Mga Kapanguhaan sa Kasaysayan sa Doktrina ug mga Pakigsaad: George Miller, Mga Kapanguhaan sa Kasaysayan sa Doktrina ug mga Pakigsaad (2025)
George Miller, Mga Kapanguhaan sa Kasaysayan sa Doktrina ug mga Pakigsaad (2025)
George Miller
(1794–1856)
George Miller, litrato sa hulagway nga gidrowing gamit ang krayola, Church History Library, PH 1700 3076.
Si George Miller natawo duol sa Stanardsville, Virginia. Siya nakigminyo ni Mary C. Fry niadtong 1822 ug gibunyagan ngadto sa Ang Simbahan ni Jesukristo sa mga Santos sa Ulahing mga Adlaw ni John Taylor niadtong 1839. Niadtong 1840, siya mibalhin sa Commerce, Illinois, nga sa wala madugay giusab ang ngalan og Nauvoo, diin siya gi-orden nga usa ka high priest ni Joseph Smith, Hyrum Smith, ug Newel Knight. Sa Nauvoo, siya usa ka sinaligan ug pangulo sa Asosasyon sa Balay sa Nauvoo (Doktrina ug mga Pakigsaad 124:62, 70). Niadtong 1841, siya gitudlo nga bishop. Si Miller nahimo usab nga presidente sa high priest ug gidawat ngadto sa Konseho sa Kalim-an. Sa sayo nga bahin sa mga 1840, si Miller miserbisyo og mga misyon sa Teritoryo sa Iowa ug Illinois, ngadto sa Kentucky, sa kakahoyan sa mga pino [pines] sa Teritoryo sa Wisconsin aron sa pagpalit og mga kahoy alang sa Templo sa Nauvoo ug sa Balay sa Nauvoo, ug balik na usab sa Kentucky aron mangampanya alang kang Joseph Smith isip pangulo sa Estados Unidos. Si Miller usa sa tulo nga sinaligan-nga-gisaligan [trustees-in-trust] alang sa Simbahan human sa kamatayon ni Joseph Smith niadtong 1844. Sa kaulahian nianang tuiga, siya gitudlo nga “ikaduhang bishop” ubos ni Newel K. Whitney. Si Miller nalambigit og kadiyot sa pundok sa mga Santos sa Ulahing mga Adlaw nga gipangulohan ni Lyman Wight ngadto sa Texas niadtong 1848, diin human niini si Miller gipahimulag ug sa kataposan miapil sa Simbahan ni Jesukristo sa mga Santos sa Ulahing mga Adlaw ni James J. Strang.
Mga Pakisayran sa Doktrina ug mga Pakigsaad