« ថ្ងៃទី ៧-១៣ ខែ មេសា ៖ ‹ បន្លឺសំឡេងរបស់អ្នកឡើង … ដើម្បីប្រកាសប្រាប់ពីដំណឹងល្អរបស់យើង › ៖ គោលលទ្ធិ និងសេចក្តីសញ្ញា ៣០–៣៦ » ចូរមកតាមខ្ញុំ—សម្រាប់គេហដ្ឋាន និងសាសនាចក្រ ៖ គោលលទ្ធិ និងសេចក្តីសញ្ញាឆ្នាំ ២០២៥ ( ឆ្នាំ ២០២៥ )

« គោលលទ្ធិ និងសេចក្តីសញ្ញា ៣០-៣៦ » ចូរមកតាមខ្ញុំ—សម្រាប់គេហដ្ឋាន និងសាសនាចក្រ ៖ ឆ្នាំ ២០២៥

ថ្ងៃទី ៧-១៣ ខែ មេសា ៖ « បន្លឺសំឡេងរបស់អ្នកឡើង … ដើម្បីប្រកាសប្រាប់ពីដំណឹងល្អរបស់យើង »

គោលលទ្ធិ និងសេចក្ដីសញ្ញា ៣០–៣៦

ផាលី ភី ប្រាត្ត ជាសមាជិកម្នាក់ក្នុងសាសនាចក្របានប្រហែលមួយខែនៅពេលលោកត្រូវបានហៅឲ្យ « ចូលទៅក្នុងទីរហោស្ថាន » ដើម្បីផ្សាយដំណឹងល្អ ( គោលលទ្ធិ និងសេចក្ដីសញ្ញា ៣២:២ ) ។ ថូម៉ាស ប៊ី ម៉ាស ជាសមាជិកម្នាក់ក្នុងសាសនាចក្ររយៈពេលខ្លីជាងនោះទៅទៀតនៅពេលលោកត្រូវបានប្រាប់អំពី « ម៉ោងនៃបេសកកម្មរបស់អ្នកមកដល់ហើយ » ( គោលលទ្ធិ និងសេចក្ដីសញ្ញា ៣១:៣ ) ។ ដូចគ្នាដែរ អរសិន ប្រាត្ត,អេតវើឌ ផាទ្រិច និងមនុស្សដទៃទៀតជាច្រើន ជ្រមុជទឹកមិនទាន់បានប៉ុន្មានផងនៅពេលការហៅបេសកកម្មរបស់ពួកគេបានមកដល់ ។ ប៉ុន្ដែក៏មានមេរៀនមួយនៅក្នុងគំរូនេះសម្រាប់យើងសព្វថ្ងៃនេះផងដែរ ៖ ប្រសិនបើបងប្អូនដឹងគ្រប់គ្រាន់ល្មមដើម្បីទទួលយកដំណឹងល្អដែលបានស្ដារឡើងវិញ តាមរយៈការជ្រមុជទឹក អ្នកដឹងគ្រប់គ្រាន់ល្មមនឹងចែកចាយវាជាមួយមនុស្សដទៃហើយ ។ ពិតណាស់យើងតែងចង់បង្កើនចំណេះដឹងរបស់យើងអំពីដំណឹងល្អ ប៉ុន្ដែព្រះមិនដែលស្ទាក់ស្ទើរនឹងហៅ « ពួកអ្នកដែលពុំបានរៀនសូត្រ » ឲ្យផ្សាយដំណឹងល្អរបស់ទ្រង់ឡើយ ( គោលលទ្ធិ និងសេចក្ដីសញ្ញា ៣៥:១៣ ) ។ តាមពិតទៅទ្រង់អញ្ជើញយើងទាំងអស់គ្នាឲ្យ « បើកមាត់របស់អ្នក ដើម្បីប្រកាសប្រាប់ពីដំណឹងល្អរបស់យើង » ( គោលលទ្ធិ និងសេចក្ដីសញ្ញា ៣០:៥ ) ។ ហើយយើងធ្វើការណ៍នោះឲ្យល្អបំផុតមិនមែនតាមរយៈប្រាជ្ញា និងបទពិសោធន៍ផ្ទាល់ខ្លួនយើងទេប៉ុន្ដែ« ដោយសារព្រះចេស្ដានៃ[ ព្រះ ]វិញ្ញាណ »( គោលលទ្ធិ និងសេចក្ដីសញ្ញា ៣៥:១៣ ) ។

