« ថ្ងៃទី ១៣-១៩ ខែ មករា ៖ ‹ ខ្ញុំបានឃើញបង្គោលពន្លឺមួយ › ៖ យ៉ូសែប ស្ម៊ីធ—ប្រវត្តិ ១:១-២៦ » ចូរមកតាមខ្ញុំ—សម្រាប់គេហដ្ឋាន និងសាសនាចក្រ ៖ គោលលទ្ធិ និងសេចក្តីសញ្ញា ឆ្នាំ ២០២៥ ( ឆ្នាំ ២០២៥ )

« យ៉ូសែប ស្ម៊ីធ—ប្រវត្តិ ១:១-២៦ » ចូរមកតាមខ្ញុំ—សម្រាប់គេហដ្ឋាន និងសាសនាចក្រ ៖ ឆ្នាំ ២០២៥

ព្រៃពិសិដ្ឋ ដោយ ហ្រ្គេក អូលសិន

ថ្ងៃទី ១៣-១៩ ខែ មករា ៖ « ខ្ញុំបានឃើញបង្គោលពន្លឺមួយ »

យ៉ូសែប ស្ម៊ីធ—ប្រវត្តិ ១:១–២៦

បងប្អូនអាចនិយាយថា គោលលទ្ធិ និងសេចក្តីសញ្ញាគឺជាគម្ពីរមួយដែលឆ្លើយតបនឹងការអធិស្ឋាន ៖ វិវរណៈដ៏ពិសិដ្ឋជាច្រើននៅក្នុងគម្ពីរនេះបានមកពីការឆ្លើយតបចំពោះសំណួរ ។ សំណួរដែលបាននាំឲ្យចាប់ផ្ដើមគឺ—សំណួរមួយដែលនាំឲ្យមានការចាក់ស្រោចវិវរណៈនៅថ្ងៃចុងក្រោយ—ដែលត្រូវបានសួរដោយក្មេងប្រុសអាយុ ១៤ ឆ្នាំម្នាក់ ។ « ចម្បាំងខាងពាក្យសំដី និងការជ្រួលច្របល់ខាងគំនិតជឿ » ( យ៉ូសែប ស្ម៊ីធ—ប្រវត្តិ ១:១០ ) បានធ្វើឲ្យយ៉ូសែប ស្ម៊ីធ ច្របូកច្របល់អំពីសាសនា និងទំនាក់ទំនងរបស់លោកជាមួយព្រះ ។ ប្រហែលជាបងប្អូនអាចយល់អំពីរឿងនោះបាន ។ យើងរកឃើញមានគំនិតទាស់គ្នាជាច្រើន និងសំឡេងបញ្ចុះបញ្ចូលនៅជំនាន់របស់យើង ។ នៅពេលយើងចង់បែងចែកសារលិខិតទាំងនេះ ហើយស្វែងរកសេចក្ដីពិត នោះយើងអាចធ្វើអ្វីដែល យ៉ូសែប បានធ្វើ ។ យើងអាចសួរសំណួរ សិក្សាបទគម្ពីរ ជញ្ជឹងគិត ហើយទីបញ្ចប់ទូលសួរដល់ព្រះ ។ ជាចម្លើយដល់ការអធិស្ឋានរបស់ យ៉ូសែប នោះមានបង្គោលពន្លឺមួយលេចមកពីស្ថានសួគ៌។ ព្រះវរបិតា និងព្រះយេស៊ូវគ្រីស្ទបានបង្ហាញព្រះកាយ ហើយបានឆ្លើយនឹងសំណួររបស់លោក ។ ទីបន្ទាល់របស់ យ៉ូសែប អំពីបទពិសោធន៍ប្រកបដោយអព្ភូតហេតុនោះបានប្រកាសយ៉ាងក្លាហានថា នរណាម្នាក់ « ដែល [ ខ្វះ ] ប្រាជ្ញា នោះអាចសូមដល់ព្រះ ហើយនឹងបានទទួលដោយឥតបន្ទោសផង » ( យ៉ូសែប ស្ម៊ីធ—ប្រវត្តិ ១:២៦ ) ។ យើងទាំងអស់គ្នាអាចទទួលបាន ប្រសិនបើមិនមែនជាការនិមិត្តមកពីស្ថានសួគ៌ទេនោះ យ៉ាងហោចណាស់ក៏ការនិមិត្តដ៏ច្បាស់លាស់មួយ ដែលបង្ហាញដោយសារពន្លឺពីស្ថានសួគ៌ដែរ ។

