Mga Kapanguhaan sa Kasaysayan sa Doktrina ug mga Pakigsaad: Heman (Herman) A. Bassett, Mga Kapanguhaan sa Kasaysayan sa Doktrina ug mga Pakigsaad (2025)
Heman (Herman) A. Bassett, Mga Kapanguhaan sa Kasaysayan sa Doktrina ug mga Pakigsaad (2025)
Heman (Herman) A. Bassett
(ca. 1814–76)
Si Heman (Herman) Bassett natawo sa Vermont. Siya gibunyagan ngadto sa Ang Simbahan ni Jesukristo sa mga Santos sa Ulahing mga Adlaw ug gi-orden nga elder sa Ohio pagka-Enero 1831. Siya miserbisyo og misyon sa amihanang Ohio sayo sa 1831. Si Bassett usa sa mga elder nga nagpakita og talagsaong espirituhanong mga gasa sa wala pa moabot si Joseph Smith sa Ohio, ug niadtong Hunyo 1831, ang titulo nga elder gikuha gikan kaniya ug gihatag ngadto ni Simonds Ryder (Doktrina ug mga Pakigsaad 52:37). Pagka-Mayo siya gikataho nga misaway sa Simbahan. Siya nakigminyo og babaye nga ginganlan og Mary niadtong 1835. Nianang sama nga tuig, siya mibalhin ngadto sa Gallatin Township, Missouri, ug pagka-1840 siya mibalhin ngadto sa Quincy, Illinois. Siya kadiyot nga nalambigit sa Church of Jesus Christ of Latter Day Saints ni James J. Strang sa Siyudad sa New York niadtong 1849. Pagka-1853, siya milangyaw sa Teritoryo sa Utah, apan mibiya siya didto pagka-1860.
Mga Pakisayran sa Doktrina ug mga Pakigsaad