«ថ្ងៃទី ២៣–២៩ ខែ កញ្ញា ៖ ‹ ចូរក្រោកឡើង ហើយមករកយើងចុះ › ។ នីហ្វៃទី ៣ ៨–១១ » ចូរមកតាមខ្ញុំ—សម្រាប់គេហដ្ឋាន និងសាសនាចក្រ ៖ ព្រះគម្ពីរមរមន ឆ្នាំ ២០២៤ ( ឆ្នាំ ២០២៣ )

« ថ្ងៃទី ២៣–២៩ ខែ កញ្ញា ។ នីហ្វៃទី៣ ៨–១១ » ចូរមកតាមខ្ញុំ—សម្រាប់គេហដ្ឋាន និងសាសនាចក្រ ៖ ឆ្នាំ ២០២៤ ( ឆ្នាំ ២០២៣ )

I Am the Light of the World [ ខ្ញុំជាពន្លឺលោកិយ ] ដោយ ជេមស៍ ហ្វូលមើរ

ថ្ងៃទី ២៣–២៩ ខែ កញ្ញា ៖ « ចូរក្រោកឡើង ហើយមករកយើងចុះ »

នីហ្វៃទី ៣ ៨–១១

« មើលចុះ យើងគឺព្រះយេស៊ូវគ្រីស្ទ ដែលពួកព្យាការីបានធ្វើបន្ទាល់ថា នឹងយាងមកឯលោកិយ » ( នីហ្វៃទី ៣ ១១:១០ ) ។ ជាមួយនឹងព្រះបន្ទូលទាំងនេះ ព្រះអង្គសង្គ្រោះដែលមានព្រះជន្មរស់ឡើងវិញបានណែនាំព្រះអង្គទ្រង់ ហើយបានបំពេញនូវពាក្យព្យាករដែលមាននៅក្នុងព្រះគម្ពីរមរមនជាង ៦០០ ឆ្នាំកន្លងទៅ ។ អែលឌើរ ជែហ្វ្រី អ័រ ហូឡិន បានសរសេរថា « ការបង្ហាញព្រះអង្គទ្រង់នោះ និងការប្រកាសនោះបានបង្កើតជាចំណុចប្រសព្វគ្នាមួយ ជាពេលវេលាដ៏ឧត្ដុង្គឧត្ដមបំផុតនៅក្នុងប្រវត្តិសាស្ត្រនៃព្រះគម្ពីរមរមនទាំងមូល ។ វាគឺជាការបើកសម្ដែង និងក្រឹត្យក្រមដែលបានជូនដំណឹង ហើយបំផុសគំនិតដល់ព្យាការីសាសន៍នីហ្វៃគ្រប់រូប ។… គ្រប់គ្នាបាននិយាយអំពីទ្រង់ ច្រៀងអំពីទ្រង់ សុបិន្តអំពីទ្រង់ និងអធិស្ឋានសម្រាប់ការបង្ហាញព្រះកាយរបស់ទ្រង់—ប៉ុន្តែពេលនេះ ទ្រង់ពិតជានៅទីនេះពិតមែន ។ ថ្ងៃនេះ ពិតជាវិសេសណាស់ ! ព្រះដែលបង្វែររាល់រាត្រីដ៏ងងឹតទៅជាពន្លឺនាពេលព្រឹកបានយាងមកហើយ » ( Christ and the New Covenant [ ឆ្នាំ ១៩៩៧ ] ទំព័រ ២៥០–២៥១ ) ។

សូមមើលផងដែរ « Jesus Christ Appears in the Ancient Americas » ( វីដេអូ ) នៅលើបណ្ណាល័យដំណឹងល្អ ។

ព្រះយេស៊ូវគ្រីស្ទបង្ហាញ ព្រះកាយដល់ទ្វីបអាមេរិច ពីជំនាន់ដើម ៣ នីហ្វៃ ៨-១១
Ominous destruction comes upon the people of Ancient America. Hope returns as survivors gather and witness the Resurrected Christ descend from Heaven.

