Mga Kapanguhaan sa Kasaysayan sa Doktrina ug mga Pakigsaad: John Whitmer, Mga Kapanguhaan sa Kasaysayan sa Doktrina ug mga Pakigsaad (2025)
John Whitmer, Mga Kapanguhaan sa Kasaysayan sa Doktrina ug mga Pakigsaad (2025)
John Whitmer
(1802–78)
John Whitmer, ca. 1870, litrato, Church History Library, PH 1700 77.
Si John Whitmer natawo sa Pennsylvania. Nabunyagan siya sa Distrito sa Seneca, New York, niadtong Hunyo 1829. Si Whitmer miserbisyo isip usa sa mga eskriba ni Joseph Smith atol sa paghubad sa Basahon ni Mormon ug alang sa bersyon sa Biblia, ug siya usa sa Walo ka Saksi sa Basahon ni Mormon. Pipila sa nag-una nga mga pagpadayag gidirekta sa tibuok o sa bahin ngadto ni Whitmer (Doktrina ug mga Pakigsaad 15; 26; 30). Niadtong Disyembre 1830, siya mibalhin gikan sa New York ngadto sa Kirtland, Ohio. Niadtong 1831 siya gitudlo nga Magsusulat sa Kasaysayan sa Simbahan (Doktrina ug mga Pakigsaad 47) ug misugod sa pagsulat sa kasaysayan sa Ang Simbahan ni Jesukristo sa mga Santos sa Ulahing mga Adlaw (Doktrina ug mga Pakigsaad 69). Niadtong 1833 siya nakigminyo ni Sarah Maria Jackson. Niadtong 1834 siya gitudlo nga kaabag sa kapangulohan sa Simbahan sa Missouri. Siya sa wala madugay miserbisyo isip editor sa Latter Day Saints’ Messenger and Advocate [Mensahero ug Manlalaban sa mga Santos sa Ulahing mga Adlaw], ug atol sa 1836 ug 1837, siya mitabang sa mga Santos sa Ulahing mga Adlaw nga magtukod og pamuy-anan sa Far West, Missouri. Apan, siya napahimulag niadtong Marso 1838 ug gipapahawa sa Far West sa misunod nga Hunyo.
Mga Pakisayran sa Doktrina ug mga Pakigsaad