C.C.A. Christensen (1831–1912), Saints Driven from Jackson County Missouri [Ang mga Santos Gipapahawa gikan sa Lalawigan sa Jackson Missouri], c. 1878, daling mauga nga pintura diha sa panapton nga hilo, 77 ¼ x 113 ka pulgada. Brigham Young University Museum of Art, gasa sa mga apo ni C.C.A. Christensen, 1970.

Septiyembre 8–14: “Pagmalinawon ug Hibaloi Nga Ako Mao Ang Dios”

Doktrina ug mga Pakigsaad 98–101

Alang sa mga Santos niadtong mga 1830, ang Indepencence, Missouri, mao sa tinuod ang gisaad nga yuta. Kadto mao ang “tunga-tunga nga dapit” sa Zion (Doktrina ug mga Pakigsaad 57:3)—ang siyudad sa Dios dinhi sa yuta—ug ang pagpundok sa mga Santos didto mao ang makahinam nga pasiuna sa Ikaduhang Pag-anhi. Apan ang ilang mga silingan sa lugar nakakita sa mga butang sa lahi nga paagi. Sila misupak sa pangangkon nga ang Dios mihatag sa yuta ngadto sa mga Santos, ug sila dili komportable sa politikal, ekonomiya, ug sosyal nga mga sangpotanan sa daghan kaayong dili pamilyar nga mga tawo nga paspas kaayo nga mibalhin paingon didto. Ang pagkadili komportable misangpot ngadto sa pagpanggukod ug pagkabayolente. Niadtong 1833, ang opisina nga imprintahanan sa Simbahan giguba, ug ang mga Santos gipugos sa pagbiya sa ilang mga panimalay.

Si Joseph Smith sobra sa 800 ka milya [1,288 ka kilometro] ang gilay-on gikan sa Kirtland, ug kini nga balita mikabat og mga semana aron moabot kaniya. Apan nasayod ang Ginoo unsa ang nahitabo, ug gipadayag Niya ngadto sa Iyang Propeta ang mga baroganan sa kalinaw ug kadasig nga mohupay sa mga Santos—mga baroganan nga makatabang usab kon kita nagsinati og pagpanggukod, kon ang atong matarong nga mga tinguha wala matuman, o kon kita nanginahanglan og pahinumdom nga ang atong inadlaw-adlaw nga mga kasakit mahimo sa kadugayan, sa usa ka paagi, “molihok alang sa [atong] kaayohan” (Doktrina ug mga Pakigsaad 98:3).

Tan-awa sa Mga Santos, 1:196–222; “Waiting for the Word of the Lord,” diha sa Revelations in Context, 196–201.

Mga Ideya alang sa Pagkat-on diha sa Panimalay ug sa Simbahan

Doktrina ug mga Pakigsaad 98:1–3, 11–14, 22; 101:1–16, 22–31, 36

Ang akong mga pagsulay mahimong molihok alang sa akong kaayohan.

Ang pipila sa atong mga hagit sa kinabuhi nahitabo tungod sa atong kaugalingon nga mga pagpili. Ang uban nahitabo tungod sa mga pagpili sa uban. Ug usahay ang mga butang mahitabo lang kay kabahin kini sa pagkamortal. Bisan unsa pa man ang hinungdan, ang kalisdanan makatabang nga matuman ang balaanong mga katuyoan kon kita modangop sa Dios .

Tinuod kini alang sa mga Santos didto sa Missouri niadtong 1833, ug tinuod kini alang kanato karon. Samtang magbasa ka sa unsay gisulti sa Ginoo ngadto sa mga Santos diha sa Doktrina ug mga Pakigsaad 98 ug 101, pamalandongi kon sa unsang paagi nga ang Iyang mensahe magamit ngadto sa nagkalainlaing mga pagsulay o mga kalisdanan nga anaa nimo. Ania ang pipila ka pangutana ug mga kapanguhaan nga makatabang kanimo.