គំនិតសម្រាប់ការរៀនសូត្រនៅឯគេហដ្ឋាន និងនៅព្រះវិហារ

យ៉ូសែប ស្ម៊ីធ—ប្រវត្តិ ១:៥–២៦

យ៉ូសែបគឺជាព្យាការីនៃការស្ដារឡើងវិញ ។

គោលបំណងនៃប្រវត្តិរបស់ យ៉ូសែប ស៊្មីធ គឺដើម្បីដាក់យើងទៅ « រកសេចក្ដីពិតចំពោះការពិតត្រង់ » ពីព្រោះសេចក្ដីពិតអំពី យ៉ូសែប ត្រូវបានគេបកស្រាយខុសជារឿយៗ ( យ៉ូសែប ស្ម៊ីធ—ប្រវត្តិ ១:១ ) ។ នៅពេលបងប្អូនអាន យ៉ូសែប ស្ម៊ីធ—ប្រវត្តិ ១:១–២៦ តើអ្វីទៅដែលបានពង្រឹងទីបន្ទាល់របស់បងប្អូនអំពីការហៅដ៏ទេវភាពរបស់លោក ?

សូមមើលផងដែរ ពួកបរិសុទ្ធ, ១:៣–១៩ ។

យ៉ូសែប ស្ម៊ីធ—ប្រវត្តិ ១:៥-២៥

តើខ្ញុំអាចទទួលចម្លើយចំពោះការអធិស្ឋានរបស់ខ្ញុំដោយរបៀបណា ?

តើបងប្អូនធ្លាប់ « ខ្វះប្រាជ្ញា » ឬមានអារម្មណ៍ថាភាន់ច្រឡំដោយសារការសម្រេចចិត្តដែលបងប្អូនត្រូវធ្វើដែរឬទេ ? ( យ៉ូសែប ស៊្មីធ—ប្រវត្តិ ១:១៣ ) ។ បទពិសោធន៍ដែល យ៉ូសែប ស្ម៊ីធ មាននៅ ឆ្នាំ ១៨២០ អាចធ្វើជាគំរូដ៏ល្អមួយសម្រាប់វិវរណៈផ្ទាល់ខ្លួនរបស់បងប្អូនផ្ទាល់បាន ។ ឧទាហរណ៍ នៅពេលបងប្អូនស្វែងរក យ៉ូសែប ស្ម៊ីធ—ប្រវត្ដិ ១:៥–២៥ សូមស្វែងរកបទពិសោធន៍ដែលបងប្អូនអាចទាក់ទងបាន ។ តើបងប្អូនរៀនអ្វីខ្លះអំពីទ្រង់ ៖

តើ យ៉ូសែប ស្ម៊ីធ បានរៀបចំខ្លួនសម្រាប់បទពិសោធន៍ដ៏ពិសិដ្ឋក្នុងការអធិស្ឋានដោយរបៀបណា ? ( សូមមើល វគ្គទី ៨, ១១, ១៤-១៥ ) ។
តួនាទីនៃការសិក្សាព្រះគម្ពីរក្នុងការស្វែងរកវិវរណៈ ? ( សូមមើល វគ្គទី ១១-១២ ) ។
តើត្រូវធ្វើអ្វីខ្លះនៅពេលបងប្អូនប្រឈមមុខនឹងការប្រឆាំង ? ( សូមមើល វគ្គទី ១៥-១៦, ២១-២៦ ) ។
ទទួលយក និងធ្វើសកម្មភាពលើចម្លើយដែលបងប្អូនទទួលបានឬ ? ( សូមមើល វគ្គទី ១៨-២៥ ) ។

អញ្ជើញឲ្យចែកចាយ ។ ការស្វែងរកព្រះគម្ពីរអញ្ជើញនូវចំណាប់អារម្មណ៍មកពីព្រះវិញ្ញាណបរិសុទ្ធ ។ ការចែកចាយចំណាប់អារម្មណ៍ទាំងនេះអាចអញ្ជើញព្រះវិញ្ញាណបរិសុទ្ធឲ្យធ្វើជាសាក្សីដល់អ្នកដទៃ ព្រមទាំងចំពោះបុគ្គលដែលកំពុងចែកចាយផងដែរ ។

តើបងប្អូនអាចទទួលបានការយល់ដឹងបន្ថែមអ្វីខ្លះ មកពីអត្ថបទរបស់ប្រធាន ហែនរី ប៊ី អាវរិង « The First Vision: A Pattern for Personal Revelation » ? ( Liahona ខែ កុម្ភៈ ឆ្នាំ ២០២០ ទំព័រ ១២-១៧ ) ។

