« ថ្ងៃទី ៣០ ខែ ធ្នូ–ថ្ងៃទី ៥ ខែ មករា ៖ ‹ ការស្ដារឡើងវិញដែលបានសន្យាបន្តទៅមុខ › ៖ នៃភាពពេញលេញនៃដំណឹងល្អរបស់ព្រះយេស៊ូវគ្រីស្ទ » ចូរមកតាមខ្ញុំ—សម្រាប់គេហដ្ឋាន និងសាសនាចក្រ ៖ គោលលទ្ធិ និងសេចក្ដីសញ្ញា ឆ្នាំ ២០២៥ ( ឆ្នាំ ២០២៥ )
«ការស្ដារឡើងវិញនៃភាពពេញលេញនៃដំណឹងល្អរបស់ព្រះយេស៊ូវគ្រីស្ទ » ចូរមកតាមខ្ញុំ—សម្រាប់គេហដ្ឋាន និងសាសនាចក្រ ឆ្នាំ ២០២៥
ថ្ងៃទី ៣០ ខែ ធ្នូ–ថ្ងៃទី ៥ ខែ មករា ៖ « ការស្ដារឡើងវិញដែលបានសន្យាបន្តទៅមុខ »
ការស្ដារឡើងវិញនៃភាពពេញលេញនៃដំណឹងល្អរបស់ព្រះយេស៊ូវគ្រីស្ទ
តើបងប្អូនរំឭកខួបលើកទី ២០០ នៃព្រឹត្តិការណ៍មួយដែលបានផ្លាស់ប្ដូរពិភពលោកយ៉ាងដូចម្ដេច ? នោះគឺជាសំណួរដែលគណៈប្រធានទីមួយ និងកូរ៉ុមនៃពួកសាវកដប់ពីរនាក់បានពិចារណានៅ ខែ មេសា ឆ្នាំ ២០២០ ដែលបានចូលមកដល់ដែលមានរយៈពេល ២០០ ឆ្នាំ ចាប់តាំងពីទស្សនៈនិមិត្តដំបូងរបស់ យ៉ូសែប ស្ម៊ីធ ។ ប្រធាន រ័សុល អិម ណិលសុន បានរំឭកឡើងវិញថា ៖ «យើងឆ្ងល់ថាតើគួរសង់បូជនីយដ្ឋានមួយដែរឬទេ » ។ ប៉ុន្តែនៅពេលយើងពិចារណាអំពីផលប៉ះពាល់ជាប្រវត្តិសាស្ត្រ និងជាលក្ខណៈអន្តរជាតិនៃការនិមិត្តដំបូងនោះ យើងមានអារម្មណ៍បំផុសឲ្យបង្កើតបូជនីយដ្ឋានមួយដែលពុំមែនធ្វើឡើងពីថ្មក្រានីត ឬសីលាទេ ប៉ុន្តែដោយពាក្យសម្ដីវិញ … ដែលបានសរសេរឡើងពុំមែនចារនៅលើ ‹ បន្ទះថ្មដែរ › ទេ ប៉ុន្តែត្រូវបានឆ្លាក់នៅ ‹ ក្នុងចិត្តខាងសាច់ឈាម › នៃដួងចិត្តរបស់យើង [ កូរិនថូស ទី២ ៣:៣ ] » ( « Hear Him » Liahona ខែ ឧសភា ឆ្នាំ ២០២០ ទំព័រ ៩០ ) ។
បូជនីយដ្ឋាននៃពាក្យដែលពួកគេបានបង្កើតមានចំណងជើងថា « ការស្ដារឡើងវិញនៃភាពពេញលេញនៃដំណឹងល្អនៃព្រះយេស៊ូវគ្រីស្ទ ៖ ការប្រកាសដល់ពិភពលោកនៃខួបលើកទីពីររយឆ្នាំ » ។ វាជាបូជនីយដ្ឋានមួយមិនត្រឹមតែចំពោះនិមិត្តដំបូងប៉ុណ្ណោះទេ ក៏ប៉ុន្តែចំពោះអ្វីៗគ្រប់យ៉ាងដែលព្រះយេស៊ូវគ្រីស្ទបានធ្វើ—ហើយនៅតែបន្តធ្វើ—ចាប់តាំងពីពេលនោះមក ។ ការស្ដារឡើងវិញនៃដំណឹងល្អរបស់ទ្រង់បានចាប់ផ្ដើមនៅពេលមនុស្សម្នាក់បែរទៅរកព្រះ ហើយស្តាប់ទ្រង់ចុះ ។ វាបន្តតាមរបៀបដូចគ្នានេះ ៖ ជាបេះដូងតែមួយ បទពិសោធន៍ដ៏ពិសិដ្ឋតែមួយ—រួមទាំងបេះដូងបងប្អូនផងដែរ ។
