Mga Kapanguhaan sa Kasaysayan sa Doktrina ug mga Pakigsaad: Reynolds Cahoon, Mga Kapanguhaan sa Kasaysayan sa Doktrina ug mga Pakigsaad (2025)
Reynolds Cahoon, Mga Kapanguhaan sa Kasaysayan sa Doktrina ug mga Pakigsaad (2025)
Reynolds Cahoon
(1790–1861)
Reynolds Cahoon, sa wala pa ang 1861 nga kinulit, Church History Library, PH 1700 1717.
Si Reynolds Cahoon natawo sa Cambridge, New York. Iyang giminyoan si Thirza Stiles niadtong 1810. Niadtong 1825, mibalhin siya duol sa Kirtland, Ohio. Gibunyagan siya ngadto sa Ang Simbahan ni Jesukristo sa mga Santos sa Ulahing mga Adlaw niadtong 1830 ug giordinahan nga elder ug usa ka high priest niadtong Hunyo 1831. Paglabay sa duha ka adlaw, gitudlo siya pinaagi sa pagpadayag nga moserbisyo og misyon didto sa Missouri (Doktrina ug mga Pakigsaad 52:30). Mibiyahe siya og balik ngadto sa Kirtland kauban ni Joseph Smith human gipahinungod sa propeta ang Independence, Missouri, alang sa katukoran sa Zion (tan-awa sa Doktrina ug mga Pakigsaad 61:35). Nagserbisyo siya isip usa ka magtatambag ngadto ni Bishop Newel K. Whitney sa Kirtland sugod niadtong 1832. Pagkasunod tuig, gitudlo siya nga moserbisyo og misyon ngadto sa Warsaw, New York.
Balik sa Kirtland, si Cahoon mitabang sa pagdumala sa pagtukod sa Templo sa Kirtland (Doktrina ug mga Pakigsaad 94:13–15), naghupot og stock sa Kirtland Safety Society, ug miserbisyo sa kapangulohan sa stake sa Kirtland. Niadtong 1838, mibalhin siya ngadto sa Missouri, diin siya usa ka magtatambag sa kapangulohan sa stake sa Adam-ondi-Ahman.
Si Cahoon miadto sa Missouri kauban sa mga Santos, sa kataposan mibalhin ngadto sa Nauvoo, Illinois, diin siya nagserbisyo sa komitiba sa pagtukod sa templo sa Nauvoo ug gidawat ngadto sa Konseho sa Kalim-an. Milalin siya ngadto sa Walog sa Salt Lake sa Teritoryo sa Utah niadtong 1848.
Mga Pakisayran sa Doktrina ug mga Pakigsaad