Kon ang usa ka pagsulay resulta sa:

• Personal nga mga pagpili: Unsa nga tambag—ug mga saad—ang imong makita diha sa Doktrina ug mga Pakigsaad 98:11–12; 101:1–9? Unsa ang imong nakat-onan gikan niini nga mga bersikulo mahitungod sa Langitnong Amahan ug ni Jesukristo? Sa imong pamati unsa ang gusto sa Dios nga ipabuhat nimo?

• Mga pagpili sa uban: Unsa nga kahupayan ang imong makita diha sa Doktrina ug mga Pakigsaad 98:1–3, 22; 101:10–16, 22? Sa unsang paagi nga gusto sa Dios nga kita moresponde sa pag-abuso, pagdaog-daog, o sa pagkabayolente? (Tan-awa sa Tabang sa Kinabuhi, “Abuso,” Librarya sa Ebanghelyo; Mga Hilisgotan ug mga Pangutana [Topics and Questions], “Abuso,” Librarya sa Ebanghelyo [Gospel Library].) Unsa ang gitudlo niini nga mga bersikulo kon unsaon sa pagbutang sa imong pagsalig diha sa Ginoo?

• Mga kalisdanan sa pagkamortal: Unsa nga panglantaw ang imong nabatonan gikan sa Doktrina ug mga Pakigsaad 98:1–3; 101:22–31, 36? Unsay imong nakat-onan gikan sa imong mga pagsulay? Unsay inyong gibuhat sa pagdapit sa tabang sa Dios? Giunsa ka Niya pagtabang?

Aron makat-on pa og dugang kon unsaon sa Dios paghimo nga “ang tanan nga mga butang diin kamo gipaantos molihok alang sa inyong kaayohan” (Doktrina ug mga Pakigsaad 98:3), ikonsiderar ang pagtuon sa mensahe ni Elder Anthony D. Perkins “Hinumdomi ang Imong mga Santos nga Nag-antos, O Among Dios” (Liahona, Nob. 2021, 103–5). Mahimo nimong pangitaon ang usa ka tudling diha sa iyang mensahe nga makatabang nimo nga makasabot kon giunsa sa Manluluwas pagdapit kanimo sa pagtan-aw sa imong mga hagit. Sa unsang mga paagi nga ang imong mga pagsulay naglihok alang sa imong kaayohan o nagtuman sa mga katuyoan sa Dios?

Tan-awa usab sa Mga Taga-Roma 8:28; 2 Nephi 2:2; Doktrina ug mga Pakigsaad 90:24; D. Todd Christofferson, “Dali na Diri sa Zion,” Liahona, Nob. 2008, 37–40; “Trial of Adversity,” “Feeling the Lord’s Love and Goodness in Trials,” “The Refiner’s Fire” (mga bidyo), ChurchofJesusChrist.org.

Pagsulay sa Kalisdanan

Si Katie, kinsa naparalisado tungod sa usa ka aksidente sa sakyanan, nagpaambit kon giunsa niya paggamit ang iyang hugot nga pagtuo aron sa paghangop sa iyang bag-ong kinabuhi.

Feeling the Lord's Love and Goodness in Trials

When Darlyn learned of her illness, she feared she would not see her children grow up. But through her trial, she felt the Lord’s love and immense goodness. How does He comfort you in times of trial?

The Refiner's Fire

The refiner’s fire is not a comfortable place to be. It involves intense heat and repeated hammering. But it is in the refiner’s fire we are purified and prepared to meet God.

Doktrina ug mga Pakigsaad 98:23–48

Ang Ginoo gusto kanako nga mangita og kalinaw diha sa Iyang paagi.

Si Presidente Russell M. Nelson nagtudlo: “Ang sumusunod ni Jesukristo angay nga mopakita sa ehemplo ngadto sa tibuok kalibotan aron sundon. Ako mohangyo kaninyo nga kutob sa inyong mahimo hunonga ang personal nga mga kasungian nga sa kasamtangan nagdilaab sa inyong kinabuhi” (“Ang Gahom sa Kadasig sa Espirituhanong Paglambo,” Liahona, Mayo 2022, 97).

