“Mga Kapanguhaan sa Kasaysayan sa Doktrina ug mga Pakigsaad: Emma Hale Smith, Mga Kapanguhaan sa Kasaysayan sa Doktrina ug mga Pakigsaad (2025)
Emma Hale Smith, Mga Kapanguhaan sa Kasaysayan sa Doktrina ug mga Pakigsaad (2025)
Emma Hale Smith
(1804–79)
Emma Hale Smith, litrato, Church History Library, PH 1700 545.
Si Emma Hale Smith natawo pagka-1804 sa gitawag og Harmony, Pennsylvania. Nakigminyo siya ni Joseph Smith pagka-1827. Nagserbisyo siya nga eskriba sa paghubad sa Basahon ni Mormon pagka-1828 ug sa bag-ong hubad sa Biblia pagka-1830. Nabunyagan siya sa Ang Simbahan ni Jesukristo sa mga Santos sa Ulahing mga Adlaw ni Oliver Cowdery pagka-Hunyo 1830 ug nakompirmahan pag-abot sa ting-init. Mibalhin siya kauban sa iyang bana ug sa ubang mga Santos ngadto sa Kirtland, Ohio, pagka-1831. Pagka-1835, gi-edit niya ang unang hymbook sa Simbahan, nagtuman sa sugo nga gihatag kaniya mga tuig ang milabay (Doktrina ug mga Pakigsaad 25). Mibalhin siya kauban sa mga Santos ngadto sa Missouri pagka-1838 ug dayon milayas gikan sa Missouri tungod sa pagpanggukod pagka-1939, sa kataposan mipuyo sa Nauvoo, Illinois. Gipili siya nga unang presidente sa Kababayen-an sa Relief Society sa Nauvoo, nga misuporta sa pagtrabaho sa Nauvoo Temple, miandam sa kababayen-an alang sa mga ordinansa sa templo, ug mihatag og mga oportunidad alang sa espirituhanon nga pagpanudlo ug kamanggihatagon, pagka-Marso 1842.
Human sa pagkamartir ni Joseph Smith pagka-Hunyo 1844, nagpabilin si Emma sa Nauvoo. Nakigminyo siya ni Lewis C. Bidamon pagka-Disyembre 1847 ug sa kaulahian mipasakop sa Reorganized Church of Jesus Christ of Latter-day Saints, nga gipangulohan sa iyang anak nga si Joseph Smith III.
Mga Pakisayran sa Doktrina ug mga Pakigsaad