Shadrach Roundy

(1789–1872)

Shadrach Roundy, litrato.

Si Shadrach Roundy natawo sa Rockingham, Vermont, niadtong 1789. Iyang giminyoan si Betsy Quimby niadtong 1814. Niadtong Enero 1832, si Roundy nabunyagan ngadto sa Ang Simbahan ni Jesukristo sa mga Santos sa Ulahing mga Adlaw. Pagkasunod Mayo, giordinahan siya nga usa ka elder. Dayon nahimo siya nga sakop sa Seventy. Human sa mubo nga pagpuyo sa Far West, Missouri, ug Warsaw, Illinois, si Roundy mibalhin ngadto sa Nauvoo, Illinois, niadtong 1840. Pagkasunod tuig, usa ka pagpadayag mitawag nila ni Roundy, Vinson Knight, ug Samuel Smith sa “pagdumala sa bishopric” (Doktrina ug mga Pakigsaad 124:141). Si Roundy usa usab ka sakop sa Konseho sa Kalim-an. Dayon miserbisyo siya isip usa ka bishop sa Winter Quarters, nga sa kaulahian nahimong Nebraska. Niadtong 1847 milalin siya ngadto sa Walog sa Salt Lake, sa Teritoryo sa Utah. Gikan sa 1849 hangtod 1856, nagserbisyo siya isip bishop sa Siyudad sa Salt Lake Sixteenth Ward.

Mga Pakisayran sa Doktrina ug mga Pakigsaad

Doktrina ug mga Pakigsaad 124

Dugang nga Impormasyon

Biyograpikanhong mga kamatuoran ug mga tinubdan, The Joseph Smith Papers [Ang mga Papeles ni Joseph Smith]

Si Shadrach Roundy diha sa Biyograpikanhong Database sa Kasaysayan sa Simbahan

Tan-awa ang Shadrach Roundy sa FamilySearch