Bisan kon dili ang tanan diha sa Doktrina ug mga Pakigsaad 98:23–48 magamit sa imong personal nga pakigdait ngadto sa uban, unsa nga mga baroganan ang imong makita nga makagiya kanimo aron hunongon ang personal nga mga kasungian sa imong kinabuhi? Mahimo ka nga makakita og dugang nga mga kamatuoran diha sa usa ka awit mahitungod sa kalinaw o pagpasaylo, sama sa “Modan-ag ang Kamatuoran” (Mga Himno, nu. 171).

Detalye gikan sa Christ and the Rich Young Ruler [Si Kristo ug ang Adunahan nga Batan-ong Magmamando], ni Heinrich Hofmann

Doktrina ug mga Pakigsaad 99–100

Ang Ginoo moamuma sa mga tawo nga nagserbisyo Kaniya.

Ang mga pagpadayag diha sa mga seksiyon 99 ug 100 gihatag ngadto sa mga tawo nga adunay importante nga mga responsibilidad sa Simbahan apan nabalaka usab mahitungod sa ilang mga pamilya. Unsay imong nakita dinhi niini nga mga pagpadayag nga mahimong makatabang nila? Unsa ang mensahe sa Ginoo alang kanimo dinhi niini nga mga pagpadayag?

Tan-awa usab sa “John Murdock’s Missions to Missouri” sa “‘I Quit Other Business’: Early Missionaries” ug “A Mission to Canada,” diha sa Revelations in Context, 87–89, 202–7.

Doktrina ug mga Pakigsaad 101:43–65

Ang pagsunod sa tambag sa Dios nagtabang kanako nga kanunayng luwas.

Ang sambingay diha sa Doktrina ug mga Pakigsaad 101:43–62 nagpasabot kon ngano nga ang Ginoo mitugot nga ang mga Santos papahawaon gikan sa Zion. Samtang nagbasa ka niini nga mga bersikulo, nakakita ka ba og mga paagi nga ikaw susama sa mga sulogoon diha sa sambingay? Unsaon nimo sa pagpakita sa Dios nga ikaw “andam nga magiyahan sa matarong ug tukma nga paagi alang sa [imong] kaluwasan”? (tan-awa sa mga bersikulo 63–65).

I-aksiyon ang mga asoy o mga sambingay. Usahay mas sayon ang pagkat-on ug pagsabot sa mga istorya ug mga sambingay diha sa mga kasulatan kon atong ibutang ang atong mga kaugalingon sa sitwasyon sa mga tawo nga gihisgotan niini. Kon nagtudlo ka sa Doktrina ug mga Pakigsaad 101:43–62, mahimo nimong dapiton ang mga tigkat-on nga iaksiyon ang sambingay samtang ang usa ka tawo nagbasa niini og kusog. Unsa nga mga ideya ang imong nakuha gikan sa pag-aksiyon sa mga pulong?

Alang sa dugang nga mga ideya, tan-awa ang mga isyu karong bulana sa Liahona ug sa Alang sa Kalig-on sa mga Kabatan-onan nga mga magasin.

Mga Tawo, Mga Dapit, Mga Panghitabo

• Mga Kapanguhaan sa Kasaysayan sa Doktrina ug mga Pakigsaad: John Murdock

• Panimalay nila ni John ug Elsa Johnson

• Oposisyon ngadto sa Bag-o pa nga Simbahan

Iklik dinhi aron makakita pa og dugang

Mga Ideya sa Pagtudlo sa mga Bata

Doktrina ug mga Pakigsaad 98:1–3

Si Jesukristo makapausab sa akong mga pagsulay aron mahimong mga panalangin.

