Mga Kapanguhaan sa Kasaysayan sa Doktrina ug mga Pakigsaad: John Murdock, Mga Kapanguhaan sa Kasaysayan sa Doktrina ug mga Pakigsaad (2025)
John Murdock, Mga Kapanguhaan sa Kasaysayan sa Doktrina ug mga Pakigsaad (2025)
John Murdock
(1792–1871)
John Murdock, ca. 1850, litrato, Church History Library, PH 1700 2782.
Si John Murdock natawo sa Kortright, New York, niadtong 1792. Siya nakigminyo ni Julia Clapp niadtong 1823. Niadtong Nobiyembre 1830, si Murdock gibunyagan ngadto sa Ang Simbahan ni Jesukristo sa mga Santos sa Ulahing mga Adlaw sa Kirtland, Ohio, ug gi-orden nga elder. Niadtong 1831, ang iyang asawa namatay human manganak og kaluha, nga dihadiha dayon gisagop ni Joseph ug Emma Smith. Ang nag-una nga mga pagpadayag mitawag ni Murdock nga moserbisyo og mga misyon (Doktrina ug mga Pakigsaad 52:8; 99:1). Siya miserbisyo og nagkalain-laing misyon, lakip sa Missouri, Ohio, Virginia, ug sa silangang Estados Unidos taliwala sa 1831 ug 1833, Vermont ug New York niadtong 1835 ug 1836; Indiana gikan sa 1844 ngadto sa 1845; ug Australia taliwala sa 1851 ug 1853.
Niadtong 1834 si Murdock mimartsa gikan sa Ohio ngadto sa Missouri isip kabahin sa Kampo sa Israel. Siya gitudlo nga pangulo sa halangdong konseho sa Zion niadtong 1836. Si Murdock nakigminyo ni Amoranda Turner nianang tuiga, apan siya namatay sa misunod nga tuig. Siya nakigminyo dayon ni Electra Allen. Niadtong 1839, siya mibalhin sa Illinois, ug nahimong bishop sa Nauvoo, Illinois, Fifth Ward gikan sa 1842 ngadto sa 1844. Ang iyang ikatulo nga asawa namatay niadtong 1845, ug siya nakigminyo ni Sarah Zufelt niagtong 1846. Niadtong 1847 siya milangyaw ngadto sa Teritoryo sa Utah, diin nahimo siyang high councilman, bishop sa Salt Lake City Fourteenth Ward, ug patriyarka, sa wala pa sa kataposan mipuyo sa Distrito sa Beaver.
Mga Pakisayran sa Doktrina ug mga Pakigsaad