គំនិតសម្រាប់ការរៀនសូត្រនៅឯគេហដ្ឋាន និងនៅព្រះវិហារ
« ព្រះស្រឡាញ់បុត្រាបុត្រីរបស់ទ្រង់គ្រប់ជាតិសាសន៍នៅក្នុងក្នុងលោកិយ » ។
តាមគំនិតរបស់បងប្អូន ហេតុអ្វីបានជាការប្រកាសអំពីការស្ដារឡើងវិញចាប់ផ្ដើមដោយមានសេចក្ដីថ្លែងការណ៍អំពីសេចក្ដីស្រឡាញ់របស់ព្រះ ? នៅពេលដែលបងប្អូនសិក្សាអំពីការប្រកាសនេះសូមស្វែងរកការបង្ហាញពីសេចក្ដីស្រឡាញ់របស់ព្រះចំពោះ « បុត្រាបុត្រីទ្រង់នៅគ្រប់ជាតិសាសន៍ក្នុងលោកិយ » ។ តើការស្ដារឡើងវិញនៃដំណឹងល្អបានជួយបងប្អូនឲ្យមានអារម្មណ៍នៃសេចក្ដីស្រឡាញ់របស់ទ្រង់យ៉ាងដូចម្ដេច ?
ហ្គើរីត ដបុលយូ ហ្គង « All Nations, Kindreds, and Tongues » Liahona ខែ វិច្ឆិកា ឆ្នាំ ២០២០ ទំព័រ ៣៨–៤១ ។
ការស្តារឡើងវិញបានចាប់ផ្តើមជាមួយនឹងចម្លើយមួយចំពោះសំណួរមួយ ។
វាអាចនិយាយបានថា ព្រះអង្គសង្គ្រោះបានចាប់ផ្ដើមស្ដារដំណឹងល្អរបស់ទ្រង់ឡើងវិញដោយការឆ្លើយតបទៅនឹងសំណួរមួយ ។ តើអ្នកមានអារម្មណ៍ថា ការប្រកាសអំពីការស្ដារឡើងវិញ មានសារលិខិតអ្វីសម្រាប់មនុស្សម្នាក់ដែលមានសំណួរអំពីព្រះ ដំណឹងល្អ ឬ « សេចក្ដីសង្គ្រោះនៃព្រលឹងរបស់គាត់ [ ឬនាង] » ? អ្នកក៏អាចសិក្សា យ៉ូសែប ស្ម៊ីធ—ប្រវត្តិ ១:៥–២០ ដើម្បីមើលនូវអ្វីដែលអ្នកអាចរៀនមកពី យ៉ូសែប ស្ម៊ីធ អំពីការស្វែងរកចម្លើយចំពោះសំណួរដំណឹងល្អ ។
សូមមើលTopics and Questionsផងដែរ « Seeking Answers » នៅក្នុងបណ្ណាល័យដំណឹងល្អ ។
សេចក្ដីលម្អិតមកពី The Desires of My Heart ( បំណងប្រាថ្នាក្នុងដួងចិត្តខ្ញុំ ) ដោយ វ៉លធើរ រេន
ព្រះយេស៊ូវគ្រីស្ទបានស្ដារសាសនាចក្ររបស់ទ្រង់ឡើងវិញ ។
តើបងប្អូនដឹងអ្វីខ្លះអំពី « សាសនាចក្រសញ្ញាថ្មីរបស់ព្រះគ្រីស្ទ » ដែលព្រះអង្គសង្គ្រោះបានស្ដារឡើងវិញតាមរយៈ យ៉ូសែប ស្ម៊ីធ ? សូមពិចារណាអំពីការសិក្សាបទគម្ពីរទាំងនេះ និងការរាយបញ្ជីលក្ខណៈពិសេសមួយចំនួននៃសាសនាចក្ររបស់ទ្រង់ ៖
បន្ទាប់មក បងប្អូនអាចផ្គូផ្គងទៅនឹងបទគម្ពីរខាងលើជាមួយនឹងបទគម្ពីរខាងក្រោម ដែលពិពណ៌នាអំពីរបៀបដែលព្រះយេស៊ូវគ្រីស្ទបានស្ដារលក្ខណៈពិសេសទាំងនោះនៃសាសនាចក្ររបស់ទ្រង់ឡើងវិញតាមរយៈ យ៉ូសែប ស្ម៊ីធ ៖
ហេតុអ្វីបងប្អូនមានអំណរគុណចំពោះការស្ដារឡើងវិញនៃដំណឹងល្អរបស់ព្រះយេស៊ូវគ្រីស្ទ ?