បងប្អូនក៏អាចស្វែងរកគំរូផ្សេងៗទៀតនៅក្នុងព្រះគម្ពីរ អំពីមនុស្សដែលមានទំនាក់ទំនងជាមួយនឹងព្រះផងដែរ ។ រូបភាពក្នុង សៀវភៅរូបភាពដំណឹងល្អ ឬសៀវភៅ ចូរមកតាមខ្ញុំ អាចផ្ដល់គំនិតដល់បងប្អូនបាន ។ សូមព្យាយាមឆ្លើយសំណួរដែលបានរាយពីមុនសម្រាប់ឧទាហរណ៍នីមួយៗដែលបងប្អូនរកឃើញ ។ តើបងប្អូនបានទទួលចម្លើយអ្វីខ្លះចំពោះការអធិស្ឋាន ? តើបងប្អូនអាចធ្វើអ្វីខ្លះដើម្បីជួយអ្នកដទៃឲ្យមានបទពិសោធន៍ល្អផងដែរ ?

សូមមើលផងដែរ រ័សុល អិម ណិលសុន « Hear Him » Liahona ខែ ឧសភា ឆ្នាំ ២០២០ ទំព័រ ៨៨-៩២; Topics and Questions « Personal Revelation » បណ្ណាល័យដំណឹងល្អ ។

យ៉ូសែប ស្ម៊ីធ—ប្រវត្តិ ១:១៥–២០

យ៉ូសែប ស្ម៊ីធ បានឃើញព្រះជាព្រះវរបិតា និងព្រះរាជបុត្រារបស់ទ្រង់ ព្រះយេស៊ូវគ្រីស្ទ ។

យ៉ូសែប ស៊្មីធ បានទុកចិត្តថាព្រះនឹងឆ្លើយតបការអធិស្ឋានរបស់លោក ប៉ុន្ដែលោកមិនអាចដឹងពីរបៀបដែលចម្លើយនោះនឹងផ្លាស់ប្ដូរជីវិតរបស់លោកឡើយ—ព្រមទាំងពិភពលោកដែរ ។ នៅពេលបងប្អូនអានអំពីបទពិសោធន៍របស់យ៉ូសែប សូមគិតអំពីរបៀបដែលការនិមិត្តដំបូងបានផ្លាស់ប្ដូរជីវិតរបស់បងប្អូន ។

ឧទាហរណ៍ ការនិមិត្តដំបូងបានបង្ហាញនូវសេចក្ដីពិតជាច្រើនអំពីព្រះវរបិតា និងព្រះរាជបុត្រារបស់ទ្រង់ គឺព្រះយេស៊ូវគ្រីស្ទ ដែលខុសប្លែកពីអ្វីដែលមនុស្សជាច្រើននៅសម័យយ៉ូសែប ជឿ ។ នៅពេលដែលបងប្អូនអាន យ៉ូសែប ស្ម៊ីធ—ប្រវត្តិ ១:១៥-២០ សូមពិចារណាសរសេរវិធីផ្សេងៗដើម្បីបំពេញសេចក្ដីថ្លែងការដូចនេះថា ៖ « ដោយសារតែការនិមិត្តដំបូងបានកើតឡើងខ្ញុំដឹងថា … »

តើបងប្អូនមានអារម្មណ៍យ៉ាងណាពេលបងប្អូនសញ្ជឹងគិតអំពីបទពិសោធន៍របស់យ៉ូសែប និងអ្វីៗគ្រប់យ៉ាងដែលបានកើតឡើងដោយសាការនិមិត្តដំបូងនោះ ?

សូមមើលផងដែរ « សូមសួរដល់ព្រះ ៖ ការនិមិត្តដំបូងរបស់យ៉ូសែប » ( វីដេអូ ); នៅក្នុងបណ្ណាល័យដំណឹងល្អ « ការអធិស្ឋានដំបូងរបស់យ៉ូសែប ស៊្មីធ » ទំនុកតម្កើង ល.រ. ១៥ ។

ទូលសូមដល់ព្រះ ៖ ការនិមិត្តដំបូងរបស់យ៉ូសែប ស្ម៊ីធ

យ៉ូសែប ស្ម៊ីធ នៅក្នុងព្រៃពិសិដ្ឋ — ព័ត៌មានលម្អិតពី If Any of You Lack Wisdom [ បើអ្នករាល់គ្នាណាមួយខ្វះប្រាជ្ញា ] ដោយ វ៉លធើរ រ៉េន

យ៉ូសែប ស្ម៊ីធ—ប្រវត្តិ ១:១៥–២០

ហេតុអ្វីមានដំណើររឿងផ្សេងគ្នាអំពីការនិមិត្តដំបូង ?