សូមមើលផងដែរ « The Faith and Fall of Thomas Marsh » « Ezra Thayer: From Skeptic to Believer »Orson Pratt’s Call to Serve » នៅក្នង Revelations in Context ទំព័រ ៥៤–៦៩ ។

គំនិតសម្រាប់ការរៀនសូត្រនៅឯគេហដ្ឋាន និងនៅព្រះវិហារ

ខ្ញុំត្រូវបានហៅឲ្យធ្វើជាសាក្សីរបស់ព្រះយេស៊ូវគ្រីស្ទ ។

មិនថាបងប្អូនមានការហៅជាផ្លូវការជាអ្នកផ្សព្វផ្សាយសាសនាឬអត់នោះទេ បងប្អូនអាចជាសាក្សីរបស់ព្រះយេស៊ូវគ្រីស្ទ « នៅគ្រប់ពេល និងគ្រប់សេចក្ដី និងគ្រប់ទីកន្លែង » ( ម៉ូសាយ ១៨:៩ ) ។ នៅពេលបងប្អូនសិក្សា គោលលទ្ធិ និងសេចក្ដីសញ្ញា ៣០–៣៦ សូមកត់ត្រាអំពីឱកាសដើម្បីចែកចាយដំណឹងល្អរបស់បងប្អូន ។ បងប្អូនអាចធ្វើបញ្ជីនៃអ្វីដែលព្រះអម្ចាស់បានសុំពីបងប្អូន និងបញ្ជីនៃសេចក្ដីសន្យាមួយទៀតដែលព្រះអម្ចាស់ធ្វើនៅពេលដែលបងប្អូនចែកចាយដំណឹងល្អ ( ឧទាហរណ៍សូមមើល គោលលទ្ធិ និងសេចក្ដីសញ្ញា ៣០:៨; ៣១:៣–៥; ៣២:១; ៥; ៣៥:១៣-១៥; ២៤ ) ។ បងប្អូនក៏អាចស្វែងរកគោលការណ៍ដែលអាចជួយបងប្អូនចែកចាយដំណឹងល្អបានផងដែរ ។ តើបងប្អូនរកឃើញអ្វីខ្លះដែលបំផុសគំនិតបងប្អូនឲ្យ « ប្រកាសដំណឹងដ៏រីករាយ នៃសេចក្ដីអំណរដ៏ធំ » ? ( គោលលទ្ធិ និងសេចក្ដីសញ្ញា ៣១:៣ ) ។

អែលឌើរ ហ្គែរី អ៊ី ស្ទីវ៉ែនសុន បានបង្រៀនថាការប្រកាសដំណឹងល្អ « អាចសម្រេចបានតាមរយៈគោលការណ៍សាមញ្ញងាយយល់ ដែលបានបង្រៀនដល់យើងម្នាក់ៗពីកុមារភាព ៖ ស្រឡាញ់ ចែកចាយ និងអញ្ជើញ » ( « ស្រឡាញ់ ចែកចាយ អញ្ជើញ » លីអាហូណា ខែ ឧសភា ឆ្នាំ ២០២២ ទំព័រ ៨៥ ) ។ សូមពិចារណាសិក្សាសារលិខិតរបស់លោកខណៈពេលដែលកំពុងគិតអំពីអ្នកដែលស្គាល់ មិត្តភក្តិ និងគ្រួសាររបស់បងប្អូន ។ តើបងប្អូនមានគំនិតអ្វីខ្លះអំពីរបៀបដែលបងប្អូនអាចចែកចាយជាមួយពួកគេ « តើ [ បងប្អូន ] ស្រឡាញ់អ្វីខ្លះអំពីដំណឹងល្អរបស់ព្រះយេស៊ូវគ្រីស្ទ » ? តើបងប្អូនអាចអញ្ជើញពួកគេឲ្យ « មក ហើយមើល » « មក ហើយបម្រើ » និង « មក ហើយចូលរួមចំណែក » តាមរបៀបណាខ្លះ ? ពេលបងប្អូនច្រៀង ឬស្ដាប់ « ខ្ញុំនឹងទៅដែលទ្រង់ឲ្យខ្ញុំទៅ » ( ទំនុកតម្កើង ល.រ.១៦៨ ) ឬទំនុកតម្កើងដែលទាក់ទង នោះបងប្អូនអាចសួរខ្លួនឯងថា « តើព្រះអម្ចាស់ចង់ឲ្យខ្ញុំនិយាយអ្វី ហើយធ្វើអ្វីដើម្បីចែកចាយដំណឹងល្អរបស់ទ្រង់ ? »

