Mga Kapanguhaan sa Kasaysayan sa Doktrina ug mga Pakigsaad: Alvin Smith, Mga Kapanguhaan sa Kasaysayan sa Doktrina ug mga Pakigsaad (2025)
Alvin Smith, Mga Kapanguhaan sa Kasaysayan sa Doktrina ug mga Pakigsaad (2025)
Alvin Smith
(1798–1823)
Natawo sa Tunbridge, Vermont, niadtong 1798, si Alvin Smith maoy unang nakalahotay nga anak ni Joseph Smith Sr. ug Lucy Mack ug magulang nga igsoon ni Joseph Smith Jr. Atol sa tingtugnaw sa 1816–1817 mibalhin siya uban sa iyang pamilya ngadto sa Palmyra, New York. Mitabang siya sa pag-establisar sa uma sa pamilya ug gidumala ang pagtukod sa balay sa mga Smith sa Manchester, New York. Lig-on siya nga tumutuo sa langitnong mga pagpakita nga nadawat ni Joseph Smith ug miawhag sa iyang igsoong lalaki nga magmatinud-anon aron makuha niya ug mapagawas ang Basahon ni Mormon. Namatay siya human sa medikal nga emehensiya pagka-Nobyembre 1823. Si Alvin mahinumdoman nga mabination, mahigalaon, ug halangdon, usa ka tawo nga dili tigpakaaron-ingnon.
Pagka-1836, nakasinati si Joseph Smith og usa ka panan-awon sa celestial nga kalibotan, nakakita kang Alvin didto bisan namatay si Alvin sa wala pa ang pagpahiuli sa simbahan ug ang pagkapari ug wala pa mabunyagi niana nga awtoridad (Doktrina ug mga Pakigsaad 137).
Mga Pakisayran sa Doktrina ug mga Pakigsaad