អែលឌើរ ជែហ្វ្រី អ័រ ហូឡិន និងភរិយារបស់លោក មានពេលមួយធ្លាប់ព្យាយាមស្រមៃពីអារម្មណ៍នៃការរស់នៅពីមុនសាសនាចក្រត្រូវបានស្តារឡើងវិញ ។ ពួកគេសួរខ្លួនឯងថា « តើយើងប្រាថ្នាចង់បានអ្វី? » ។ សូមអានអំពីបទពិសោធន៍របស់ពួកលោកនៅក្នុង « A Perfect Brightness of Hope » ( Liahona ខែ ឧសភា ២០២០ ទំព័រ ៨១-៨២ ) ។ តើការស្ដារឡើងវិញបានជួយបំពេញសេចក្ដីសង្ឃឹមខាងវិញ្ញាណរបស់បងប្អូនយ៉ាងដូចម្ដេច ?
សូមមើលTopics and Questionsផងដែរ « Apostasy and the Restoration of the Gospel » នៅបណ្ណាល័យដំណឹងល្អ ។
« ការស្ដារឡើងវិញដែលបានសន្យាបន្ដឆ្ពោះទៅមុខ» ។
តើបងប្អូនធ្លាប់គិតថាខ្លួនឯងជាផ្នែកមួយនៃការស្ដារឡើងវិញនៃដំណឹងល្អដែរឬទេ ? សូមពិចារណាពាក្យទាំងនេះមកពីប្រធាន ឌៀថើរ អេហ្វ អុជដូហ្វ ៖ « ពេលខ្លះយើងចាត់ទុកការស្ដារឡើងវិញនៃដំណឹងល្អថាជាអ្វីមួយដែលពេញលេញ ។… តាមពិតទៅ ការស្ដារឡើងវិញ គឺជាដំណើរការគ្មានទីបញ្ចប់ ដ្បិតពេលនេះយើងកំពុងរស់នៅក្នុងសម័យនៃការស្ដារឡើងវិញហើយ » ( « Are You Sleeping through the Restoration? » Liahona ខែ ឧសភា ឆ្នាំ ២០១៤ ទំព័រ ៥៩ ) ។
ពេលដែលបងប្អូនត្រៀមខ្លួនសិក្សាអំពីរបៀបដែលដំណឹងល្អត្រូវបានស្ដារឡើងវិញនៅទសវត្សរ៍ ឆ្នាំ ១៨០០ បងប្អូនអាចចាប់ផ្ដើមដោយពិចារណាអំពីរបៀបដែលវាត្រូវបានស្ដារឡើងវិញនៅក្នុងជីវិតរបស់បងប្អូន ។ សូមអាន ការប្រកាសអំពីការស្ដារឡើងវិញ ដោយមានសំណួរដូចនេះនៅក្នុងចិត្ត ៖ តើខ្ញុំបានដឹងដោយរបៀបណាថានេះជាការពិត ? តើខ្ញុំអាចចូលរួមនៅក្នុងដំណើរការនៃការស្តារឡើងវិញនេះដោយរបៀបណា ?
« ស្ថានសួគ៌បានបើក » ។
តើឃ្លា « ស្ថានសួគ៌បានបើក » មានអត្ថន័យយ៉ាងចំពោះបងប្អូន ? តើបងប្អូនមើលឃើញភស្តុតាងអ្វីខ្លះ—នៅក្នុង ការប្រកាសអំពីការស្ដារឡើងវិញ នៅក្នុងសាសនាចក្រសព្វថ្ងៃនេះ នៅក្នុងគម្ពីរ ហើយក្នុងជីវិតរបស់បងប្អូន—ថាស្ថានសួគ៌ពិតជាបានបើកមែន ?
