Mga Kapanguhaan sa Kasaysayan sa Doktrina ug mga Pakigsaad: Amasa M. Lyman, Mga Kapanguhaan sa Kasaysayan sa Doktrina ug mga Pakigsaad (2025)
Amasa M. Lyman, Mga Kapanguhaan sa Kasaysayan sa Doktrina ug mga Pakigsaad (2025)
Amasa M. Lyman
(1813–77)
Amasa M. Lyman, litrato, Church History Library, PH 1700 3741.
Si Amasa Lyman natawo sa Lyman, New Hampshire, niadtong 1813. Niadtong Abril 1832, siya gibunyagan ngadto sa Ang Simbahan ni Jesukristo sa mga Santos sa Ulahing mga Adlaw. Siya nagserbisyo og pipila ka misyon sa mga 1830 ug sayo sa mga 1840. Niadtong 1834 siya miapil sa ekspedisyon sa Kampo sa Israel ngadto sa Missouri. Sa misunod nga tuig, siya nahimong sakop sa Seventy ug nakigminyo ni Maria Louisa Tanner didto sa Kirtland, Ohio. Taliwala sa 1837 ug 1841, si Lyman mibalhin sa nagkalain-laing lokasyon, lakip na ang Far West, Missouri, ug Nauvoo, Illinois. Sa Nauvoo siya nahimong sakop sa Korum sa Napulog Duha ka Apostoles, magtatambag sa Unang Kapangulohan, ug sakop sa Konseho sa Kalim-an. Niadtong 1847 ug 1848, siya mao ang kapitan sa mga pundok sa mga nagkaromata sa pagbaktas ngadto sa Walog sa Salt Lake sa Teritoryo sa Utah (tan-awa sa Doktrina ug mga Pakigsaad 136:14). Niadtong 1851 siya gitudlo aron magtukod og pamuy-anan sa mga Santos sa Ulahing mga Adlaw didto sa San Bernardino, California. Gikan sa 1860 hangtod 1862, si Lyman nagserbisyo isip presidente sa European nga misyon. Niadtong 1867 siya gitangtang gikan sa Korum sa Napulog Duha, ug niadtong 1870 siya gipahimulag. Nianang sama nga tuig, siya nahimong pangulo sa Simbahan sa Zion (sa wala madugay nailhan nga “Godbeites”).
Mga Pakisayran sa Doktrina ug mga Pakigsaad