• Mahimo nimong sugdan ang panaghisgot pinaagi sa pagpangutana sa imong mga anak mahitungod sa mga hagit nga giatubang sa mga bata sa ilang pangidaron. Mahimo dayon ninyong basahon og dungan ang Doktrina ug mga Pakigsaad 98:1–3 ug hisgotan kon sa unsang paagi nga si Jesukristo makahimo sa pag-usab sa mga pagsulay aron mahimong mga panalangin. Mahimo ka nga mopakigbahin ngadto sa imong mga anak og mga ehemplo kon giunsa Niya sa pag-usab sa imong mga pagsulay aron mahimong mga panalangin.

Doktrina ug mga Pakigsaad 98:39–40

Ang Manluluwas nagtabang nako sa pagpasaylo.

Pahinumdom: Samtang magtudlo ka sa imong mga anak sa kaimportante sa pagpasaylo, seguroa nga nakasabot usab sila nga kon adunay tawo nga mopasakit kanila, kinahanglan silang mopahibalo kanunay sa usa ka sinaligan nga hamtong.

• Ang mga kapitulo 34 ug 35 diha sa Mga Istorya sa Doktrina ug mga Pakigsaad (128–34) makatabang nimo sa pagtudlo kon giunsa sa pagtratar ang mga Santos didto sa Missouri niadtong 1833. Ikaw ug ang imong mga anak mahimong maghisgot kon unsa kaha ang mga gibati niini nga mga Santos. Dayon mahimo ninyong basahon og dungan ang Doktrina ug mga Pakigsaad 98:23, 39–40 aron mahibaloan kon unsa ang gusto sa Ginoo nga buhaton nila. Ikaw ug ang imong mga anak mahimong maghisgot mahitungod sa mga higayon nga kamo nagkinahanglan nga mopasaylo sa usa ka tawo ug kon giunsa sa Manluluwas sa pagtabang kaninyo.

• Mahimo usab ka nga mopakita sa imong mga anak og mga litrato sa malipayon nga panagway ug magul-anon nga panagway. Paghisgot og mga sitwasyon diin ang usa ka tawo dili mabination, ug pagsugyot og mga paagi sa pagtubag. Tabangi ang imong mga anak sa pagpili kon ang matag tubag makapalipay o makapaguol ba nila pinaagi sa pagtudlo sa katugbang nga panagway. Nganong gusto man ni Jesus nga mopasaylo kita sa mga tawo, bisan niadtong dili mabination kanato?

Chapter 34: God Warns the People of Zion: July–August 1833

Chapter 35: The Saints Leave Jackson County, Missouri: September–December 1833

Doktrina ug mga Pakigsaad 101:16, 23–32

Si Jesukristo makahatag kanako og kalinaw.

• Human sa pagbasa sa Doktrina ug mga Pakigsaad 101:16, tabangi ang imong mga anak nga makaila sa malinawong mga pagbati nga moabot kon magmalinawon kita ug maghunahuna mahitungod ni Jesus—sama pananglit, kon mag-ampo kita o moambit sa sakramento. Mahimo kamo nga manganta og dungan sa usa ka awit mahitungod sa balaang pagtahod, sama sa “Nagtahod, Naghilom” (Songbook sa mga Bata, 11). Unsaon man aron atong mabati ang Iyang kalinaw diha sa atong mga panimalay?

• Ang imong mga anak tingali interesado nga makakat-on mahitungod kon sama sa unsa kaha ang kinabuhi kon si Jesukristo moanhi pag-usab. Pagbasa og dungan sa Doktrina ug mga Pakigsaad 101:23–32, ug hisgotan ang mga butang nga ilang makita dinhi niini nga bersikulo nga magdala nato og hingpit nga kalipay kon Siya moanhi. Nganong makatabang man nga mahibalo mahitungod niini nga mga butang kon magkalisod kita?

Si Jesukristo magdala og kalinaw ug hingpit nga kalipay kon Siya moanhi pag-usab.

Alang sa dugang nga mga ideya, tan-awa ang isyu karong bulana sa Higala nga magasin.

Missouri Burning [Pagsunog sa Missouri], ni Glen S. Hopkinson