John S. Carter

(ca. 1792–1834)

Si John S. Carter natawo sa mga 1792. Niadtong 1813 siya nakigminyo ni Elizabeth (Betsey) Kinyon sa Benson, Vermont. Siya gibunyagan ngadto sa Ang Simbahan ni Jesukristo sa mga Santos sa Ulahing mga Adlaw sa mga 1832. Sa kaulahian nianang tuiga, iyang gikuyogan ang iyang igsoon nga si Jared sa usa ka misyon ngadto sa Vermont. Siya dayon mitabang ni Jared ug sa laing igsoon, si Simeon, sa pagtukod og mga branch sa Simbahan sa North West Bay ug Bolton, Vermont. Niadtong 1834 si Carter gi-orden nga usa ka high priest; gitudlo nga moserbisyo sa unang high council sa Simbahan, sa Kirtland, Ohio (Doktrina ug mga Pakigsaad 102:3, 34); ug gitawag nga mokuyog ni Jesse Smith sa usa ka misyon ngadto sa silangang Estados Unidos. Human mobiyahe ngadto sa Missouri kauban sa ekspedisyon sa Kampo sa Israel, si Carter namatay tungod sa kolera sa Distrito sa Clay, Missouri.

Mga Pakisayran sa Doktrina ug mga Pakigsaad

Doktrina ug mga Pakigsaad 102

Dugang Impormasyon

Biyograpikanhong mga kamatuoran ug mga tinubdan, The Joseph Smith Papers [Ang mga Papeles ni Joseph Smith]

John S. Carter diha sa Biyograpikanhong Database sa Kasaysayan sa Simbahan

Tan-awa ang John S. Carter sa FamilySearch