ក្នុងឆាកជីវិតរបស់លោក យ៉ូសែប ស៊្មីធ បានកត់ត្រាបទពិសោធន៍របស់លោកនៅក្នុងព្រៃពិសិដ្ឋយ៉ាងហោចណាស់បួនដង ជាញឹកញាប់ដោយប្រើស្មៀនកត់ឲ្យ ។ លើសពីនេះដំណើររឿងប្រាប់បន្ដគ្នាជាច្រើនត្រូវបានសរសេរដោយមនុស្សដែលបានឮ យ៉ូសែប និយាយអំពីការនិមិត្តរបស់លោក ។ ទោះបីជាដំណើររឿងទាំងនេះខុសគ្នាក្នុងសេចក្ដីលម្អិតខ្លះៗក្ដី វាអាស្រ័យលើអ្នកនិពន្ត អ្នកស្ដាប់ និងមជ្ឈដ្ឋានក៏វានៅតែស៊ីចង្វាក់គ្នាដែរ ។ ហើយដំណើររឿងនីមួយៗបន្ថែមសេចក្ដីលម្អិតដែលជួយយើងឲ្យយល់អំពីបទពិសោធន៍របស់ យ៉ូសែប ស៊្មីធ កាន់តែច្បាស់ គឺដូចជាដំណឹងល្អព្រះគម្ពីរសញ្ញាថ្មីទាំងបួននីមួយៗជួយយើងឲ្យយល់អំពីការងារបម្រើរបស់ព្រះអង្គសង្គ្រោះកាន់តែច្បាស់ ។

សូមមើលផងដែរ Topics and Questions « First Vision Accounts » នៅក្នុងបណ្ណាល័យដំណឹងល្អ ។

យ៉ូសែប ស៊្មីធ—ប្រវត្តិ ១:២១–២៦

ខ្ញុំអាចបន្ដស្មោះត្រង់ចំពោះអ្វីដែលខ្ញុំដឹង ទោះបីជាមនុស្សដទៃបដិសេធខ្ញុំក្ដី ។

បន្ទាប់ពីការនិមិត្តដំបូងដ៏អស្ចារ្យរបស់លោក យ៉ូសែប ស្ម៊ីធ មានចិត្តចង់ចែកចាយបទពិសោធន៍របស់លោកជាមួយអ្នកដទៃ ។ ការប្រឆាំងដែលលោកបានប្រឈមមុខធ្វើឲ្យលោកភ្ញាក់ផ្អើល ។ នៅពេលបងប្អូនអានដំណើររឿងរបស់ យ៉ូសែប តើអ្វីខ្លះដែលបំផុសគំនិតបងប្អូនឲ្យបន្ដស្មោះត្រង់ចំពោះទីបន្ទាល់របស់បងប្អូន ? តើមានគំរូផ្សេងទៀតអ្វីខ្លះ—មកពីព្រះគម្ពីរ ឬមនុស្សដែលបងប្អូនស្គាល់—ដែលផ្ដល់សេចក្តីក្លាហានឲ្យបងប្អូនដើម្បីបន្ដនៅស្មោះត្រង់ចំពោះបទពិសោធន៍ខាងវិញ្ញាណដែលបងប្អូនមាន ?

សូមមើលផងដែរ ហ្គែរី អ៊ី ស្ទីវ៉ែនសុន « ការថែទាំ និងការថ្លែងទីបន្ទាល់របស់បងប្អូន » លីអាហូណា ខែ វិច្ឆិកា ឆ្នាំ ២០២២ ទំព័រ ១១១–១១៤ ។

សម្រាប់គំនិតបន្ថែម សូមមើលទស្សនាវដ្តី លីអាហូណា និង ដើម្បីកម្លាំងនៃយុវជន ប្រចាំខែនេះ ។