គំនិតសម្រាប់ការរៀនសូត្រនៅឯគេហដ្ឋាន និងសាសនាចក្រ

នីហ្វៃទី ៣ ៨–១១

ព្រះយេស៊ូវគ្រីស្ទជាពន្លឺនៃពិភពលោក ។

បងប្អូនអាចកត់សម្គាល់ឃើញថា ប្រធានបទទាំងឡាយដែលទាក់ទងទៅនឹងភាពងងឹត និងពន្លឺ គឺមានលើកឡើងដដែលៗនៅក្នុង នីហ្វៃទី ៣ ៨–១១ ទាំងមូល ។ តើបងប្អូនរៀនអ្វីខ្លះមកពីជំពូកទាំងនេះអំពីភាពងងឹត និងពន្លឺខាងវិញ្ញាណ ? ( ឧទាហរណ៍សូមមើល នីហ្វៃទី ៣ ៨:១៩–២៣; ៩:១៨; ១០:៩–១៣ ) ។ តើអ្វីខ្លះដែលនាំភាពងងឹតចូលមកក្នុងជីវិតរបស់បងប្អូន ? តើអ្វីខ្លះដែលនាំមកនូវពន្លឺ ? តើបងប្អូនគិតថា ហេតុអ្វីព្រះអង្គសង្គ្រោះបានណែនាំព្រះអង្គទ្រង់ថាជា « ជាពន្លឺ ហើយជាជីវិតនៃពិភពលោក » ? ( នីហ្វៃទី ៣ ៩:១៨; ១១:១១ ) ។

ព្រឹត្តិការណ៍ដែលបានពិពណ៌នានៅក្នុង នីហ្វៃទី ៣ ៩–១១ គឺស្ថិតក្នុងចំណោមព្រឹត្តិការណ៍ដ៏ពិសិដ្ឋបំផុតក្នុងព្រះគម្ពីរមរមន ។ សូមអានយឺតៗ ហើយពិចារណាដោយប្រុងប្រយ័ត្ន ។ នេះគឺជាសំណួរមួយចំនួនដើម្បីជួយដល់បងប្អូន ។ សូមពិចារណាកត់ត្រានូវចំណាប់អារម្មណ៍ដែលបងប្អូនមាន ។

តើខ្ញុំនឹងមានអារម្មណ៍យ៉ាងណា ប្រសិនបើខ្ញុំស្ថិតក្នុងចំណោមមនុស្សទាំងនេះ ?
តើអ្វីខ្លះធ្វើឲ្យខ្ញុំមានចាប់អារម្មណ៍ចំពោះព្រះអង្គសង្រ្គោះនៅក្នុងជំពូកទាំងនេះ ?
តើខ្ញុំដឹងថា ព្រះយេស៊ូវគ្រីស្ទគឺជាព្រះអង្គសង្គ្រោះរបស់ខ្ញុំដោយរបៀបណា ?
តើព្រះយេស៊ូវគ្រីស្ទជាពន្លឺនៅក្នុងជីវិតរបស់ខ្ញុំតាមរបៀបណា ?

សូមមើលផងដែរ ហ្សារ៉ុន អូប៊ែង « Christ: The Light That Shines in Darkness » Liahona ខែ ឧសភា ឆ្នាំ ២០១៩ ទំព័រ ៧៣–៧៦ ។

សូមកត់ត្រាចំណាប់អារម្មណ៍នានា ។ នៅពេលបងប្អូនសរសេរចំណាប់អារម្មណ៍ខាងវិញ្ញាណដែលបងប្អូនបានទទួល នោះបងប្អូនទំនងនឹងទទួលបានច្រើនជាងនេះ ។

