Mga Kapanguhaan sa Kasaysayan sa Doktrina ug mga Pakigsaad: George A. Smith, Mga Kapanguhaan sa Kasaysayan sa Doktrina ug mga Pakigsaad (2025)
George A. Smith, Mga Kapanguhaan sa Kasaysayan sa Doktrina ug mga Pakigsaad (2025)
George A. Smith
(1817–75)
George A. Smith, ca. 1867, litrato pinaagi ni Edward Martin, Church History Library, PH 5095.
George A. Smith, ig-agaw ni Joseph Smith Jr. ug apohan sa Presidente sa Simbahan nga si George Albert Smith, natawo sa Potsdam, New York, pagka-1817. Pagka-Septiyembre 1832, nabunyagan siya sa Ang Simbahan ni Jesukristo sa mga Santos sa Ulahing mga Adlaw sa Potsdam. Sa misunod nga tuig, mibalhin siya sa Kirtland, Ohio, diin nagtrabaho siya sa Kirtland Temple. Pagka-1834 mimartsa siya gikan sa Ohio ngadto sa Missouri isip kabahin sa ekspedisyon sa Kampo sa Israel. Niadtong 1935 gi-orden siya nga Seventy ug miuban ni Lyman Smith sa usa ka misyon ngadto sa sidlakan sa Estados Unidos. Pagka-1838 mibalhin siya sa Far West, Missouri, ug wala madugay ngadto sa Adam-ondi-Ahman, Missouri, diin didto nagserbisyo siya sa high council. Pagka-1839 si Smith gi-orden nga sakop sa Korum sa Napulog Duha ka Apostoles, human niana nagserbisyo siya og misyon sa England hangtod 1841. Nianang tuiga mitipon siya sa mga Santos sa Ulahing mga Adlaw sa Nauvoo, Illinois, ug nakigminyo kang Bathsheba W. Bigler. Sakop siya sa Konseho sa Kalim-an. Nagserbisyo usab siya isip sinaligang tigdumala sa Asosasyon sa Balay sa Nauvoo. Pagka-Enero sa 1847, usa ka pagpadayag ang mipili kaniya aron motabang sa pagdumala sa paglalin sa mga Santos sa Ulahing mga Adlaw ngadto sa Teritoryo sa Utah (Doktrina ug mga Pakigsaad 136:14). Sa Utah gitudlo siya nga magsusulat sa kasaysayan sa Simbahan ug rekorder, ug pagka-1868 nahimo siyang Unang Magtatambag ni Brigham Young sa Unang Kapangulohan.
Mga Pakisayran sa Doktrina ug mga Pakigsaad