Mga Kapanguhaan sa Kasaysayan sa Doktrina ug mga Pakigsaad: William E. McLellin, Mga Kapanguhaan sa Kasaysayan sa Doktrina ug mga Pakigsaad (2025)
William E. McLellin, Mga Kapanguhaan sa Kasaysayan sa Doktrina ug mga Pakigsaad (2025)
William E. McLellin
(1806–83)
William E. McLellin, 1867, litrato, Church History Library, PH 1700 3737.
Si William E. McLellin natawo sa Distrito sa Smith, Tennessee, niadtong 1806. Nabunyagan siya sa Ang Simbahan ni Jesukristo sa mga Santos sa Ulahing mga Adlaw sa Distrito sa Jackson, Missouri, sa ting-init sa 1831, ug dayon mibiyahe siya ngadto sa Hiram, Ohio, diin una niyang nahimamat si Joseph Smith. Didto, si Joseph Smith midiktar og pagpadayag nga nagtubag sa lima ka pangutana ni McLellin (Doktrina ug mga Pakigsaad 66), ingon man usab laing usa pa nga naghatag sa pulong sa Ginoo ngadto nila ni McLellin, Orson Hyde, Luke Johnson, ug Lyman Johnson (Doktrina ug mga Pakigsaad 68). Human sa duha ka kadali ra nga mga misyon sa pagsangyaw, siya ug ang iyang asawa, si Emeline Miller, mibalhin ngadto sa Independence, Missouri. Niadtong Disyembre 1832, si McLellin gipahimulag gikan sa Simbahan sa wala mahibaloi nga mga hinungdan. Hinuon, nahibalik dayon siya ug gitawag aron mokuyog ni Parley P. Pratt sa misyon ngadto sa Missouri ug Illinois. Niadtong 1835, si McLellin gi-orden nga usa ka sakop sa Korum sa Napulog Duha ka Apostoles. Niadtong 1838, gipahimulag na usab siya, human niana miapil siya sa lainlaing mga pundok nga gipangulohan sa mga indibidwal nga mibiya sa Simbahan.
Mga Pakisayran sa Doktrina ug mga Pakigsaad