Mga Kapanguhaan sa Kasaysayan sa Doktrina ug mga Pakigsaad: John Taylor, Mga Kapanguhaan sa Kasaysayan sa Doktrina ug mga Pakigsaad (2025)
John Taylor, Mga Kapanguhaan sa Kasaysayan sa Doktrina ug mga Pakigsaad (2025)
John Taylor
(1808–87)
John Taylor, ca. 1870, gilitratohan ni Charles R. Savage, Church History Library, PH 7189.
Si John Taylor natawo sa Milnthorpe, England, niadtong 1808. Mga tuig 1832 si Taylor mibalhin sa York Township, Upper Canada, ug didto nakigminyo kang Leonora Cannon pagka-1833. Pagka-Mayo 1836, nabunyagan si Taylor sa Ang Simbahan ni Jesukristo sa mga Santos sa Ulahing mga Adlaw ug gi-orden nga elder. Pagkahuman dayon, gitawag siya nga mangulo sa mga branch sa Simbahan sa Upper Canada. Pagka-Hulyo 1838, gitawag siya pinaagi sa pagpadayag nga mohulip sa nabakante sa Korum sa Napulog Duha ka Apostoles (Doktrina ug mga Pakigsaad 118:6). Sukad 1839 hangtod 1841, nagserbisyo siya og misyon sa England. Dayon mibalhin siya sa Nauvoo, Illinois, diin didto niya gi-edit ang newspaper sa Simbahan nga Times and Seasons ug sakop siya sa Council of Fifty [Konseho sa Kalim-an]. Didto siya dihang sila si Joseph ug Hyrum Smith gimartir sa Bilanggoan sa Carhage pagka-Hunyo 1844 (Doktrina ug mga Pakigsaad 135:2). Human nakaserbisyo og laing misyon sa England, si Taylor, milalin ngadto sa Walog sa Salt Lake sa Teritoryo sa Utah pagka-1847. Sukad 1849 hangtod 1852, nagserbisyo siya og misyon sa France ug Germany. Pagka-1854 gipili siya nga mangulo sa mga branch sa sidlakan sa Estados Unidos. Dihang mibalik siya sa Teritoryo sa Utah pagka-1857, si Taylor naghupot og daghang pangsibiko nga katungdanan agig dugang sa pagserbisyo isip usa ka Apostol. Human sa pagkamatay ni Brigham Young niadtong 1877, nagserbisyo si Taylor isip ikatulong Presidente sa Simbahan hangtod sa iyang pagkamatay didto sa Kaysville, Teritoryo sa Utah pagka-1887.
Mga Pakisayran sa Doktrina ug mga Pakigsaad