David Dort

(1793–1841)

Si David Dort natawo sa Gilsum, New Hampshire, pagka-1793. Nakigminyo siya ni Mary (Polly) Mack—ig-agaw ni Joseph Smith Jr.—pagka-1813. Human sa pagkamatay ni Mary, si Dort nakigminyo sa iyang igsoong babaye nga si Fanny Mack. Niadtong 1831 nabunyagan si Dort sa Ang Simbahan ni Jesukristo sa mga Santos sa Ulahing mga Adlaw. Pagka-1834 mimartsa siya ngadto sa Missouri isip kabahin sa ekspedisyon sa Kampo sa Israel. Pagka-1837 si Dort miserbisyo sa high council sa Kirtland, Ohio. Sa misunod nga tuig, mibalhin siya sa Far West, Missouri, diin didto miserbisyo na usab siya sa high council. Pagka-1839 mibalhin siya sa Commerce, Illinois, nga nausab ang ngalan sa wala madugay ngadto sa Nauvoo, ug nahimong sakop sa high council didto. Namatay siya sa Nauvoo pagka-1841.

Mga Pakisayran sa Doktrina ug mga Pakigsaad

Doktrina ug mga Pakigsaad 124

Dugang Impormasyon

Biyograpikanhong mga kamatuoran ug mga tinubdan, The Joseph Smith Papers [Ang mga Papeles ni Joseph Smith]

David Dort sa Biyograpikanhong Database sa Kasaysayan sa Simbahan

Tan-awa ang David Dort sa FamilySearch