សូមមើលផងដែរ អែលឌើរ ម៉ាកូស អេ អែតឌូកៃទីស « ចូរលើកចិត្តអ្នកឡើង ហើយអរសប្បាយចុះ » លីអាហូណា ខែ ឧសភា ឆ្នាំ ២០២២ ទំព័រ ៤០-៤៣; Topics and Questions « Inviting All to Receive the Gospel of Jesus Christ » « ការបម្រើដូចជាព្រះអង្គសង្រ្គោះបម្រើ» បណ្ណាល័យដំណឹងល្អ « Inviting All to Come unto Christ: Sharing the Gospel » ( វីដេអូ ) បណ្ណាល័យដំណឹងល្អ ។

Inviting All to Come unto Christ: Sharing the Gospel

អ្នកផ្សព្វផ្សាយសាសនាស្រីកំពុងបង្រៀនស្ត្រីមួយក្រុម

គោលលទ្ធិ និងសេចក្តីសញ្ញា ៣១:១-២, ៥–៦, ៩, ១៣

ព្រះអម្ចាស់អាចជួយខ្ញុំជាមួយទំនាក់ទំនងក្នុងគ្រួសាររបស់ខ្ញុំ ។

ក្រុមគ្រួសារនៅក្នុងទសវត្សរ៍ ១៨៣០ ពុះពារនឹងបញ្ហាដូចគ្នាជាច្រើនដែលក្រុមគ្រួសារជាច្រើនជួបប្រទះនាសព្វថ្ងៃនេះដែរ ។ តើព្រះអម្ចាស់បានប្រទានសេចក្ដីណែនាំ និងការសន្យាអ្វីខ្លះដល់ ថូម៉ាស ប៊ី ម៉ាស អំពីគ្រួសាររបស់លោកនៅក្នុង គោលលទ្ធិ និងសេចក្ដីសញ្ញា ៣១ ? ( សូមមើលជាពិសេស ខទី ១-២, ៥-៦, ៩, ១៣ ) ។ តើបន្ទូលរបស់ទ្រង់អាចជួយបងប្អូននៅក្នុងទំនាក់ទំនងគ្រួសាររបស់បងប្អូនយ៉ាងដូចម្ដេច ?

សម្រាប់ព័ត៌មានបន្ថែមអំពី ថូម៉ាស ប៊ី ម៉ាស សូមមើល ពួកបរិសុទ្ធ, ១:៧៩–៨០, ១១៩–២០ ។

គោលលទ្ធិ និងសេចក្តីសញ្ញា ៣២–៣៣; ៣៥

ព្រះអម្ចាស់រៀបចំខ្ញុំសម្រាប់កិច្ចការដែលទ្រង់សព្វព្រះទ័យចង់ឲ្យខ្ញុំធ្វើ ។

ការសិក្សាអំពីជីវិតរបស់ប្រជាជនដែលបានថ្លែងនៅក្នុង គោលលទ្ធិ និងសេចក្ដីសញ្ញា ៣២-៣៣; ៣៥ អាចជួយបងប្អូនឲ្យស្គាល់អំពីរបៀបដែលព្រះអម្ចាស់កំពុងរៀបចំបងប្អូនសម្រាប់កិច្ចការរបស់ទ្រង់ ។ ឧទាហរណ៍ បងប្អូនអាចអានអំពីទំនាក់ទំនងរវាង ប៉ាលី ភី ប្រាត្ត និង ស៊ីឌនី រិកដុន នៅក្នុង « Voices of the Restoration: Early Converts » ។ តើទំនាក់ទំនងនេះបានប្រទានពរដល់បុត្រាបុត្រីរបស់ព្រះដោយរបៀបណា ? ( សូមមើល គោលលទ្ធិ និងសេចក្តីសញ្ញា ៣៥ ) ។