នីហ្វៃទី ៣ ៩–១០

ព្រះយេស៊ូវគ្រីស្ទអន្ទះសាសព្វព្រះទ័យអភ័យទោស ។

អែលឌើរ នែល អិល អាន់ឌើរសិន បានមានប្រសាសន៍ថា « ខ្ញុំសូមថ្លែងទីបន្ទាល់ថា ព្រះអង្គសង្គ្រោះអាច ហើយចង់អភ័យទោសបាបរបស់យើង » ( « Repent … That I May Heal You » Liahona ខែ វិច្ឆិកា ឆ្នាំ ២០០៩ ទំព័រ ៤០ ) ។ សូមស្រាវជ្រាវ នីហ្វៃទី ៣ ៩–១០ រកមើលភស្ដុតាងនៃភាពអន្ទះសារបស់ព្រះគ្រីស្ទក្នុងការអភ័យទោសឲ្យ ។ តើបងប្អូនរកឃើញអ្វីខ្លះនៅក្នុង នីហ្វៃទី ៣ ៩:១៣–២២; ១០:១–៦ ដែលជួយបងប្អូនឲ្យទទួលបាននូវអារម្មណ៍នៃសេចក្ដីស្រឡាញ់ និងសេចក្ដីមេត្តាករុណារបស់ទ្រង់ ? តើបងប្អូនទទួលអារម្មណ៍ថា ទ្រង់ « ប្រមូល » និង« ចិញ្ចឹម » បងប្អូននៅពេលណាដែរ ? ( សូមមើល នីហ្វៃទី ៣ ១០:៤ ) ។

នីហ្វៃទី ៣ ៩:១៩–២២

ព្រះអម្ចាស់តម្រូវឲ្យមាន « ចិត្តសង្រេង និងវិញ្ញាណទន់ទាប » ។

មុនពេលព្រះអង្គសង្គ្រោះយាងមក នោះការបូជាសត្វគឺជានិមិត្តរូបនៃការបូជារបស់ព្រះយេស៊ូវគ្រីស្ទ ( សូមមើល ម៉ូសេ ៥:៥–៨ ) ។ តើព្រះអង្គសង្គ្រោះបានប្រទានបញ្ញាត្តិថ្មីអ្វីនៅក្នុង នីហ្វៃទី ៣ ៩:២០–២២ ? តើវាចង្អុលបង្ហាញយើងទៅកាន់ទ្រង់ និងដង្វាយធួនរបស់ទ្រង់ដោយរបៀបណា ?

តើវាន័យយ៉ាងណាចំពោះបងបង្អូនក្នុងការថ្វាយនូវចិត្តសង្រេង និងវិញ្ញាណទន់ទាប ? តើហេតុអ្វីបងប្អូនមានអារម្មណ៍ថា ព្រះអង្គសង្គ្រោះចង់បានការលះបង់នេះមកពីបងប្អូន ?

នីហ្វៃទី ៣ ១១:១–៨

ខ្ញុំអាចរៀនស្ដាប់ និងស្គាល់ព្រះសូរសៀងរបស់ព្រះបាន ។

តើបងប្អូនអាចដឹងថា នៅពេលណាដែលព្រះកំពុងមានបន្ទូលមកកាន់បងប្អូនដោយរបៀបណា ? ប្រហែលជាបទពិសោធន៍របស់ប្រជាជននៅក្នុង នីហ្វៃទី ៣ ១១:១–៨ អាចជួយបងប្អូនឲ្យយល់អំពីគោលការណ៍មួយចំនួនស្ដីពីការស្ដាប់ និងការស្គាល់ព្រះសូរសៀងរបស់ព្រះបាន ។ បងប្អូនអាចកត់ចំណាំអំពីលក្ខណៈនៃព្រះសូរសៀងរបស់ព្រះដែលមនុស្សបានស្ដាប់ឮ និងអ្វីដែលពួកគេបានយល់ដឹងកាន់តែច្បាស់អំពីព្រះសូរសៀងរបស់ទ្រង់ ។

វាក៏អាចជួយបានផងដែរ ដើម្បីស្វែងរកព្រះគម្ពីរផ្សេងទៀតដែលពិពណ៌នាអំពីព្រះសូរសៀងរបស់ព្រះ ឬឥទ្ធិពលនៃព្រះវិញ្ញាណរបស់ទ្រង់ ។ នេះគឺជារបៀបមួយចំនួន ។ ប្រហែលជាបន្ទាប់ពីការអានទាំងនេះ បងប្អូនអាចសរសេរគោលការណ៍ណែនាំមួយចំនួនដើម្បីរៀនស្គាល់វិវរណៈ ៖ ពង្សាវតារក្សត្រទី១ ១៩:១១–១២; កាឡាទី ៥:២២–២៣; អាលម៉ា ៣២:២៧–២៨, ៣៥; ហេលេមិន ១០:២–៤; អេធើរ ៤:១១–១២; គោលលទ្ធិ និងសេចក្តីសញ្ញា ៩:៧–៩; ១១:១១–១៤ ។