គំនិតសម្រាប់បង្រៀនកុមារ

យ៉ូសែប ស្ម៊ីធ—ប្រវត្តិ ១:៣–១៤

យ៉ូសែប ស៊្មីធ ត្រូវបានរៀបចំឲ្យធ្វើជាព្យាការីម្នាក់របស់ព្រះ ។

ការរៀនអំពីយុវវ័យរបស់ យ៉ូសែប ស្ម៊ីធ អាចជួយកុមារមានទំនាក់ទំនងនឹងលោក ហើយរៀបចំខ្លួនដើម្បីរៀនមកពីបទពិសោធន៍របស់លោក ។ ប្រហែលជាពួកគេអាចកាន់រូបភាពមួយរបស់ យ៉ូសែប ស្ម៊ីធ ហើយចែកចាយអ្វីដែលពួកគេដឹងអំពីលោក ។ បើចាំបាច់ បងប្អូនប្រហែលជាអាចបន្ថែមការពិតមួយចំនួនអំពីលោកចេញមកពី យ៉ូសែប ស្ម៊ីធ—ប្រវត្ដិ ១:៣-១៤ ( សូមមើលផងដែរ « ជំពូកទី ១ ៖ យ៉ូសែប ស្ម៊ីធ និងក្រុមគ្រួសាររបស់លោក » នៅក្នុង ដំណើររឿងព្រះគម្ពីរគោលលទ្ធិ និងសេចក្តីសញ្ញា ៦-៨ ឬវីដេអូដែលត្រូវគ្នានៅក្នុងបណ្ណាល័យដំណឹងល្អ ) ។ តើយ៉ូសែប មានបទពិសោធន៍អ្វីខ្លះដែលបានជួយរៀបចំលោកដើម្បីក្លាយជាព្យាការី ? តើព្រះអាចនឹងកំពុងរៀបចំយើងឲ្យធ្វើអ្វី ?

3:22
គ្រួសាររបស់ យ៉ូសែប ស្ម៊ីធ ៖ គ្រួសារនៃសេចក្ដីជំនឿ

គំនូររបស់ យ៉ូសែប ស្ម៊ីធ ជុញ្ញ័រ និងការនិមិត្តដំបូង — ព័ត៌មានលម្អិតមកពី ការនិមិត្តដំបូងរបស់ យ៉ូសែប ស្ម៊ីធ ដោយ ហ្គ្រេក អូលសិន

យ៉ូសែប ស្ម៊ីធ—ប្រវត្តិ ១:១០-១៣

ព្រះអាចឆ្លើយតបចំពោះសំណួររបស់ខ្ញុំតាមរយៈបទគម្ពីរ ។

សូមពិចារណាបង្ហាញកូនៗរបស់បងប្អូននូវសៀវភៅផ្សេងៗរួមទាំងព្រះគម្ពីរផងដែរ ។ សូមជួយពួកគេឲ្យគិតអំពីសំណួរដែលសៀវភៅទាំងនេះអាចឆ្លើយបាន ។ សូមអានជាមួយគ្នានៅក្នុង យ៉ូសែប ស្ម៊ីធ—ប្រវត្តិ ១:១០–១១ ដើម្បីស្វែងរកសំណួរអ្វីខ្លះដែល យ៉ូសែប ស្ម៊ីធ បានសួរ និងតើចម្លើយអ្វីខ្លះដែលលោកបានរកឃើញនៅក្នុងព្រះគម្ពីរ ។
កូនៗរបស់បងប្អូនអាចស្វែងរកពាក្យនៅក្នុង ខទី ១២ ដែលពិពណ៌នាអំពីរបៀបដែលការអាន យ៉ាកុប ១:៥ បានប៉ះពាល់ដល់ យ៉ូសែប ។ បន្ទាប់មកបងប្អូនអាចចែកចាយបទពិសោធន៍ជាមួយគ្នាអំពីវគ្គមួយនៃបទគម្ពីរដែលមានឥទ្ធិពលយ៉ាងខ្លាំងទៅលើបងប្អូន ។ បងប្អូនក៏អាចច្រៀងចម្រៀងមួយបទជាមួយគ្នាអំពីការអានព្រះគម្ពីរ ដូចជាបទ « ស្វែងរកជញ្ជឹងគិត អធិស្ឋាន » ( សៀវភៅចម្រៀងកុមារ ទំព័រ ៦៦ ) ។ តើបទចម្រៀងនេះបង្រៀនអ្វីខ្លះអំពីមូលហេតុដែលយើងអានព្រះគម្ពីរ ?