នេះជាឧទាហរណ៍មួយផ្សេងទៀត ៖ អ៊ែសរ៉ា ធេយ័រ បានសរសេរថាពីមុនគាត់ជ្រមុជទឹក មានពេលមួយនោះគាត់បានមានការនិមិត្តមួយថាមាន « បុរសម្នាក់បានយកក្រដាសមួយដុំមកឲ្យគាត់មើល ហើយក៏មានត្រែមួយហើយបានប្រាប់ខ្ញុំឲ្យ [ ផ្លុំ ] វាផងដែរ ។ ខ្ញុំបានប្រាប់គាត់ថាខ្ញុំមិនដែលចេះ [ ផ្លុំ ] ឧបករណ៍អ្វីឡើយក្នុងមួយជីវិតខ្ញុំនេះ ។ គាត់បានពោលថាខ្ញុំអាច [ លេង ] បាន សូមសាកល្បងម្ដងចុះ ។ … វាមានសំឡេងដ៏ពីរោះដែលខ្ញុំពុំធ្លាប់ឮពីមុនមក » ( « Revelation, October 1830–B, Revelation Book 1 » ការណែនាំជាប្រវត្តិសាស្ត្រ, នៅលើគេហទំព័រ josephsmithpapers.org ) ។ ក្រោយមកនៅពេល យ៉ូសែប ស្ម៊ីធ បានទទួលវិវរណៈមួយសម្រាប់ អ៊ែសរ៉ា ធេយ័រ និង ណូរត្រុព ស្វ៊ីត ដែលឥឡូវនេះបានកត់ត្រានៅក្នុង គោលលទ្ធិ និងសេចក្តីសញ្ញា ៣៣ ដែល អ៊ែសរ៉ាបានបកប្រែវិវរណៈនោះថាជាក្រដាសមួយដុំដែលនៅក្នុងការនិមិត្តរបស់គាត់ ។ តើព្រះអម្ចាស់បានរៀបចំ អ៊ែសរ៉ា សម្រាប់បេសកកម្មដែលទ្រង់បានប្រទានដល់គាត់នៅក្នុង គោលលទ្ធិ និងសេចក្ដីសញ្ញា ៣៣:១-១៣ ដោយរបៀបណា ?

តើបងប្អូនមើលឃើញភស្ដុតាងអ្វីខ្លះថា ព្រះហស្ដរបស់ព្រះអម្ចាស់មាននៅក្នុងជីវិតរបស់សមាជិកសម័យដើមទាំងនេះ ? តើព្រះអម្ចាស់បានដាក់នរណានៅក្នុងជីវិតរបស់អ្នកដើម្បីជួយអ្នកឲ្យមកកាន់ព្រះគ្រីស្ទ ? តើទ្រង់កំពុងរៀបចំបងប្អូនដើម្បីផ្តល់ពរដល់អ្នកដទៃតាមរយៈភាពស្មោះត្រង់ ក្ដីស្រឡាញ់ ឬការអញ្ជើញរបស់បងប្អូនដោយរបៀបណា ?

សូមមើលផងដែរ « A Mission to the Lamanites » Revelations in Context ទំព័រ ៤៥–៤៩ ។

គោលលទ្ថិ និងសេចក្ដីសញ្ញា ៣៣:១២–១៨

ប្រសិនបើខ្ញុំកសាងជីវិតខ្ញុំនៅលើដំណឹងល្អរបស់ព្រះអង្គសង្គ្រោះនោះខ្ញុំនឹងមិនធ្លាក់ឡើយ ។