បងប្អូនក៏អាចទទួលបានប្រយោជន៍មកពីការស្តាប់ព្យាការី សាវក និងថ្នាក់ដឹកនាំសាសនាចក្រដទៃទៀតដែលមានបទពិសោធន៍ក្នុងការស្តាប់ និងការធ្វើតាមព្រះសូរសៀងរបស់ព្រះផងដែរ ។ ពួកលោកមួយចំនួនចែកចាយបទពិសោធន៍របស់ពួកគេនៅក្នុងកម្រងវីដេអូ « ស្តាប់ទ្រង់ ! » នៅលើបណ្ណាល័យដំណឹងល្អ ។ សូមពិចារណាមើលវីដេអូមួយ ឬច្រើន ។

តើបងប្អូននឹងអនុវត្តនូវអ្វីដែលបងប្អូនបានរៀនស្តាប់ និងស្គាល់ព្រះសូរសៀងរបស់ព្រះកាន់តែច្បាស់ឡើងដោយរបៀបណា ?

សូមមើលផងដែរ រ័សុល អិម ណិលសុន « Hear Him » Liahona ខែ ឧសភា ឆ្នាំ ២០២០ ទំព័រ ៨៨–៩២; « នេះជាបុត្រសំណព្វយើង » សៀវភៅចម្រៀងកុមារ ទំព័រ ១៤២; Gospel Topics « Personal Revelation » នៅលើបណ្ណាល័យដំណឹងល្អ ។

ព្រះយេស៊ូវបង្ហាញស្នាមនៅលើព្រះហស្តរបស់ទ្រង់ដល់ពួកសាសន៍នីហ្វៃ — One by One [ ម្ដងម្នាក់ៗ ] ដោយ វ៉លធើរ រ៉េន

នីហ្វៃទី ៣ ១១:៨–១៧

ព្រះយេស៊ូវគ្រីស្ទអញ្ជើញខ្ញុំឲ្យទទួលបានទីបន្ទាល់ផ្ទាល់ខ្លួនអំពីទ្រង់ ។

មនុស្សប្រហែល ២៥០០ នាក់បានប្រមូលផ្តុំគ្នានៅព្រះវិហារបរិសុទ្ធនៅក្នុងដែនដីបរិបូរណ៍ នៅពេលព្រះយេស៊ូវគ្រីស្ទបង្ហាញព្រះកាយ ( សូមមើល នីហ្វៃទី ៣ ១៧:២៥ ) ។ ក្រៅពីចំនួនដ៏ច្រើននោះ ព្រះអង្គសង្គ្រោះបានអញ្ជើញពួកគេគ្រប់គ្នាឲ្យពាល់ស្នាមដែកគោលនៅលើព្រះហស្ដ និងព្រះបាទារបស់ទ្រង់ « ម្ដងម្នាក់ៗ » ( នីហ្វៃទី ៣ ១១:១៤–១៥ ) ។ នៅពេលបងប្អូនអាន សូមស្រមៃមើលថា តើវានឹងមានសភាពយ៉ាងណាទៅ បើបាននៅទីនោះ ។ តើព្រះអង្គសង្គ្រោះអញ្ជើញបងប្អូនឲ្យ « ក្រោកឡើង ហើយមករក » ទ្រង់តាមវិធីណាខ្លះ ? ( នីហ្វៃទី ៣ ១១:១៤ ) ។

សម្រាប់គំនិតបន្ថែម សូមមើលទស្សនាវដ្តី លីអាហូណា និង ដើម្បីកម្លាំងនៃយុវជន ប្រចាំខែនេះ ។

