Mga Kapanguhaan sa Kasaysayan sa Doktrina ug mga Pakigsaad: William Smith, Mga Kapanguhaan sa Kasaysayan sa Doktrina ug mga Pakigsaad (2025)
William Smith, Mga Kapanguhaan sa Kasaysayan sa Doktrina ug mga Pakigsaad (2025)
William Smith
(1811–93)
William Smith, ca. 1862, litrato, Church History Library, PH 1706.
Manghod nga igsoong lalaki ni Joseph Smith Jr., si William Smith natawo sa Royalton, Vermont. Nabunyagan siya ngadto sa Ang Simbahan ni Jesukristo sa mga Santos sa Ulahing mga Adlaw niadtong 1830 ug giordinahan nga usa ka teacher sa ulahing bahin nianang tuiga. Mibalhin siya nagdto sa Kirtland, Ohio, niadtong 1831. Niadtong 1832 giordinahan siya nga usa ka elder ug miserbisyo og misyon ngadto sa Pennsylvania. Niadtong 1833 mitambong siya a Tulunghaan sa mga Propeta, giminyoan si Caroline Grant, ug giordinahan nga usa ka high priest. Miapil siya sa ekspidesyon sa Kampo sa Israel ngadto sa Missouri niadtong 1834 ug giordinahan nga sakop sa Korum sa Napulog Duha ka apostoles niadtong 1835. Paglabay sa tulo ka tuig, mibalhin siya ngadto sa Missouri. Si William na-disfellowship niadtong Mayo 1839 apan napahiuli ngadto sa Korum sa Napulog Duha sa ulahing bahin nianang bulana. Sa sayong bahin sa mga 1840, sa Nauvoo, Illinois, gi-edit niya ang pamantalaan nga Wasp, naghupot og sibiko nga mga katungdanan, ug nahimong sakop sa Konseho sa Kalim-an. Niadtong 1845, namatay ang iyang asawa, giordinahan siya nga Patriyarka ngadto sa Simbahan, Iyang giminyoan si Mary Jane Rollins, ug siya gipahimulag gikan sa Simbahan. Human niana, miapil siya sa nagkalain-laing mga simbahan nga mibulag gikan sa Simbahan.
Mga Pakisayran sa Doktrina ug mga Pakigsaad