Mga Kapanguhaan sa Kasaysayan sa Doktrina ug mga Pakigsaad: Parley P. Pratt, Mga Kapanguhaan sa Kasaysayan sa Doktrina ug mga Pakigsaad (2025)
Parley P. Pratt, Mga Kapanguhaan sa Kasaysayan sa Doktrina ug mga Pakigsaad (2025)
Parley P. Pratt
(1807–57)
Parley Parker Pratt, ca. 1850–1857, daguerreotype, Church History Library, PH 100.
Si Parley P. Pratt natawo sa Burlington, New York. Giminyoan niya si Thankful Halsey in 1827. Nabunyagan siya sa Ang Simbahan ni Jesukristo sa mga Santos sa Ulahing mga Adlaw niadtong Septiyembre 1830 ug gi-orden nga elder nianang adlawa. Sa mosunod nga tulo ka dekada, miserbisyo siya og daghang misyon sa Estados Unidos, Canada, England, ug Chile (tan-awa sa Doktrina ug mga Pakigsaad 50:37; 52:26. Niadtong 1830, siya ug ang ubang mga misyonaryo mibunyag og mga 130 ka indibidwal sa Kirtland, Ohio, samtang nagmisyon ngadto sa mga Lamanita (Lumad nga taga-Amerika) (tan-awa sa Doktrina ug mga Pakigsaad 32). Samtang nagserbisyo og misyon sa England niadtong 1840, nahimo siya nga unang editor sa Latter-day Saints’ Millennial Star. Siya ang nagdumala sa British Mission niadtong 1841–1842.
Niadtong mga 1830, si Pratt mipuyo uban sa mga Santos sa Kirtland ug sa Missouri. Pagka-1834, miapil sya sa Kampo sa Israel nga ekspidesyon ngadto sa Missouri (Doktrina ug mga Pakigsaad 103). Gi-orden siya nga usa ka sakop sa Korum sa Napulog Duha ka Apostoles niadtong 1835. Human sa pagkamatay sa iyang unang asawa, giminyoan niya si Mary Ann Frost Stearns niadtong 1837. Atol sa mga pagpanggukod sa Missouri, nabilanggo siya didto sa duha ka bilanggoan sa Missouri niadtong 1838–1839. Sa pasugod sa 1843, mipuyo siya sa Nauvoo, Illinois.
Si Pratt mibalhin kuyog sa mga Santos ngadto sa Utah niadtong 1847. Gipatay siya samtang nagserbisyo og misyon didto sa Arkansas.
Mga Pakisayran sa Doktrina ug mga Pakigsaad