គំនិតសម្រាប់បង្រៀនកុមារ

ពីព្រោះថ្ងៃអាទិត្យនេះ ជាថ្ងៃអាទិត្យទី៥ នៃខែនេះ គ្រូបង្រៀនអង្គការបឋមសិក្សាត្រូវបានលើកទឹកចិត្តឲ្យប្រើប្រាស់សកម្មភាពរៀននៅក្នុង « ឧបសម្ព័ន្ធ ខ ៖ ការរៀបចំកុមារឲ្យនៅលើផ្លូវនៃសេចក្តីសញ្ញារបស់ព្រះពេញមួយជីវិត » ។

នីហ្វៃទី៣ ៨–៩

នៅពេលខ្ញុំនៅក្នុងភាពងងឹត នោះព្រះយេស៊ូវគ្រីស្ទអាចក្លាយជាពន្លឺរបស់ខ្ញុំបាន ។

ដើម្បីជួយកូនៗរបស់បងប្អូនឲ្យមានទំនាក់ទំនងទៅនឹងបទពិសោធន៍ទាំងឡាយដែលបានពិពណ៌នានៅក្នុង នីហ្វៃទី ៣ ៨–៩ បងប្អូនអាចតំណាលឡើងវិញ ឬស្ដាប់ការថតជាសំឡេងនូវផ្នែកនានាក្នុងជំពូកទាំងនេះនៅក្នុងបន្ទប់ងងឹតមួយ ។ សូមពិភាក្សាថា តើវាមានសភាពយ៉ាងណាដែរ បើនៅក្នុងបន្ទប់ងងឹតអស់រយៈពេលបីថ្ងៃនោះ ។ បន្ទាប់មក បងប្អូនអាចនិយាយអំពីមូលហេតុដែលព្រះយេស៊ូវគ្រីស្ទហៅព្រះអង្គផ្ទាល់ថាជាពន្លឺនៃពិភពលោក ( សូមមើល នីហ្វៃទី ៣ ៩:១៨ ) ។ តើព្រះយេស៊ូវបានអញ្ជើញមនុស្សទូទៅ និងយើងឲ្យធ្វើអ្វីដើម្បីទ្រង់អាចជាពន្លឺរបស់យើងបាន ? ( សូមមើល នីហ្វៃទី ៣ ៩:២០–២២ ) ។

នីហ្វៃទី ៣ ១០:៤–៦

ព្រះយេស៊ូវការពាររាស្ត្ររបស់ទ្រង់ដូចជាមេមាន់ការពារកូនរបស់វាដែរ ។

រូបភាពអំពីមេមាន់ប្រមូលកូនមាន់ដាក់នៅក្រោមស្លាបវា អាចជាឧបករណ៍បង្រៀនដ៏មានអានុភាពមួយ ដើម្បីជួយកូនៗរបស់បងប្អូនឲ្យយល់អំពីឥរិយាបទ និងបេសកកម្មរបស់ព្រះអង្គសង្គ្រោះ ។ បងប្អូនអាចអាន នីហ្វៃទី ៣ ១០:៤–៦ ខណៈដែលគ្រួសាររបស់បងប្អូនមើលទៅរូបភាពមេមាន់ និងកូនមាន់ ។ តើហេតុអ្វីបានជាមេមាន់ចាំបាច់ត្រូវប្រមូលកូនៗរបស់វា ? តើហេតុអ្វីព្រះអង្គសង្គ្រោះចង់ប្រមូលយើងឲ្យនៅជិតទ្រង់ ? តើយើងទៅរកទ្រង់ដើម្បីមានសុវត្ថិភាពដោយរបៀបណា ?

