Mga Kapanguhaan sa Kasaysayan sa Doktrina ug mga Pakigsaad: Martin Harris, Mga Kapanguhaan sa Kasaysayan sa Doktrina ug mga Pakigsaad (2025)
Martin Harris, Mga Kapanguhaan sa Kasaysayan sa Doktrina ug mga Pakigsaad (2025)
Martin Harris
(1783–1875)
Martin Harris, 1870, litrato pinaagi ni Charles William Carter, Church History Library, PH 1700 4449.
Si Martin Harris natawo sa Easton, New York. Giminyoan niya si Lucy Harris niadtong 1808. Si Martin Harris nahimong adunahan nga mag-uuma sa Palmyra, New York. Human sa pagsusi sa pipila ka Kristiyano nga mga denominasyon, nasuod siya ni Joseph Smith, sa kaulahian nakabig ngadto sa ebanghelyo. Si Harris midala sa mga kopya sa mga karakter gikan sa bulawan nga palid ngadto sa mga iskolar niadtong Pebrero 1828 ug miserbisyo isip usa ka tigsulat ni Joseph Smith samtang iyang gihubad ang Basahon ni Mormon sa ulahing bahin niana nga tingpamulak. Nalambigit siya sa pagkawala sa nasugdan nga hubad sa Basahon ni Mormon niadtong Hunyo 1828 (Doktrina ug mga Pakigsaad 3, 10). Pagkasunod tuig, si Harris nahimong usa sa Tulo ka Saksi sa Basahon ni Mormon (Doktrina ug mga Pakigsaad 5). Pinaagi sa pagbaligya og 61 ka ektarya sa iyang umahan, siya ang mibayad sa bayranan sa pag-imprinta alang sa pagmantala sa unang edisyon sa Basahon ni Mormon (tan-awa sa Doktrina ug mga Pakigsaad 19:26).
Si Harris anaa atol sa pag-organisar sa Ang Simbahan ni Jesukristo sa mga Santos sa Ulahing mga Adlaw niadtong 6 sa Abril 1830 ug nabunyagan nianang adlawa. Mibalhin siya kuyog sa mga Santos ngadto sa Kirtland, Ohio, niadtong 1831 ug, human nga gitawag pinaagi sa pagpadayag (Doktrina ug mga Pakigsaad 52:24), miserbisyo og misyon ngadto sa Missouri nianang tuiga gihapon. Niadtong 1834, miapil siya sa Kampo sa Israel nga ekspidesyon paingon sa Missouri. Kay bulag sa iyang unang asawa, giminyoan niya si Caroline Young niadtong 1836 o 1837. Sa kaulahian mibiya siya sa Simbahan, apan niadtong 1870 mibalhin siya ngadto sa Salt Lake Valley sa Teritoryo sa Utah ug nabunyagan pag-usab.
Mga Pakisayran sa Doktrina ug mga Pakigsaad
Doktrina ug mga Pakigsaad 3, 5, 10, 17, 19, 52, 58, 70, 82, 102, 104