បងប្អូនក៏អាចបញ្ចូលបទ « ថ្ងៃរះឡើងហើយ ( ទំនុកតម្កើង ល.រ ១ ) ជាផ្នែកមួយនៃការសិក្សារបស់បងប្អូនបានផងដែរ ។ តើបងប្អូនរកឃើញអ្វីខ្លះនៅក្នុងទំនុកតម្កើងនេះដែលបន្ថែមទៅលើការយល់ដឹងរបស់បងប្អូនអំពីឃ្លា « ស្ថានសួគ៌បានបើក » ?
សូមមើល ឃ្វីនថិន អិល ឃុក « The Blessing of Continuing Revelation to Prophets and Personal Revelation to Guide Our Lives » Liahona ខែ ឧសភា ឆ្នាំ ២០២០ ទំព័រ ៩៦–១០០ ។
រៀនជាមួយគ្នា ។ ប្រធាន ណិលសុន បានអញ្ជើញយើងឲ្យ « សិក្សា [ ការប្រកាសអំពីការស្ដារឡើងវិញ ] ជាឯកជន និងជាមួយសមាជិកគ្រួសារ និងមិត្តភក្ដិ [ របស់យើង ] ( « Hear Him » ទំព័រ ៩២ ) ។ សូមពិចារណាអំពីរបៀបដែលបងប្អូនអាចរួមបញ្ចូលអ្នកដទៃនៅក្នុងការសិក្សារបស់បងប្អូន ។
សម្រាប់គំនិតបន្ថែម សូមមើលទស្សនាវដ្តី លីអាហូណា និង ដើម្បីកម្លាំងនៃយុវជន ប្រចាំខែនេះ ។
គំនិតសម្រាប់បង្រៀនកុមារ
« យើងសូមប្រកាសដ៏ឧឡារិក » ។
-
នៅពេលដែលបងប្អូនអានផ្នែកខ្លះនៃ ការប្រកាសអំពីការស្តារឡើងវិញ ជាមួយកូនៗរបស់បងប្អូន ( ឬមើលវីដេអូរបស់ប្រធាន ណិលសុន អានការប្រកាសនោះ ) ជួយសូមពួកគេស្វែងរកប្រយោគដែលចាប់ផ្តើមដោយឃ្លាដូចជា « យើងប្រកាស » « យើងសូមប្រកាស » ឬ « យើងថ្លែងទីបន្ទាល់ » ។ តើព្យាការី និងពួកសាវករបស់យើងកំពុងប្រកាសសេចក្ដីពិតអ្វីខ្លះ ? ប្រហែលជាបងប្អូន និងកូនៗរបស់បងប្អូនអាចចែកចាយទីបន្ទាល់ផ្ទាល់ខ្លួនរបស់បងប្អូនអំពីសេចក្ដីពិតដូចគ្នាមួយចំនួន ។
6:0The Restoration of the Fulness of the Gospel of Jesus Christ
« យ៉ូសែប ស្ម៊ីធ … មានសំណួរ » ។
-
វាប្រហែលជាគួរឲ្យចាប់អារម្មណ៍ចំពោះកូនៗរបស់បងប្អូនដើម្បីស្វែងរកសំណួរមួយចំនួនដូច យ៉ូសែប ស្ម៊ីធ ដែលបានបណ្តាលឲ្យមានការស្តារឡើងវិញនៃដំណឹងល្អរបស់ព្រះអង្គសង្រ្គោះ ។ ជួយពួកគេស្វែងរកឧទាហរណ៍មួយចំនួននៅក្នុង យ៉ូសែប ស្ម៊ីធ—ប្រវត្តិ ១:១០, ២៩, ៦៨ ។ តើយើងមានពរយ៉ាងណានៅថ្ងៃនេះដោយសារព្រះទ្រង់ឆ្លើយសំណួររបស់ យ៉ូសែប ស្ម៊ីធ ?