គោលលទ្ធិ និងសេចក្តីសញ្ញា ៣៣ បានថ្លែងទៅកាន់ ណូរត្រុព ស៊្វីត និង អែសរ៉ា ធេយ័រ ដែលជាអ្នកប្រែចិត្តជឿថ្មីពីរនាក់ ។ ណូរត្រុព បានចាកចេញពីសាសនាចក្រភ្លាមៗក្រោយពីទទួលបានវិវរណៈនេះ ។ អែសរ៉ា បានបម្រើដោយស្មោះត្រង់អស់មួយរយៈ ប៉ុន្ដែចុងក្រោយលោកក៏បានវង្វេងចេញផងដែរ ។ ការអានអំពីពួកគេនៅក្នុងកណ្ឌនេះអាចជំរុញឲ្យបងប្អូនពិចារណាថា តើបងប្អូនត្រូវបានស្ថាបនាយ៉ាងរឹងមាំប៉ុណ្ណា « នៅ [ លើ ] ថ្ម » ( ខទី ១៣ ) នៃដំណឹងល្អ ។ តើសេចក្ដីពិតអ្វីខ្លះនៅក្នុងខគម្ពីរទាំងនេះអាចជួយបងប្អូនឲ្យបន្ដនៅស្មោះត្រង់នឹងព្រះអង្គសង្គ្រោះ ?

សូមមើលផងដែរ ហេលេមិន ៥:១២ ។

សម្រាប់គំនិតបន្ថែម សូមមើលទស្សនាវដ្តី លីអាហូណា និង ដើម្បីកម្លាំងនៃយុវជន ប្រចាំខែនេះ ។

គំនិតសម្រាប់បង្រៀនកុមារ

គោលលទ្ធិ និងសេចក្ដីសញ្ញា ៣០:១–២

ខ្ញុំគួរតែផ្ដោតទៅលើរបស់ផងទាំងឡាយនៃព្រះជាជាងទៅលើរបស់ផងទាំងឡាយនៃផែនដី ។

វាប្រហែលជាសប្បាយចិត្តសម្រាប់កូនៗរបស់បងប្អូនក្នុងការព្យាយាមធ្វើកិច្ចការពីរក្នុងពេលតែមួយ ដូចជាការសូត្រពាក្យទៅជាចម្រៀងដែលពួកគេចូលចិត្តខណៈពេលសរសេរឈ្មោះសមាជិកគ្រួសាររបស់ពួកគេទាំងអស់ ។ ហេតុអ្វីវាពិបាកធ្វើរឿងពីរក្នុងពេលតែមួយ ? បន្ទាប់មកបងប្អូនអាចអាន គោលលទ្ធិ និងសេចក្ដីសញ្ញា ៣០:១–២ ជាមួយគ្នា ។ តើ « របស់ផងទាំងឡាយនៃផែនដី » មួយចំនួន ដែលអាចរារាំងយើងមិនឲ្យចងចាំព្រះយេស៊ូវ និងដំណឹងល្អរបស់ទ្រង់មានអ្វីខ្លះ ? តើយើងអាចរក្សាការផ្តោតអារម្មណ៍របស់យើងទៅលើទ្រង់យ៉ាងដូចម្ដេច ?