នីហ្វៃទី ៣ ១១:១–១៥

ព្រះយេស៊ូវគ្រីស្ទអញ្ជើញខ្ញុំឲ្យមករកទ្រង់ ។

តើបងប្អូននឹងជួយកូនៗរបស់បងប្អូនឲ្យមានអារម្មណ៍ពីព្រះវិញ្ញាណ នៅពេលបងប្អូនអាន នីហ្វៃទី ៣ ១១:១–១៥ ជាមួយគ្នាដោយរបៀបណា ? ប្រហែលជាបងប្អូនអាចសុំឲ្យពួកគេប្រាប់បងប្អូន នៅពេលពួកគេរកឃើញអ្វីមួយនៅក្នុងខគម្ពីរទាំងនេះ ដែលជួយពួកគេឲ្យមានអារម្មណ៍នៃសេចក្ដីស្រឡាញ់របស់ព្រះ ។ បងប្អូនអាចធ្វើដូចគ្នាជាមួយនឹងរូបភាពនៅក្នុងគម្រោងមេរៀននេះ ឬវីដេអូ « Jesus Christ Appears at the Temple » ( បណ្ណាល័យដំណឹងល្អ ) ។ សូមប្រាប់កូនៗរបស់បងប្អូនអំពីអារម្មណ៍ដែលបងប្អូនមាន នៅពេលបងប្អូនអាន និងពិចារណាអំពីព្រឹត្តិការណ៍ទាំងនេះ ។ សូមអនុញ្ញាតឲ្យពួកគេចែកចាយបទពិសោធន៍របស់ពួកគេផងដែរ ។

5:40
Jesus Christ Appears at the Temple | 3 Nephi 11:1–17
The people of Ancient America come to Bountiful and gather. They hear the voice of God the Father introduce His Son. They witness Jesus descending from heaven and testify He is the Savior of the world.

នីហ្វៃទី ៣ ១១:១–៨

ព្រះមានបន្ទូលមកកាន់ខ្ញុំដោយសំឡេងតូចរហៀង ។

ប្រហែលជាបងប្អូនអាចអានខគម្ពីរទាំងនេះមួយចំនួនដោយ « សំឡេងតូច » រហៀង ( នីហ្វៃទី ៣ ១១:៣ ) ។ ឬបងប្អូនអាចចាក់បទចម្រៀងមួយបទស្ដាប់ ដូចជាបទ « នេះជាបុត្រសំណព្វយើង » ( សៀវភៅចម្រៀងកុមារ ទំព័រ ១៤២ ) ហើយបើកសំឡេងតិចៗបានហើយ ដើម្បីធ្វើឲ្យពិបាកស្តាប់ឮ ។ តើប្រជាជននេះបានធ្វើអ្វីខ្លះដើម្បីយល់ពីសំឡេងដែលមកពីស្ថានសួគ៌ ? ( សូមមើល ខទី ៥–៧ ) ។ តើយើងរៀនអ្វីខ្លះមកពីបទពិសោធន៍របស់ពួកគេ ?

នីហ្វៃទី ៣ ១១:២១–២៦

ព្រះយេស៊ូវគ្រីស្ទសព្វព្រះទ័យឲ្យខ្ញុំទទួលពិធីបុណ្យជ្រមុជទឹក ។

នៅពេលបងប្អូនអាន នីហ្វៃទី ៣ ១១:២១–២៦ បងប្អូនអាចអញ្ជើញកូនៗរបស់បងប្អូនឲ្យក្រោកឈរគ្រប់ពេលដែលពួកគេស្ដាប់ឮពាក្យ ជ្រមុជទឹក ។ តើព្រះយេស៊ូវបានបង្រៀនអ្វីខ្លះអំពីពិធីបុណ្យជ្រមុជទឹក ? ប្រសិនបើកូនៗរបស់បងប្អូនបានឃើញពិធីបុណ្យជ្រមុជទឹកពីមុន សូមឲ្យពួកគេពិពណ៌នាអំពីអ្វីដែលពួកគេបានឃើញ ។ ហេតុអ្វីបានជាព្រះសព្វព្រះទ័យឲ្យយើងទទួលពិធីបុណ្យជ្រមុជទឹក ?

ដើម្បីទទួលបានគំនិតបន្ថែម សូមមើលទស្សនាវដ្តី ប្រិយមិត្ត ប្រចាំខែនេះ ។

ព្រះយេស៊ូវបង្ហាញព្រះកាយដល់ពួកសាសន៍នីហ្វៃ — One Shepherd [ អ្នកគង្វាលម្នាក់ ] ដោយ ហោវើត លីអន ។

ទំព័រសកម្មភាព ៖ ព្រះយេស៊ូវអញ្ជើញខ្ញុំឲ្យមករកទ្រង់