ny fanatitra” ny mpianatra, dia azonao atao ny manasa azy ireo handalina ny Torolalalana ho an’ny Soratra Masina, “Fifadian-kanina,” “Fanatitra,” “Fahafolonkarena,”scriptures.ChurchofJesusChrist.org. Avy eo dia azon’ny mpianatra atao ny mifanakalo hevitra momba ny zavatra itovian’ny fahafolonkarena sy ny fanatitra, ny mahasamihafa azy ireo, ary ny fitahiana nampanantenaina amin’ny tsirairay amin’izy ireo.