-
បងប្អូនក៏អាចផ្ដល់ឱកាសឲ្យកូនៗរបស់បងប្អូននិយាយអំពីសំណួរដែលពួកគេមានផងដែរ ។ តើយើងរៀនអ្វីខ្លះមកពី យ៉ូសែប ស្ម៊ីធ អំពីរបៀបស្វែងរកចម្លើយ ? ( សូមមើល យ៉ូសែប ស្ម៊ីធ—ប្រវត្តិ ១:៨-១៧; សូមមើលផងដែរ ខទី៣ និង ខទី៤ នៃ « នេះជាបុត្រសំណព្វយើង » សៀវភៅចម្រៀងកុមារ ទំព័រ ១៤២ ) ។
« នោះសារទូតសួគ៌ាបានយាងមកបង្រៀនដល់យ៉ូសែប » ។
-
តើអ្នកណាជា « សារទូតសួគ៌ា [ ដែល ] មកបង្រៀនដល់ យ៉ូសែប » ? កូនៗរបស់បងប្អូនប្រហែលជារីករាយក្នុងការស្វែងរករូបភាពទាំងនោះនៅក្នុង សៀវភៅរូបភាពដំណឹងល្អ ( សូមមើលលេខ ៩១, ៩៣, ៩៤, ៩៥ ) ។ តើសារទូតនីមួយៗទាំងនេះបានជួយ « បង្កើតសាសនាចក្រនៃព្រះយេស៊ូវគ្រីស្ទឡើងវិញ » ដោយរបៀបណា ? បទគម្ពីរបានណែនាំនៅក្នុង ទំព័រសកម្មភាព សប្ដាហ៍នេះអាចជួយកូនរបស់បងប្អូនឆ្លើយសំណួរនេះបាន ។
ព្រះយេស៊ូវគ្រីស្ទបានស្ដារសាសនាចក្ររបស់ទ្រង់ឡើងវិញ ។
-
តើបងប្អូនអាចជួយកូនៗរបស់បងប្អូនឲ្យយល់អំពីអត្ថន័យនៃការស្តាសាសនាចក្ររបស់ព្រះអង្គសង្គ្រោះឡើងវិញដោយរបៀបណា ? ប្រហែលជាពួកគេអាចសង់ប៉មសាមញ្ញមួយចេញពីប្លុក ឬពែង និង « ស្ដារ » ឬសាងសង់វាឡើងវិញ ។ ឬបើកូនៗរបស់បងប្អូនធ្លាប់ជំនួសអ្វីមួយដោយសារតែវាត្រូវបានបាត់បង់ ឬខូចខាត នោះបងប្អូនអាចប្រៀបធៀបបទពិសោធន៍នោះទៅនឹងព្រះអង្គសង្រ្គោះស្តារសាសនាចក្ររបស់ទ្រង់ឡើងវិញ ។ សូមជួយពួកគេឲ្យរកឃើញរឿងជាក់លាក់ដែលបានលើកឡើងនៅក្នុង ការប្រកាសអំពីការស្តារឡើងវិញ ដែលព្រះអង្គសង្គ្រោះបានស្ដារឡើងវិញ ។
« ស្ថានសួគ៌បានបើក » ។
-
ដើម្បីបង្ហាញពីអត្ថន័យនៃឃ្លា « ស្ថានសួគ៌បានបើកឡើង » ប្រហែលជាបងប្អូនអាចចែកចាយសារលិខិតមួយជាមួយកូនៗរបស់បងប្អូន ដោយដំបូងនៅពីក្រោយទ្វារដែលបិទ ហើយបន្ទាប់មកតាមទ្វារបើកចំហ ។ សូមឲ្យពួកគេប្តូរវេនចែកចាយសារលិខិតមួយផងដែរ ។ តើព្រះយេស៊ូវគ្រីស្ទមានសារលិខិតអ្វីខ្លះសម្រាប់យើង ? តើមានបទពិសោធន៍អ្វីខ្លះដែលបានជួយយើងឲ្យដឹងថាស្ថានសួគ៌បានបើកចំពោះយើង ?
អំពីព្រះគម្ពីរគោលលទ្ធិ និងសេចក្ដីសញ្ញា ព្រះអម្ចាស់មានព្រះបន្ទូលម្តងទៀត
សម្រាប់គំនិតបន្ថែម សូមមើលទស្សនាវដ្តី ប្រិយមិត្ត ប្រចាំខែនេះ ។