យ៉ូសែប ស្ម៊ីធ—ប្រវត្តិ ១:១០–១៧

ព្រះវរបិតាសួគ៌ស្ដាប់ឮ ហើយឆ្លើយតបការអធិស្ឋានរបស់ខ្ញុំ ។

ដើម្បីចាប់ផ្តើមការពិភាក្សាអំពីរបៀបដែលយើងប្រាស្រ័យទាក់ទងជាមួយព្រះវរបិតាសួគ៌ ប្រហែលជាបងប្អូន និងកូនៗរបស់បងប្អូនអាចសួរសំណួរគ្នាទៅវិញទៅមកដោយប្រើវិធីសាស្រ្តទំនាក់ទំនងផ្សេងៗដូចជាការផ្ញើសារ ការហៅតាមទូរសព្ទ ឬសរសេរសំបុត្រដោយដៃ ។ តើយើងសួរសំណួរទៅកាន់ព្រះវរបិតាសួគ៌ដោយរបៀបណា ? តើយើងបង្ហាញទ្រង់ថាយើងស្រឡាញ់ និងផ្តល់កិត្តិយសដល់ទ្រង់នៅក្នុងការអធិស្ឋានរបស់យើងដោយរបៀបណា ? សូមអាន យ៉ូសែប ស្ម៊ីធ—ប្រវត្ដិ ១:១៦-១៩ ជាមួយគ្នា ហើយពិភាក្សាអំពីរបៀបដែលព្រះវរបិតាសួគ៌ឆ្លើយតបការអធិស្ឋានរបស់ យ៉ូសែប ស្ម៊ីធ ។ បន្ទាប់មកបងប្អូន និងកូនៗរបស់បងប្អូនអាចចែកចាយបទពិសោធន៍ពីពេលបងប្អូនបានទូលសុំជំនួយពីព្រះ ហើយបានទទួលចម្លើយ ។

យ៉ូសែប ស្ម៊ីធ--ប្រវត្តិ ១:១៧–១៩

យ៉ូសែប ស្ម៊ីធ បានឃើញព្រះជាព្រះវរបិតា និងព្រះរាជបុត្រារបស់ទ្រង់ ព្រះយេស៊ូវគ្រីស្ទ ។

កុមារតូចៗប្រហែលជារីករាយក្នុងការឈរដោយដៃលាតសន្ធឹងដូចជាដើមឈើនៅក្នុងព្រៃពិសិដ្ឋខណៈពេលដែលបងប្អូនប្រាប់ពួកគេអំពីការនិមិត្តដំបូង ។ សូមឲ្យកុមារយោលខ្លួនដូចជាត្រូវខ្យល់បក់ខណៈពេលដែលបងប្អូននិយាយអំពីការអធិស្ឋានរបស់យ៉ូសែប ។ បន្ទាប់មក សូមឲ្យពួកគេឈរស្ងៀមស្ងាត់ពេលបងប្អូនប្រាប់ពួកគេថាព្រះវរបិតាសួគ៌ និងព្រះយេស៊ូវបានបង្ហាញព្រះកាយដល់ យ៉ូសែប ។
កុមារធំៗអាចរីករាយក្នុងការប្រើប្រាស់រូបភាពមួយ ឬច្រើននៅក្នុងគម្រោងមេរៀននេះ ដើម្បីប្រាប់បងប្អូនពីអ្វីដែលពួកគេដឹងអំពីការនិមិត្តដំបូង ។ សូមលើកទឹកចិត្តពួកគេឲ្យយោងទៅលើ យ៉ូសែប ស្ម៊ីធ—ប្រវត្តិ ១:១៤-១៧ និងដើម្បីចែកចាយគំនិត និងអារម្មណ៍របស់ពួកគេអំពីបទពិសោធន៍របស់ យ៉ូសែប ( សូមមើលផងដែរ « ជំពូកទី ២ ៖ ការនិមិត្តដំបូងរបស់យ៉ូសែប » នៅក្នុង គោលលទ្ធិ និងសេចក្តីសញ្ញា ៩-១២ ឬវីដេអូដែលត្រូវគ្នានៅក្នុងបណ្ណាល័យដំណឹងល្អ ) ។

3:22
គ្រួសាររបស់ យ៉ូសែប ស្ម៊ីធ ៖ គ្រួសារនៃសេចក្ដីជំនឿ

សម្រាប់គំនិតបន្ថែម សូមមើលទស្សនាវដ្តី ប្រិយមិត្ត ប្រចាំខែនេះ ។

ដំណើររឿងនៃការនិមិត្តដំបូង — ( Truth Restored សេចក្ដីពិតត្រូវបានស្ដាឡើងវិញ )ដោយ ឡេអូន ផាសុន