គោលលទ្ធិ និងសេចក្ដីសញ្ញា ៣៣:២-៣, ៦-១០

ខ្ញុំអាចចែកចាយដំណឹងល្អរបស់ព្រះយេស៊ូវគ្រីស្ទបាន ។

ដើម្បីជួយកូនបងប្អូនឲ្យយល់អំពី គោលលទ្ធិ និងសេចក្ដីសញ្ញា ៣៣:៨-១០ បងប្អូនអាចអញ្ជើញពួកគេឲ្យព្យាយាមនិយាយឃ្លាមួយដែលមានមាត់បិទ ខណៈពេលដែលបងប្អូន ឬកូនដទៃទៀតទាយអំពីអ្វីដែលពួកគេកំពុងនិយាយ ។ សូមអាន ខទី ៨-១០ ហើយសុំឲ្យគេបើកមាត់រៀងរាល់ពេលដែលឃ្លា « បើកមាត់របស់អ្នក »ត្រូវបាននិយាយម្តងទៀត ។ ហេតុអ្វីព្រះវរបិតាសួគ៌ចង់ឲ្យយើងបើកមាត់របស់យើង ហើយចែកចាយដំណឹងល្អជាមួយអ្នកដទៃយ៉ាងដូច្នេះ ? តើយើងអាចប្រាប់ក្រុមគ្រួសារ និងមិត្តភក្តិរបស់យើងអំពីដំណឹងល្អរបស់ព្រះអង្គសង្គ្រោះ ឬដំណឹងល្អរបស់ទ្រង់ដោយរបៀបណា ? បងប្អូនក៏អាចច្រៀងចម្រៀងអំពីការចែកចាយដំណឹងល្អដូចជា « យើងនឹងនាំការពិតទ្រង់ដល់លោកិយ » ( សៀវភៅចម្រៀងកុមារ ទំព័រ ៩២–៩៣ ) ។
សូមពិចារណាអំពីការចែកចាយបទពិសោធន៍ដែលបងប្អូនមានទាក់ទងទៅនឹងគោលការណ៍ ឬការសន្យានៅក្នុង គោលលទ្ធិ និងសេចក្តីសញ្ញា ៣០-៣៤ ។ តើបងប្អូនបានរៀន ឬមានអារម្មណ៍យ៉ាងណាចំពោះព្រះអង្គសង្រ្គោះ និងកិច្ចការរបស់ទ្រង់ពេលបងប្អូនបម្រើទ្រង់ ?

ក្រុមកុមារកំពុងមើលទស្សនាវដ្ដី — « មានរបៀបជាច្រើនដើម្បីចែកចាយដំណឹងល្អ ។

ថ្លែងទីបន្ទាល់អំពីពរជ័យទាំងឡាយដែលបានសន្យា ។ នៅពេលបងប្អូនអញ្ជើញកុមារឲ្យរស់នៅតាមគោលការណ៍មួយ សូមចែកចាយការសន្យានានាដែលព្រះបានធ្វើដល់អស់អ្នកទាំងឡាយណាដែលរស់នៅតាមគោលការណ៍នោះ ។ ឧទាហរណ៍ បងប្អូនអាចថ្លែងទីបន្ទាល់អំពីពរជ័យទាំងឡាយដែលព្រះអម្ចាស់បានប្រទានដល់អ្នកទាំងឡាយដែលបើកមាត់របស់ពួកគេ ហើយចែកចាយដំណឹងល្អ ។

គោលលទ្ធិ និងសេចក្ដីសញ្ញា ៣៣:១២–១៣

ខ្ញុំអាចកសាងជីវិតរបស់ខ្ញុំនៅក្នុងដំណឹងល្អរបស់ព្រះយេស៊ូវគ្រីស្ទ ។

បងប្អូនអាចនាំកូនរបស់បងប្អូនទៅខាងក្រៅ ដើម្បីមើលគ្រឹះនៃអគារផ្ទះ ឬអាគារសាសនាចក្ររបស់ពួកគេ ហើយសុំឲ្យពួកគេពិពណ៌នាអំពីវា ។ ហេតុអ្វីក៏អគារមួយចាំបាច់ត្រូវមានគ្រឹះរឹងមាំដូច្នេះ ? សូមអានជាមួយពួកគេ គោលលទ្ធិ និងសេចក្ដីសញ្ញា ៣៣:១២-១៣ ហើយសូមចែកចាយជាមួយគ្នានូវអារម្មណ៍របស់បងប្អូនអំពីមូលហេតុដែលព្រះអម្ចាស់ចង់ឲ្យយើងកសាងជីវិតរបស់យើងនៅលើដំណឹងល្អរបស់ទ្រង់ ។ ហេតុអ្វី « ថ្ម » ជាពាក្យល្អមួយដើម្បីពិពណ៌នាដំណឹងល្អ ? តើយើងអាចកសាងជីវិតរបស់យើងនៅលើថ្មនៃដំណឹងល្អដោយរបៀបណា ? ( សូមមើល ម៉ាថាយ ៧:២៤-២៩ ) ។

សម្រាប់គំនិតបន្ថែម សូមមើលទស្សនាវដ្តី ប្រិយមិត្ត ប្រចាំខែនេះ ។

អ្នកផ្សព្វផ្សាយសាសនាជំនាន់ដើមដែលធ្វើដំណើរក្នុងព្រិល — Go into the Wilderness [ ចូលទៅក្នុងទីរហោស្ថាន ] ដោយ រ៉ូប៊ើត ធី បារែត